انه جاري

الفصل الثالث

اللهم صل وسلم على سيدنا محمد
لا حول ولا قوة الا بالله العلي العظيم
_____________________________

لا تفكر كثيرا في ايامك التي مضت فكر كيف تكون شخص اخر قوي غير منهزم لديه الكثير من الطموح والعزيمه✍🏻🍀

نهض من فراشه ببطىء ليتوجه الى المرحاض بنية الاغتسال والوضوء وأثناء استحمامه تنقطع الماء معلنه تمردها على ذالك الجار المنتقل الى تلك البناية جديدا ليخرج متذمرا تحيطه منشفه كلاسيكيه رمادية اللون ليرتدي ملابسه متأففا فها هو اليوم بدأ بشيء يعكر مزاجه ليتذكر أن بواب البنايه ترك له رقم هاتفه لعله يحتاج شيء وبعدما اتصل به وأخبره بانقطاع الماء منذ اليوم الأول بالإضافه الى عطل بعض المصابيح في الشقه،؛ انتظره بملل شديد فهو ليس من أولائك الرجال الصبورين فكلمة صبر تعكس شخصيته تماما بالرغم من وظيفته كنادل باحدى مطاعم المدينه............

(عند الفتيات)
ليليان:: نووووور افتحي الباب بسرعه
فاطمه وهي تأتي من خلفها:: بتعلي صوتك كده ليه هتفضحونا عند الجيران
لتفتح نور الباب بغضب:: أفندم يا برنسيسه هانم
ليليان وهي تدخل غير مهتمه بتلك الغاضبه:: قلتلك مليون مره متقفليش الباب بسببك اتأخرت على الشله.. لتكمل بصوت أعلى وهي تستمر في الدوران داخل تلك الغرفه ذات الفراشين والمرآه:: فييين الكتشي الكاشميري انا كنت حاطاه هنا
فاطمه وهي تجلس على الفراش بملل:: وطي صوتك يا ليليان شويه انتي بنت يا ماما
ليليان:: بقولك ايه وفري محاضرتك لما ارجع يلا تشاو
نور وهي تنظر لأثرها:: أنا مش فاهمه البنت دي مقعدتش في شقه مع خدم وحدها ليه بما ان اهلها اغنياء اوي كده
فاطمه:: سيبك منها وقوليلي مش ناويه تطلعي النهارده بمناسبة رأس السنه
نور:: مظنش عندي مذاكره كتير انتي عارفه ان الامتحنات داخله والمواد اتراكمت عليا شوفي سارة أو ميار
فاطمه بتنهيده:: أنا من اول مجيت السنادي وانا مطلعتش خالص ومصروفي كله شايلاه لطلوعة النهارده فمتزعلنيش بقى تعالي نقنع البنات ونروح ناكل لقمه حلوة في اي مطعم وبعدها ناكل دره مشوي على النيل
نور وهي تخرج من الغرفه وتلحقها فاطمه لتقنعها:: وتديني ملخصات المواد كلها اصورها منك؟!
فاطمه:: بس كده داه انتي تؤمري يا نور حياتي هو انا عندي كام نور لتضحك نور عليها وهم يدخلون الغرفه على سارة وليليان
نور:: بنات انا وفاطمه خارجين نتعشى بره ونتمشى على النيل تعالوا معانا؟
سارة:: أنا كان نفسي اجي معاكوا بس أكيد مش هسيب ميار وحدها
فاطمه::طيب متيجي معانا يا ميرو والله مش هنتأخر هناكل زي كل الناس عادي ونتمشى ناكل دره ونرجع ها قلتي ايه لتنظر الى ميار الجالسه أمام كتبها لم تنظر حتى لهم
ميار بدون أن ترفع لهم رأسها:: تمام
نور سريعا:: والله مهنتأخر وافقي بقى يا ميرو يا قلبي
سارة وهي تضحك وتشاركها فاطمه:: انتي هبله يا نور قالت تمام!!..
نور:: داه بجد!!
ميار:: بس في مشكله
سارة:: خير؟!
فاطمه:: مظنش ان في مشكله اكبر من انك وافقتي
ميار وهي تبتسم لهم بخجل:: مش عارفه ألبس ايه!!
نور وهي تحضنها:: تقلقيش داه أمره سهل...... وبعد مرور ساعه كامله جاء القمر في آخر يوم من سنة 2022 بعد غروب الشمس لآخر مره في تلك السنه والفتيات مازلن يرتديين ملابسهن ويشرفن على اللمسات الأخيره قبل خروجهن
سارة وهي تضع حزامها على ذالك الفستان باللون الزهري مطابقا للون عينيها الزرقاء وحجاب بدرجات اللبني والأبيض:: بنات عمي سلامه بيقول ان في مز أجر الشقه اللي قدامنا...
فاطمه وهي ترتدي حذائها الشتوي الأسود كلون سترتها الصوفيه الرقيقه المناسبه لجيبتها ذات لون النوتيلا وحجابها الإسلامي الشرعي بدرجه أخف:: ايه مز دي يا سرسورة من امتى والرجاله بقت مزز!!
نور:: بنات شوفوا ميار كده الحجاب داه مناسب أكتر على الفستان ولا داه؟!
لتنظر فاطمه الى ميار تجدها مرتديه فستان بلون المحيط وقت الشروق أي درجات الأزرق الرقيق وتنقل نظراتها الى نور وهي تمسك حجابين أحدهما باللون الزهري الفاقع والآخر بلون الشمس وقت شروقها لتقول ساره سريعا:: أنا برأي البرتقالي داه أفضل ولايق جدا
فاطمه:: أتفق جدا
نور:: اشطا... مقلتيش اسمه ايه الجار الجديد؟!
سارة:: تقريبا حمزه أو حازم مش فاكره
...............................................
وفي نايحه أخرى في شقة الجار الجديد يجلس أمام التلفاز وأمامه صحن مليء بحبيبات الفشار وزجاجة مياه غازيه وفي يده علبة نوتيلا يأكل منها وفي النهايه تلك القماشه حول رأسه نعم يبدو كفتاة في العشرينات انفصلت عن حبيبها حديثا ليقاطع التهامه للشوكولاته صوت رنين هاتفه ومن غير زميله وصديقه
حمزه وهو ينظر لكاميرا الهاتف وفي يده الأخرى النوتيلا:: أهلا 
عمر على الهاتف:: وسهلا يا حمزه ايه يا عم الكئابه اللي انت فيها دي مالك بقيت عامل زي المطلقات كده ليه
حمزه وهو يضع النوتيلا على الطاولة أمامه:: أبدا يا سيدي بس مش لاقي حد يونسني غير النوتيلا وأفلام أبيض واسود واليوم كان صعب اوي يا صاحبي الشقه خراب رسميا
عمر:: خراب ازاي يعني ماحنا شفناها في الصور كويسه
حمزه:: صور ايه بس داه طلع مصوراتي شاطر السباكه جايبه اخرها وفي كام لمبه بايظين والإضاءه زفت وكله كوم والمايه اللي بتقطع دي كوم تاني
عمر وهو يضحك على شكل صديق عمره فهو يشتكي كالفتيات حقا:: طيب متيجي تقعد معايا لغاية متبقى تمام او نشفلك غيرها
حمزه:: لا خلاص مهو البواب جاب ناس صلحوا الحاجه مانا طول اليوم قاعد مع العمال وصدعت المهم فين لولا
عمر وهو ينادي على فتاة صغيره تبلغ من العمر ثلاث سنوات تشبه القطه بأنفها الأحمر أر البرد وتلك القبعه الشتويه:: لولا تعالي شوفي حمزه اطلق
ليأتي صوت الفتاة من خلف الشاشه يصاحبه ضحكات ذالك الوسيم حمزه:: تت حمته تلق!!
عمر:: ايوه اطلق تعالي
حمزه:: بس عبط يبني متفولش عليا.. مأخدتش لولا عند جدتها ليه؟!
عمر:: عادي حبيت اقضي وقت معاها بما ان بكره اجازه بمناسبة رأس السنه وكده
حمزه وهو يمسك النوتيلا مجددا ويأخذ منها بملعقته الصغيره:: النهارده معتز اتصل بيا قال ايه والدته تعبانه وماسكه صور بنتها وبتعيط ومش عارفه تنام وكل داه بسببي أنا يعني من الآخر اتصل يوجعني ويعذب فيا بكلامه محسسني اني ناسي أخته وعايش حياتي ولا انا المفروض اعلق على دماغي أني تعبان ومهموم وقلبي مكسور ومش طايق نفسي من كتر عذاب الضمير...... وأثناء كلامه بانفعال ولمعان الدموع في عينيه كان ينظر الآخر بشفقه لصديقه ليردف بعدما أنهى حمزه كلامه
عمر:: يا صاحبي متفكرش كتير في الأيام اللي عدت والماضي فكر ازاي هتبقى إنسان أقوى من كده مش أي سهم يصيبك يقتلك انسان ليه طموح وهدف يحققه انت مكانش ليك ذنب في اللي حصل والموضوع كله كان غلط مريم وفي الأول والأخير داه عمرها وداه نصيبها وإرادة ربنا ادعيلها بالرحمه وانساها وخفف عنك شويه وعيش حياتك
حمزه وهو يعيد وضع العلبه على الطاوله::إن شاء الله أنا هقفل انا بقى علشان الفيلم بدأ ابقى عضلي لولا من خدودها
ليغلق معه ويعود كما كان أمام أحد أفلام عبد الحليم حافظ الفنان المصري القديم

______________________________________
وبعد مرور أربع ساعات كان صوت الفتيات يعلو أمام باب شقتهن فالآن الساعه 11:35 ويحاولون إيجاد مفتاح شقتهن وهن يمثلون وكأنهن سكارا كمثل البعض في هذا اليوم
سارة وهي تتأرجح بفستانها الجميل :: بس اي بقى اليوم كان قمر اوييييي هههههه
نور وهي تحاول إزاحة معطفها الأبيض ليظهر قوامها الجميل يحتويه بنطلون من اللون الأبيض وستره وردية اللون يناسبان شعرها الأشقر اللذيذ فملامحها بالتأكيد ليست مصريه فلون القمح لا يمس لها بصله
نور:: يخرب عقلن انتي وهي افتحي يا ميار بسرعه البنات دول هيودونا في داهيه يلهوي لو حد شافكم وانتوا بتمثلوا كده يقولوا علينا ايه
فاطمه بصوت عالي نسبيا وهي ُتؤرجح حقيبتها وتمسك ذراع سارة:: ميقولوا اللي يقولوه اللي يعرف أبونا يروح يقوله احنا مالناش عند حد حاجه
ساره وهي تنظر لنور بإبتسامتها الجميله وتأرجحها الغير لائق بحجابها الشرعي حتى ولو كان تمثيلا:: على رأي المثل يا نونو أنا راضي وأبويا راضي  مالك انت يا قاضي؟! ههههههههههه
ميار:: اششش بنات اسكتوا بجد وترتوني مش لاقيه المفتاح
لينفتح باب الشقه خلفهم وينظرن جميعهن لذالك الوسيم المستند بذراعيه على باب شقته يفحصونه كأنه ممثل قادم من شرق آسيا بداية من قدميه المزينتين بحذاء بيتي شتوي مرورا بجسده المحيط ببجامه شتويه رجاليه وأخيرا تلك القماشه المحيطه بشعره الأسود وملامحه الوسيمه ليعلو صوت ضحكات نور بدون وعي منها
نور وهي تضحك بدون توقف:: هههههههههههه بابا نويل باع الطربوش اللي فوق راسه واطلق يا ولاد ههههههههههه
لينظر لها باستغراب وبعدها الى بجامته حمراء اللون وحذائه البيتي الأحمر مع فروه الأبيض كالثلج
فاطمه وهي تشاركها في الضحك:: هههههههه هو احنا شربنا بجد ولا ايه ايووووه عليكي يا نور انتي شايفه اللي انا شايفاه
ساره وهي تضربها بكوعها وتمسك ضحكاتها بصعوبه على شكل الرجل أمامهن وحديث الفتيات:: يلا يا بنات عيب كده
ميار بعصبيه واضحه وملامح غاضبه من الفتيات:: لقيت المفتاح.... لتفتح الباب سريعا وتسحب الفتيات واحده تلو الأخرى بدون أي حديث وتغلق الباب سريعا.................... يتبع

بقلم /رضوى علاء سيد

التفاعل أرجوكم