قصة رحيل

البارت الثاني

كان يتحمل كل الصدمات لكن لكثرة الصد. مات....

قصة رحيل..

البارت الثاني..

رحيل.. اجتني امي بالليل وكالت ابن عمج تقدملج ويريدج واني مو مفتهمة ولا حرف منها..

ام سعيد.. بنتي هذا الي صار وما بيدي شي عليج حاولت وابوج تعرفينه شنو طينته...

رحيل.. ماما انتي سامعه شنو تحجين ترة حازم بكد ابويه المفروض الي بكدة شبعانين مي ورد..

ام سعيد.. والله هذا الي صار ما كدرت اسوي اي شي وباجر يجون وتصير الشغله رسميه....

رحيل.. يعني بعتوني ومحد فكر يسألني شنو رأيي شنو راح تحجون يم الله لو سألكم عني خطيتي برگبتكم ليوم الدين..

في الصباح..

ابو سعيد.. حياكم الله زارتنه البركه نورتونا..

ابو حازم.. بيك وبالمهلي..تسلم ابو سعيد..

ابو حازم.. ابو سعيد تعرف ليش جايينك وداكين بابك وانت اخوي..

ابو سعيد.. هلا بيكم وان شاءلله ما تطلعون اله خاطركم طيب..

ابو حازم.. عيني ابو سعيد اجينه نطلب ايد بنتك رحيل لابني حازم وهيه هم بنتي وانخليها بين عيونه..

ابو سعيد.. يجرالكم واخذوها بعباتها وين نلكة مثل حازم معدل..

ابو حازم.. يعني نقرا الفاتحه..

ابو سعيد. ان شاءالله

رحيل... مشهد مدري يضحك مدري يبجي تسمعهم شلون يحجون بكل ادب واحترام وكلام معدل وهمه كلهم باطل..

ام سعيد.. تعالي بنيتي سلمي على الضيوف..

رحيل.. طبيت واني مالي نفس اشوف هاي الوجوه الحقيرة. سلمت واباوع الوجوه تنگط سم ولا واحد بي رحمة كلهم وحوش..

ابو حازم.. ابو سعيد خلي نتفق على الحاظر والغايب..

ابو سعيد.. حبيبي ابو حازم الغايب قرآن والحاظر 3 ملايين انجهز بيهن للعرس وغرفة اخشاب فقط..

ابو حازم.. خلي اشوف العروس شنو رأيها..

ابو سعيد.. ما عدنه بنت تطلب شي الي كلته اني يصير..

ابو حازم.. براحتك الي يعجبك يصير..

رحيل.. صدمة ثانيه بعدني مو مستوعبة الاولى اجت الاقوى منها تحسهم يحجون على خروف او نعجة ويحجون بكل فخر..

حازم... من رخصتك عمي بعد يومين نعقد سيد وبعدها محكمة وانتو جهزو الي تريدونه..

ابو سعيد.. براحتكم انتو اعرف..

رحيل.. راحو او انقلعو بالاصح وابوي الدنيا ما واسعته راح يخلص مني. اول مره اشوف هيج اب حته ما طبق الشرع وسألني تقبلين او لا راح افتنه من يمه بموافقتي..

سعيد.. ها ماما شلونج..

ام سعيد.. هلا بوليدي هلا هلا تعال اكيد تعبان..

سعيد.. حجيه شو ماكو احد وين رايحين..

ام رحيل.. ابوك اخذ رحيل وراحو اليوم العقد مالتها..

سعيد.. مصدوم شنووو عقد شنو منو شوكت صارت هاي..

ام سعيد.. شكلك ابوك ركض بالسالفه وما اخذ شور احد. اجه وكال حازم يريد رحيل وانطيتها اله وقبل كم يوم اجو قروا الفاتحه وبعدها عقدو شيخ واليوم عقد محكمة..

سعيد.. اهاا حازم.. زين ابن عمنه ونعرفه مو واحد غريب..

ام سعيد.. شنو القريب ابني انت مو تعرف حازم شنو. اختك مو قابله وابوك غصبها اله تقبل وحته ما اخذ رايها..

سعيد.. وشحدها ما تقبل من شوكت البنات عدنه الهن راي، وين تلكه مثل حازم خلي تحمد ربها..

رحيل..صار عقد الشيخ وابوي هددني اذا احجي شي ما يعجبه يخلص عليه. وما استبعد يسويها صدك لان عقليتهم اجراميه. اليوم عقد المحكمه ما قبلو يعقدون لاني قاصر بس لان ابوي موجود وافقو واكيد انطو رشوة وعقد القاضي. وصرت زوجة لواحد ما اعرف عنه غير كل الشر بي وماكو سالفه عاطله اله هو مسويها.

حازم.. حظري نفسج اسبوع الجاي العرس وبيناتنه ماكو زفة وعرس جبير..

رحيل.. قبل لا احجي اي كلمة نط ابوي وكال اي هاي براحتكم هاي الشكليات مالها داعي..