بما انها اخر حلقة وصلوها 400 لايك ❤️ ❤️ ❤️ ❤️
#سمينة_وسمن_محليني 😝
بقلم #هدو_الحاج ✍
الحلقة 《《 13 》》
#الأخيرة
بعد يومين في الظهرية
كان يوم عجاج ونو ودراه كبد واصلا تلقائيا تبدي نفسيا،، المهم بابا طلب مني اندير بيتزا واني من نوعي وقت نعجن نبدا كلي دقيق من راسي لي رجليا 😅
المهم لا عليا لا بيا نعجن ونرقص علي اغنية (( في ناس هبلت وقت اخذيته))،، المهم قبلها كنت نقرض في بصل المهم منظري حتي ابليس كان شافني ينخلع 😂😂،، المهم هايمة، نسمع في دق الباب طلعت نجري بمنظري علي اساس بابا وماما رجعو من المستشفى ،، المهم فتحت الباب نلقا قدامي ضيوف اول مرة انشوفهم مساكين نخلعو من منظري يسحابوني أثيوبية 😂😂 ,, كانو مرأة كبيرة في العمر وزوز بنات في عشرينات توأم
أنا : 😱😱
مرأة كبير في العمر : السلام عليكم
أنا : وعليكم السلام،، تفضلي
مراة : وين أهل البيت يابنيتي
بنت : شورها الخدامة متاعهم،، يستر ربي ماتكونيش البنت زي خدامتهم
توأمها : من اول ماجينا اني مش مرتاحة
اعطيتهم هذيكاي نظرة ،، ماناقص يسحابوني الخدامة 😥😥
أنا : مني انتم ؟؟
مرأة : سمعنا انه اهل البيت هذا عندهم بنية وجايين بنخطبوها لي ولدنا
أنا " بدون انتباه " : لالا معندهوميش بنات كلهم ذكورة
مرأة : غريبة ،، ولدنا معجب بي بنتهم وهو الي بعتنا
أنا " في سري " : شورهم غالطين ،، بس لقطة حلوة ياريت مكانها 🥺😍😍
مرأة : ملا بسلامة يابنيتي ومعرفة خير
أنا : بسلامة
سكرت الباب وكيف بنخش للداخل نسمع في باب مرة ثانية يدق رجعت فتحت مرة هيا القيتهم اهلي ومع خاطبيين ،، امي اعطتني هذيكاي نظرة الي مافهمتيش منها شيء الا انه فيه مصيبة جاية في طريق 😅😅
ماما : تفضلو تفضلو ،، مرحبتين بيكم
مرأة : بيك اكثر
وخشو داخل للدار الضيوف واني قاعدة مش فاهمة شيء 😅
ماما : تفضلو
مرأة : يزيد فضلكم ،، صار عندك بنت وولدي طلع مش غالط
ماما : ايه عندي وماشاء الله بطولي بسلامتها
مرأة " شافتلي " : بس خادمتكم قالت مافيش الا ذكورة
أنا " في سري " : خادمتكم 😒
ماما : اها قصدكم الاثيوبية. " وشافتلي "
أنا " في سري " : سأخبر الله على كل شيء 😢😢😢
ماما " وابتسمت " : ماهو بسلامتها جديدة وماتفهميش هلبة 😉 " واعطتني غمزة "
أنا : ماهو الاثيوبية ماتجيبيش الا اثيوبيات ياأم ياسمينة 🤣😏
ماما " اعطتني نظرة واللهي مانقتلك بعدين " : باري نادي ياسمينة
بنت : ياخوفي مااتكون هاذي هي ياسمين 😅😅
توأمها : فال الله ولا فالك
.
.
.
.
خشيت داخل وشوفت منظري في مراية اني بروحي نخلعت 😅😅
أنت تقرأ
سمينة والسمن محليني(منقولة_ليبية)
De Todoف الليل نستاحش ونتنكد ونكتئب لكن ديما شعور الجوع يفوزهن كلهن💙🤣. ﮼سمينة،والسمن،محليني💙🤣. الكاتبة: هدو الحاج💙💙. متكونة من 1³حلقة💙🤣. قࢪاءة جميلة💙🤣.
