#سمينة_وسمن_محليني 😝
بقلم #هدو_الحاج ✍
الحلقة 《《 2 》》
واني قاعدة كيف بنحط اول سمينسة في فمي واتجيني دحية من اين لا ادري 😨 ،، جميلة وكريمة وقفو وشافو لبعض
جميلة & كريمة : ءءءءء
أنا : ياعن#####
مسحت عيوني ،، وقت فتحتهم مالقيتيش حد لا الافاعي ولا امي ولا أيوب ،، منعو 😂😂😂
نزلت نسب ونلعن على يوم الي جيت في هالدنيا ،، تهاني طلعت من شقتها
واني نسب ،، جيت في بالي كيف أمي الي ديما تشكي من رجليها كيف نزلت بي هالسرعة
تهاني : ياسمينة
اعطيتها هذيكاي نظرة ،، واخيرا القيت فريسة 😂
أنا : مني سمينة 😡😡😡
تهاني : ملا شني بنادي عليك
أنا : انتي ديرتيها متع تعزيرة
تهاني : بس
ماعرفتيش شني دير ،، بس بنت الكلب جيت من نقطة ضعفي 😂😂
تهاني : مدايرة كسكسي تخشي تتغذي معانا
تلقائيا وجهي تغير من ملامح جادة الي ملامح حب 😂😂
أنا : أصلا مافيش منك إثنين 😍
وخشيت و كالعادة القيت شقة مقلوبة فوق لوطة ،، وهي ابديت تفرفش 😂 ،، اصلا مستحيل تلقو كناين زي كناينا انلقطو فيهم تلقيط 😂 ،، الفرفوشة المنكدية المزيته احلا اسماء والله 😂😂😂
.
.
.
.
.
.
.
.
.
.
في الليل مقعمزين كلنا حول السفرة العشيء ،، واني كالعادة نأكل بشراهة مش مخلية لا أخضر لا يابس ،، وأني نأكل
ماما : هذا كله على أساس بتنقصي
أنا : وشني كليت أني
شافت لي ايديا والقتني شادة في ايد خبزة وايد ثانية فخذة دجاجة
ماما : لا شيء ظلمتك يابنيتي سامحيني
أيوب " شرق من ضحك " : 😂😂😂😂
أنا : اعطيك سمسام وعشرة أيام في الحمام
أيوب : زي العجل ماشاء الله 😂😂😂
أنا " في سري " : تباهي به ياايوب نعرف وجعك شني
أنا : بابا ماهو كل راعي مسؤول على رعيته
بابا : ايه يابابا
أنا : عندك معزة رايحة منك يابابا 😂😂😂
أيوب : هاهاهاها
أنا : واللهي نكلم فيك بجد ،، راهو أيوب مايصليش يابابا ولو صله يقضي فيهم كلهم مع بعض على اساس هيكي بيخش الجنة 😂😂
أيوب " يدير بإيديه " : واللهي مانقتلك ياعجل
أنا : 😝😝😝😝😝
بابا : حق الي اتقول فيه أختك
أيوب : تكذب يابوي
أنا : أصلا كنت عارفة مش هتعترف فلهذا جيبت دليل 😂😂 ،، هاك يابابا
واعطيته فيديو مسجلة فيه أيوب على أساس يصلي وهو عدد ركعات مش عارفهم 😂😂 ،، واقوى لقطة في فيديو على اساس هو يصلي وتتصل بيه صاحبته وبابا خاطم زعميته بيسكر عليها بصبع رجليه ، بدل مايسكر فتح عليها ومايك وهي زي عنزة مخنوقة قالتله حبي أفتح بوبجي وهو من صدمة قاعد يضرب في تلفون برجليه لعند تكسرت شاشة وهو اتقوله في كلام غزل 😂😂😂
أنت تقرأ
سمينة والسمن محليني(منقولة_ليبية)
Randomف الليل نستاحش ونتنكد ونكتئب لكن ديما شعور الجوع يفوزهن كلهن💙🤣. ﮼سمينة،والسمن،محليني💙🤣. الكاتبة: هدو الحاج💙💙. متكونة من 1³حلقة💙🤣. قࢪاءة جميلة💙🤣.
