#سمينة_وسمن_محليني 😝
بقلم #هدو_الحاج ✍
الحلقة 《《 11 》》
أنا " ضحكت ضحكة وجع " : ههههههه ،، تكلمي ،، شنو نتكلم ،، تكلم انت احسن ،، احكيلي كيف كنت مضحكة وبلا كرامة ،، احكيلي كيف مافيش حد يقبل بيا بي منظري وحجمي هذا ،، احكي احكي خلي نضحك على إستغبائي هههههه
جيء صوت من وراي وقال : اني نقبل بيك ❤❤
تلفتت وكان صوت جاي من نور الدين استغربت
أنا : نعم
نور " قرب وحط ايديه على كتفي " : اني نحبك زي ماانتي ،، وقابل بيك زي ماانتي ❤
شوفت لي عيونه وايديه حسيت يستغبى فيا زيه زي رضوان يبي يخليني مضحكة حتى يتسلى 💔 ،، نحيت ايديه
أنا : بارك الله فيك طلعت زيهم. " وامشيت "
نور : ياسمين فهمتي غلط
تلفتت وعيوني معبيات الدموع ورجعت خشيت للحوش
.
.
.
.
.
غطيت راسي بالبطانية وقعدت نبكي بدون الصوت ،، ماتوقعتيش انه السمن هيخلي كرامتي وكبريائي تحت الأرض ،، يسحابوني ديما نضحك يعني مانتوجعيش 💔 ،، وقت ينادو عليا ياسمينة على رغم انه اسمي بس هما ينادو باستهزاء يسحابوني مانحسيش لانه نرد عليهم بي ابتسامة بالعكس قلبي كان يتوجع بصمت حتى مايبينيش ضعفي ،، بس توقعتيش يجي شخص المفروض يكون سبب فرحي وهو هيكون سبب تعاستي ويبين ضعفي ويخلي كرامتي تحت الارض 💔💔
.
.
.
.
.
.
.
عند عيلة عمكم موسى
كان رضوان مقعمز برا يدخن وواضح عليه علامات الندم
هشام : اندمت
رضوان " تلفت " : جيتت
هشام " قدم الكرسي معكوس وقعمز قدامه " : اندمت
رضوان " شد تلفونه " : ومن امتى أوميقا يندم
هشام : خلي نغير السؤال ،، حبيتها ؟؟
رضوان " عيونه على تلفونه " : هههههه ضحكتني ،، اني اوميقا الي اي بنت تتمنى نحرك صبعي بس ،، نحب واحدة زي هاذي
هشام : وخيرها ،، لو بتجي الاحترام مش هتلقى زيها ،، لو بتجي الاهتمام مش هتلقى زيها ،، لو بتجي للحب مش هتلقى واحدة تحبك زيها لانه الوحيدة حباتك انت مش فلوسك
رضوان : بس
هشام : بس شكلها وحجمها كيف يتقارنو مع رضوان موسى ،، عاهات تعشق الاجسام فقط 😒😒😒
رضوان " ناض متعصب وشد رقبة هشام " : شني قصدك 😡😡
هشام : ياصاحبي ظلمت البنت والعجلة دوارة وهيجي يوم الي ديرته فيها هينرد على اخواتك
رضوان " ضربه بونية " : معش توريلي وجهك
هشام " ناض ومسح دمه " : ربي يهديك ياصاحبي وترجع من طريق هذا قبل مايفوت الوقت " وامشيء "
قام الكرسي وكسره على اثنين ،، رقد على عشب وحط ايديه على عيونه
: خايفة
رضوان : من شنو
: نخاف يجي يوم وتجرحني
رضوان : معاش من يجرحك
: بس أني مش زي ماتتوقعني ،، خايفة اتشوف شكلي تسيبني
رضوان : اني حبيت روح ياسمين وعفويتها فلهذا مهما يكون شكلك هتقعدي نفسها ياسمين الي قلبي اختارها ❤
: نتمنى ❤
أنت تقرأ
سمينة والسمن محليني(منقولة_ليبية)
Randomف الليل نستاحش ونتنكد ونكتئب لكن ديما شعور الجوع يفوزهن كلهن💙🤣. ﮼سمينة،والسمن،محليني💙🤣. الكاتبة: هدو الحاج💙💙. متكونة من 1³حلقة💙🤣. قࢪاءة جميلة💙🤣.
