'မ'ရယ်..ကျွန်တော်ရယ်..အိမ်မက်တွေရယ်..
( part - 6 )
----------မ ယူခဲ့သည့်Majorကိုပဲ သူလျှောက်ခဲ့၍ မသည် သူ့ရဲ့စီနီယာတစ်ဦးဖြစ်လာခဲ့ကာ စာမေးချင်လို့ဆိုသည့်အကြောင်းပြချက်ဖြင့် ခဏခဏစကားပြောခွင့်ရသည်။
ဒက်ဒီက သူတို့နှစ်ယောက်အတွက် ကားစီစဥ်ပေးတာမို့ အသက်ပြည့်နှင့်သော မ က ကားမောင်းကာ သူကဘေးကနေထိုင်ရရုံ။"၁၈နှစ်ပြည့်ချင်ပြီ မ ဘေးကနေခုလိုမလိုက်ချင်ဘူး ကျွန်တော်ကပဲ ဦးစီးဦးဆောင်လုပ်ချင်တာ"
သူ့စကားကို မ ကမျက်လုံးလေးစွေကြည့်ရင်း မတုံ့ပြန်ဘဲ ရှေ့ကိုသာအာရုံပြန်ရောက်သွားသည်။
နမ်းမိပြီးကတည်းက မ သူ့ကိုလုံးဝလျစ်လျှူရှုထားခဲ့တာပြီး ကျေနပ်ခြင်း၊ မကျေနပ်ခြင်းကအစ တစ်ခွန်းမှထပ်မပြော။
ဒါဟာ ရှေ့ဆက်ချင်သော သူ့ရဲ့လမ်းတိုင်းကို အသေပိတ်ထားသလိုဖြစ်နေခဲ့သည်။"မ ကျွန်တော့်ကိုမချစ်ဘူးလား"
သူ မေးတာကိုကြားပေမယ့် မ ကပြန်မဖြေဘဲ ကားကိုသာဂရုစိုက်ပြီးမောင်းနေခဲ့သည်။
စိတ်တိုသွားမိပေမယ့် လွန်ခဲ့တာက ကိုယ်ပဲမို့ အောင့်အည်းငြိမ်သက်နေလိုက်ရင်း အံကြိတ်ထားမိသည်။"ရန်မဖြစ်နဲ့"
ခပ်တိုးတိုးထွက်လာသည့် မ စကားကြောင့် သူ မ ကိုဆတ်ခနဲလှည့်ကြည့်မိတော့ မ က အေးဆေးတည်ငြိမ်စွာ။
"ယောကျာ်းလေးက ရန်ဖြစ်တာဘာဆန်းလို့လဲ"
"ငါမကြိုက်ဘူး"
"ကျွန်တော်လိမ္မာရင် မ ကျွန်တော့်ကိုပြန်ချစ်မှာလား"
မီးပွိုင့်ရောက်သွား၍ မ ကကားကိုရပ်ကာ သူ့မျက်နှာကိုတည့်တည့်ကြည့်သည်။
မျက်တောင်ရှည်တွေကော့ညွှတ်နေသော မျက်ဝန်းညိုတွေက သူ့ကိုပိုပြီးရင်ခုန်သံမြန်လာစေကာ သူနမ်းခဲ့ဖူးသည့်နှုတ်ခမ်းလေးကလည်း ပန်းနုရောင်စိုအိနေသည်က ကဗျာဆန်နေသည်။"နင်ကျောင်းမတက်ရသေးလို့ ငါ့ကိုမြင်နေတာ ဧကန် နင်နဲ့ငါဘာမှမတော်ဘူးဆိုပေမယ့် အများအမြင်မှာမောင်နှမပဲ"
"ဘာမှမတော်စပ်ဘူးမလား ရအောင်ယူပြမယ် ဘယ်သူ့အမြင်မှဂရုမစိုက်ဘူး"
YOU ARE READING
'မ'ရယ်..ကျွန်တော်ရယ်..အိမ်မက်တွေရယ်..
Romanceလူယုတ်မာလို့ပြောရုံမကလို့ ဘယ်လိုပဲခေါင်းစဥ်တပ်တပ် အကြောင်းအရာက ပြောင်းမသွားဘူး ကျွန်တော် 'မ'ကို လိုချင်တယ် အသက်တွေကြီးလာတဲ့အထိ ကျွန်တော်'မ'နဲ့အတူတူနေမယ် ကျွန်တော့်ဘဝ၊ ကျွန်တော့်ကမ္ဘာဆိုတာ 'မိုးညရောင်စဥ်'မရှိလို့မဖြစ်ဘူး 'မ' Start Date - 20 May 2022 ...