'မ'ရယ်..ကျွန်တော်ရယ်..အိမ်မက်တွေရယ်..
( part - 12 )
----------
"မ ဘယ်လိုနေသေးလဲ ခေါင်းမူးသေးလား"
"ဟင့်အင်း"
ဆရာဝန်မှာခဲ့သလို မနက်ရောက်တော့ မ ဖျားနေပြီမို့ အလုပ်ထဲလည်းမသွားဖြစ်တော့ဘဲ မ အနားမှာပဲနေလိုက်သည်။
အဖျားကြောင့် မျက်နှာလေးရဲနေသည်ကို စိတ်မကောင်းစွာကြည့်ရင်း ရေပတ်တိုက်ပေးဖို့ပြင်တော့ မ က ခေါင်းခါသည်။
"ငါ့ဘာသာလုပ်မယ်"
"ဘာလဲ ငါတစ်ယောက်တည်းလည်းဖြစ်တယ်ဆိုပြီး မာနကြီးပြချင်လို့လား ငြိမ်ငြိမ်နေစမ်းပါ"
အဝတ်ဖြူကိုရေညှစ်ပြီး မ မျက်နှာနှင့်လည်ပင်းတွေကို ဖြည်းဖြည်းချင်းရေပတ်တိုက်ပေးတော့ မ က ငြိမ်နေသည်။
တစ်ချက်တစ်ချက် သူ့ကိုကြည့်နေတတ်တာမို့ မသိချင်ယောင်ဆောင်ကာ တစ်ချက်ပြုံးလိုက်ရင်း...
"မ မျက်လုံးတွေလည်း ဒီနားရောက်လာဦးမယ် ကျွန်တော် ချောတယ်မလား"
ဆိုတော့ မ က နွမ်းဖတ်စွာပြုံးရင်း တစ်ဖက်လှည့်သွားသည်။
ထိုအပြုံးလေးဟာ စက္ကန့်ပိုင်းလောက်သာကြာပေမယ့် သူ့စိတ်ထဲပျော်သွားမိပြီး မ နဖူးလေးကိုငုံ့နမ်းလိုက်သည်။
ထိုအခါမှ မမျက်နှာလေးပြန်လှည့်လာကာ...
"ငါ နင့်အပေါ်တစ်ကိုယ်ကောင်းဆန်ခဲ့မိတယ် ဧကန် အန်တီဖြူကလည်း နင့်ကိုအရမ်းချစ်ပြီး ဒက်ဒီကလည်းဂရုစိုက်တော့ ငါမရတာတွေ နင်ရနေတယ်ဆိုပြီး နင့်ကိုတော်တော်မုန်းခဲ့တာ"
ဒါသည် မ ဘက်က ပထမဆုံးစိတ်ပါလက်ပါ စကားပြောလာခြင်းဖြစ်ပြီး မ အမြဲမြိုသိပ်ထားခဲ့သည့်စကားတွေလည်းဖြစ်သည်။
မျက်ရည်ဝဲ၊ အံကြိတ်ထားတတ်သည်က မ အကျင့်ဖြစ်သလို ခုလိုမျိုးထုတ်ဖော်ပြောဆိုတာမျိုးလည်း မရှိခဲ့ဖူး။
"ငါအရမ်းစိတ်ပုတ်ခဲ့တာပဲနော်"
"ဟင့်အင်း မ မြိုသိပ်နိုင်လွန်းခဲ့တာပါ မြိုသိပ်တယ်ဆိုတာကလည်း လူတော်တွေရဲ့အလေ့အထတစ်ခုပဲလေ ကျွန်တော့်အမြင်မှာတော့ မ က သိပ်တော်တဲ့မိန်းမ"
"သူများစိတ်ချမ်းသာအောင်တော့ အတော်ပြောတတ်တယ်နော်"
"အဲ့ဒါဆို မ လည်း ကျွန်တော်စိတ်ချမ်းသာအောင်ပြန်ပြောလေ ပြော ကျွန်တော့်ကိုချစ်လား"
YOU ARE READING
'မ'ရယ်..ကျွန်တော်ရယ်..အိမ်မက်တွေရယ်..
Romanceလူယုတ်မာလို့ပြောရုံမကလို့ ဘယ်လိုပဲခေါင်းစဥ်တပ်တပ် အကြောင်းအရာက ပြောင်းမသွားဘူး ကျွန်တော် 'မ'ကို လိုချင်တယ် အသက်တွေကြီးလာတဲ့အထိ ကျွန်တော်'မ'နဲ့အတူတူနေမယ် ကျွန်တော့်ဘဝ၊ ကျွန်တော့်ကမ္ဘာဆိုတာ 'မိုးညရောင်စဥ်'မရှိလို့မဖြစ်ဘူး 'မ' Start Date - 20 May 2022 ...
