'မ'ရယ်..ကျွန်တော်ရယ်..အိမ်မက်တွေရယ်..
( part - 1 )
----------
ပထမဆုံး မ ကိုတွေ့ဖူးကတည်းက မ သည် သူ့ကိုကြည်ဖြူစွာကြိုဆိုခဲ့သူမဟုတ်မှန်းသိသည်။
မတတ်သာ၍၊ ဒက်ဒီ့ကိုပြန်မပြောရဲ၍ ခေါ်ရပြောရသည်မှန်း သူနားလည်သည်။
သို့သော် မ ကိုသူချစ်သည်...
မ နောက် တကောက်ကောက်လိုက်ရင်း မ ဆူပူငြိုငြင်သမျှကို အပြုံးမပျက်ခေါင်းငုံ့သည်းခံနိုင်သည်အထိ။
သူ့ဘဝတစ်ခုလုံးမှာ မ ကိုသာအမြတ်နိုးဆုံး...
မ ကတော့......
▫▫▫▫▫📓📓📓▫▫▫▫▫
"မ"
သူခေါ်နေတာကိုသိပေမယ့် မ ကမိတ်ကပ်လိမ်းနေတာကိုရပ်မသွားဘဲ ပြန်လည်းမထူး။
သူအလိုမကျစွာဖြင့် မ လက်ကလေးကိုလှမ်းဆွဲတော့မှ မ ကခါထုတ်ပစ်ကာ မော့ကြည့်သည်။
"ကျွန်တော်ခေါ်နေတာကို ကြည့်ဦးလေ ဘာတွေကအဲ့လောက်အရေးကြီးနေတာလဲ"
"နင်ပြောနေတာတွေအကုန်ကြားတယ် နားကကြားရတာ မျက်နှာကကြားရတာမဟုတ်ဘူး ဘာပြောမလို့လဲ"
"မ ဘယ်သွားမလို့လဲ ဒီနေ့ကျွန်တော်နားတယ်လို့ပြောထားတာကို"
"ငါ့အလုပ်ငါသွားရမှာပေါ့ အိမ်မှာနေပြီးဘာလုပ်ရမှာလဲ"
မ နဲ့တစ်နေကုန်အတူနေဖို့စိတ်ကူးထားတာမို့ သူ့စိတ်ကူးကို ဖျက်လိုဖျက်ဆီးလုပ်ချင်နေသော မ ကို သူဒေါသဖြစ်သွားသည်။
မ က လက်ကိုပြန်ရုန်းပစ်ကာ မျက်ခုံးပုံဖော်နေတာမို့လွှတ်ထားလိုက်ကာ ထိုင်ကြည့်နေလိုက်သည်။
ဘယ်လိုပဲကြည့်ကြည့် မ အမြဲလှသည်။
ကြည့်တတ်စ မြင်တတ်စကတည်းက မြင်ဖူးခဲ့သည့် မရဲ့အလှအပတွေကခုချိန်ထိရိုးမသွားခဲ့...
"မ ကိုချစ်တယ်"
မ မကြည်သလို မျက်စောင်းထိုးပေမယ့် သူကအကြည့်တွေကိုလွှဲမပစ်ဘဲ စူးစူးစိုက်စိုက်ကြည့်နေမိဆဲ။
ထိုသို့စိုက်ကြည့်နေတာကိုပဲ မ က မနေတတ်သလို ကျွတ်ခနဲစုပ်သပ်ကာ သူ့ဘက်ပြန်လှည့်လာသည်။
"နင်တမင်လာလုပ်နေတာလား"
"ကိုယ့်မိန်းမကိုချစ်လို့ကြည့်တာလေ ကျွန်တော်ကဘာလုပ်နေလို့လဲ"
VOUS LISEZ
'မ'ရယ်..ကျွန်တော်ရယ်..အိမ်မက်တွေရယ်..
Roman d'amourလူယုတ်မာလို့ပြောရုံမကလို့ ဘယ်လိုပဲခေါင်းစဥ်တပ်တပ် အကြောင်းအရာက ပြောင်းမသွားဘူး ကျွန်တော် 'မ'ကို လိုချင်တယ် အသက်တွေကြီးလာတဲ့အထိ ကျွန်တော်'မ'နဲ့အတူတူနေမယ် ကျွန်တော့်ဘဝ၊ ကျွန်တော့်ကမ္ဘာဆိုတာ 'မိုးညရောင်စဥ်'မရှိလို့မဖြစ်ဘူး 'မ' Start Date - 20 May 2022 ...
