قصة رحيل

الجزء الاول

چان يرسم على الوجه بسمات بس، مات..

قصة رحيل...

الجزء الاول..

اسمي رحيل تبدأ قصتي منذ كنت صغيرة حيث كان والداي يحبان اخي الاكبر مني وهذه الصفة موجوده في جميع افراد العائلة. حيث ان الاهتمام يكون للاولاد فقط. بينما البنات تعامل معاملة باردة جدا وبعيدة كل البعد عن الاهتمام من قبل الاهل..

. كان ابواي يفضلون اخي في كل شيء بينما كنت انا احصل على اقل القليل دائما عندما وصلت لمرحلة السادس ابتدائي ونجحت بتفوق بينما اخي رسب في الرابع الاعدادي لم يهتم ابواي لنجاحي وكأنه شيء لشخص غريب بينما انشغلا برسوب اخي واخذو يتوسطون له عند الاساتذه والمدير حتى ينجح بدرجات الشفقه.

هنا عمت بيتنا فرحة لا توصف وكأن اخي حصل على شيء ثمين ولا يعدو ذلك عن انه مهمل وكسول جدا ويصاحب اصدقاء السوء دائما وكثير المشاكل لكنه يبقى الملاك في عائلتنا بينما انا في وصفهم بومة النحس والشؤم...
بعد نجاحي ذهبت لابي لاسأله متى ينقلني الى مدرستي الجديده حيث قال بكل برود..

الاب.. ماكو دراسه بعد تكعدين بالبيت ماعدنه بنيه تكمل دراسه، دراستج ما فايدتنه..

رحيل... الكلام اجه مثل صاعقة على راسي مستقبلي يضيع واترك دراستي الي احبها. وهيج بدون سبب مقنع فقط لان اني بنت عذر اقبح من ذنب ..

سعيد.. بابا اريد خمسين الف راح نطلع اني وجماعتي سفرة..

الاب.. هاك وليدي هاي مية الف خاف تحتاج شي..
رحيل.. سيناريو معتاد عدنه اذا الولد يطلب من ابو ياخذ الي يريده وزيادة بينما البنت يجاوبوها ماكو داعي ما تحتاجين من تحتاجين احنه نجيبلج، وبالتالي محد يجيب شي الي احتاجه..

ام رحيل.. كومي اغسلي ملابس اخوج واكويهن خطيه عنده طلعه ويه صحبانه لا يتأخر..

رحيل.. احس رايحين لبيت الله يحجون وامي مختبصه. لو تعرف همه شلة مال سرسرية واهل مشاكل شتسوي؟.

سعيد.. يلا شباب انطلقو بسرعة اريد السيارة اطير بين السما والكاع..

صديق سعيد.. كول يالله يمعود ما مستعجلين اهم شي السلامة.

سعيد.. ولكم هذا الجبان ليش جبتو ويانه يخرب الطلعه علينه..

الكل.. بضحك واستهزاء اي والله صحيح..

احمد.. دومكم مستعجلين على موتكم نزلوني هنا انسدت نفسي..

سعيد.. هاي شبيك زعلت جاي نشاقه وياك يمعود يلا سوق على كيفك لا يزعل احمد..

ابو رحيل.. ام سعيد تعالي اكلج..

ام سعيد.. ها ابو سعيد كول..

ابو سعيد.. اليوم ابن اخوي حازم طلب رحيل مني وكتلهم انطوني مهله افكر..

ام سعيد.. يا تحجي صدوك حازم السكير ابو المكسرات يريد بنتي بعدين هو مطلك مرتين وعمرة ب الثلاثين وبنتي دوبها 13 سنه وين لكيت هالحجي..

ابو سعيد.. الولد ما ينعاب وهو تاب وكلها تعرف وجان بفترة مراهقة وهسه كبر وبعدين الزواج قسمه ونصيب..

ام سعيد.. هذا الحجي ما يمشي عندي هذا حازم ما ينعدل وانت تدري، وشحصل اني لو رجعتلي بنتي ورة شهرين ومطلگة وين انطي وجهي..

ابو سعيد.. لا تخافين الولد صار ادمي ومعدل والكل تريد رضاته، شحدها تزعل وادور طلاگ ما الفيها يمي لو تموت..

ام سعيد.. يعني انت تشمرها بحلگ الضبع وتكول طبها مرض وين لكيت هالحجي..

ابو سعيد.. الحجي عندي خلص راح اردلهم موافقه واخلص منها حمل زايد عليه..

ام سعيد.. وين لكيت هالحجي اكو واحد يشمر بنته وهيه طفله شبيك خاف ربك..

ابو سعيد.. عانديني بعد وتعرفين شيصير بيج وباجر يجون خبري بنتج وما اريد اي حرف منها لا ابتلي بيها...

ام سعيد.. خاف ربك هذا ظلم ويت تروح من الله..

ملاحظة.... غلسو عن الاخطاء الأملائية