قصة رحيل

البارت الخامس والاخير..

تلتفت احياناً لتلقي نظرة على الماضي..
فتكتشف انك خرجت حياً من مذبحة..

تنويه ☝📢.. هذا الجزء جداً جداً حزين وتعيس الي ما يحب هيج شي لا يشوفه مع محبتي لكم جميعا...

قصة رحيل..

البارت الخامس والاخير..

ثرية.. عدت سنة من العملية وصرت زينه ورجعت لوضعي الطبيعي انكتل على ابسط شي. بيوم اجاني حازم يركض مثل المخبل..

حازم.. انتي العايبه هيج تسوين بينه فضحتينه بين الناس شوهتينه...

رحيل.. نحاول نخلص ثرية منه ما كدرنه خنگها صارت زركه ترافس اني وابو وامه ندفع بي انريد نفتهم شكو.بالكوه عمي دفعه عنها يكله شبيها..

حازم.. بنتك الشريفه يجي ابن الجيران يكلي احبها واريدها. اكيد عدهم علاقه من ورانه اله اغسل عارج يا كلب..

ابو حازم.. شنو ولك شكلت. اذا صدك هالحجي هذا اخر يوم بحياتج...

ثرية.. جذاب والله جذاب لا اعرفه ولا شايفته ولا ادري منو اني شوكت طالعه من البيت حته احد يعرفني..

رحيل.. ثرية تحجي وتجر النفس كوة. تدخلت عمتي وكالت بنتي ما طالعه برة البيت وانت صوجك تروح يم هذولة ما عدهم شغل وعمل غير اعراض الناس وهسه ردو عليك هسه..

رحيل.. حازم وخر. عنها وكال حسابج بعدين وثرية تشهك تريد النفس بروح..

بعد اسبوعين...

ابو حازم.. احنه رايحين هنا للمضمد اقيس ضغط عمتج حظرينه غده علما نجي..

رحيل.. طلعو واني وثرية انضف بالبيت اجه سعيد اخوي يريد مستمسكاتي علمود معامله عدهم اخذهن وراح..

ثرية.. اكلج رحيل برايج شوكت اخلص من هاي العيشه الغبرة. واصير حرة تخيلي اصير عندي سيارة وبيت وفلوس واشتري حلويات يوميه واكل وما اخلي اي شي بنفسي....

رحيل.. الله كريم يمعوده ربج يشوف لابد يجي يوم ويخلص هالعذاب..

ثرية.. جاي اثرم زلاطه وما نسمع غير ركعة الباب بقوة جفلنه ويجيت حازم يصيح وينه هذا طلعنه اليوم اذبحجن. من الصدمه بقينه صافنات..

رحيل.. جانه مثل الخنزير ما شايف جدامه ويعيط انكله منو يكول اطببن زلم للبيت ورانه اليوم اموتجن يا عارات. وثرية تصيح تكله جيه سعيد اخذ بطاقتك وبطاقة رحيل عنده معامله.
ثرية.. ما حسيت غير اجه يركض عليه وحسيت بشي دافي على جسمي انبهت السجينه مغروزة بيه.والدم ينثر..

رحيل.. الصدمه والرعب الي حسيت بي ما ينوصف بدون رحمة بدون تفاهم طعن ثرية اربع عطنات وكعت بالكاع ورجع عليه موتني ضرب. كام يشدني من شعري وركعني بالكاشي. اخير شي سمعته عياط عمتي وصياح عمي..

هنا راح تكمل ام حازم..

ام حازم.. رجعنه الباب مفتوح مكسور السرقي عبالنه حرامي طبينه نسمع عياط. وصلنه المطبخ منظر يفزع اكبر واحد بنتي ثرية جسمها احمر من الدم ومشمورة بجهة وخازم لازم رحيل ويضرب راسها بالكاع لحد ما وكعت انتهت ابو حازم ركض خلص رحيل من حازم وضرب بالحديده مال الموكد على راسه وكعه بالكاع. واني رحت لبنتي...

بعد اسبوع...

رحيل.. كعدت واحس راسي جبير ويريد ينفجر من الالم فتحت عيوني لكيت دكاترة فوك راسي ما اعرف شنو يسون.. كالولي اهدئي ماكو شي.. تذكرت الي صار انرعبت ورجعت اعيط من الخوف. انطوني مهدء نمت..
كعدت بعد فترة لكيت امي يمي سألتها شنو الي صار ما قبلت وسألتها عن ثرية ما تقبل تحجي. اجه ابويه سألته جاوبني مثل الصاعقه..

ابو سعيد.. الي فهمنا من جاي سعيد عليكم ابن جيرانكم مصورة ودازة لحازم وحازم متخبل وجايكم ما يشوف جدامه. سألته على ثرية سكت شويه وكال راحت لدار الكريم الله يرحمها..

رحيل.. صدمة خلتني اتهستر واعيط واصيح لا اله ثريه ليش يربي ليش شنو ذنبها ليش.
بعد ما هدئت سألته شنو الي صار وياي..

ابو سعيد.. من كثر ما ضربج حازم صار عندج جروح قويه براسج وكسور بالجمجمة لو مو عمج ملحك بيج جان هسه خلص عليج.بس عدت على خير وصارلج اسبوع بغيبوبة..

رحيل.. هههه يكول عدت على خير الي حاسبتها اختي خسرتها ماتت واني اسبوع بغيبوبة وهو يكلي عدت وياج على خير..
باليل اجت امي تكوني ما كدرت اتحرك. ضليت ابجي واصرخ هدئوني ونمت ثاني يوم اجه الدكتور وبعد معيانه وفحوصات..

الدكتور.. اسف على الي راح تسمعونه بس للأسف بنتكم انصابت بشلل رباعي..

رحيل.. كلام مثل الصواهق ينزل على راسي ما عندي شي اكوله دموعي تنزل يغزارة شي ما ينوصف ابوي وامي يهدئون بيه وعمي وعمتي بس يباوعون ويبجون...

بعد شهر..

رحيل.. كاعده على كرسي متحرك وامي تحجيلي. الولد الي مصور سعيد حكمو 20 سنه لان اكو ادله ضدة تسبب بقتل. وحازم انحكم اعدام بسبب جريمه القتل مع سبق الاصرار وشهادتي الي حاولو اهلي ما اشهدها حته ينحكم مؤبد اصريت وشهدتها حته انتقم ل ثريه البريئه الوردة الي ماتت بلا ذنب..

بالنسبة لابوي.. اشوف بي كسرة وزعل وقهر عليه وليش لا بعدني بعمر ال16 وصرت مشلوله وصرت عاله على الناس. بسببه.. امي بس تريد رضاي تسوي اي شي اريده وسعيد ما تغير نفس الشخص الاناني الي يريد بس نفسه...

لهنا انتهت مأساة وتعاسة رحيل. لكن تبقى الكثير من البنات مثل قصتها وحالتها واتعس بعد. يحكمهم اهل واباء ما يعرفون حق الله ولا حلال ولا حرام احنه بدورنه ننهي ونحاول نقضي على هاي الاشكال وهاي الحالات الي تشوه صورة المجتمع وصورة الدين والقيم والانسانيه على حد سواء. من واجبنه نوعي ونذكر بأن البنت عامود البيت وسبب من اسباب العتق من النار وقول الرسول الاعظم عليه افضل الصلاة والسلام (( هن المؤنسات الغاليات.)) كل هذا لنصرة البنت والترفيع من قدرها ومكانتها والحفاظ عليها وعلى حقوقها لتنمو وتصبح تلك الزهرة الفواحه بكل الطيب والعطور...

في الختام اتمنى منكم الدعاء لكل مظلوم عسى الله ان يفرج كربته ويعينه..
..