اسكربتات شهد عباس

اسكريبت .....

في ليلى من ليالي الشتاء -)
" انا عارفه انك سامعني وعارفه أن
في يوم هلقى الرد انا واثقه إن دا هيحصل "
قالتها عائشه وهي تمسح دموعها ثم تبتعد
عن البحر عائده إلى المنزل
في المنزل
مرفت ام عائشه " انتي كنت  عند
البحر تاني "
عائشه " تاني وتالت لحد ما يرجع انا
واثقه "
مرفت " يا بنتي ركزي في مستقبلك
وانسيه انتي مشفتيهوش غير مره
واحده بس !
عائشه " المره دي يا ماما غيرت حياتي
كلها أنا قلبي اتعلق بيه هو قالي كلميني
وانا سامعك حتى لو مردتش أنا سامعك
اتكلمي يا عيوش اتكلمي "
مرفت " ربنا يهديك يا حبيبتي احضرلك عشا "
عائشه " لا يا ماما مش جعانه هروح انام "
دخلت الاوضه ونمت على السرير وقلت
في نفسي
((-سيـــــــــــف-))
ونمت ....
كان عندي ساعتها 7 سنين
كنت في المدرسه وكان هو دايما وحده
مش بيتكلم مع حد قربت منه واتكلمت
معاه كان لطيف جدا
قالي أن والده متوفي بس هو دايما بيكلمه
لما سألته ازاي وهو مش بيرد قال والده
كان مسافر يعمل عمليه لأنه كان عنده مرض
في الكلى ووالده كان حاسس أنه مش
هيرجع تاني قال لسيف كلمني يا سيف
سيف قاله بس انت مش هتسمعني ومش
هترد انت كنت بتقول لماما انك هتروح
ومش هترجع قاله والده قبل ما يمشي
اتكلم يا سيف اتكلم معايا أنا سامعك
حتى لو مش برد بس اتكلم ومتنسانيش 
مكنتش فاهمه كويس كلامه لأني كنت
صغيره بس حبيته وفضلت اليوم كله معاه
آخر اليوم عرفت أنه مسافر بلد برا ومش
هيرجع مصر تاني رغم اني مشفتوش غير
مره واحده بس حبيته واتعلقت بيه ونفسي
يرجع قالي قبل ما يمشي كلميني وانا
سامعك حتى لو مردتش أنا سامعك اتكلمي
يا عيوش اتكلمي ومن ساعتها كل يوم
بفضل اكلمه واحكيله  كل حاجه بتحصل
معايا وفي الآخر بختم كلامي 
ب انا عارفه انك سامعني وعارفه أن في
يوم هلقى الرد انا واثقه إن دا هيحصل
بس للاسف ملقتش الرد بس ميأستش
ولسه مستنيه الرد ...
تاني يوم بابا نادى عليا
طلعت ليه وقالي أن في عريس جايلي
عائشه " بابا لازم نتكلم في نفس الموضوع
  كل مره أنا قلت لحضرتك اني مش
عايزه اتجوز خلاص "
محمد " لا يا عائشه مش خلاص انتي
عارفه دا العريس الكام الشهر دا "
عائشه " مش عايزه اعرف"
محمد " طيب هو جاي يوم الخميس
اجهزي "
قال كلامه وطلع أنا بجد تعبت كل يومين
في حد جاي رغم اني ببقا رافضاه
قبل ما اشوفه بس بابا مصر
رحت البحر تاني زي كل يوم بتكلم مع
سيف عارفه انو سامع بس مش بيرد
عائشه " سيف بابا جاب عريس تاني
أنا بجد زهقت
انا مش عايزه اتجوز أنا ممش بحب
حد غيرك
انا عايزاك انت لو مش انت يبقا خلاص "
فضلت ابكي هناك مكنش في حد ودي
حاجه طبيعيه بما اننا في الشتا
حسيت في حد ورايا
لسه ببص لقيته حط أيده على كتفي
وقال " لسه بتعملي زي ما قلتلك "
بصيت له باستغراب وانا عايزه اعرف
مين دا
فتح أيده وكان فيها خاتم ـ الخاتم دا
انا فاكراه  كويس
دا لما أنا وسيف كنا مع بعض هو اشتري
كيس كراتيه قلبظ وانا اشتريت كيس هو
مكسبش حاجه فيه أما أنا كسبت
الخاتم دا واديتو. لي علشان ميزعلش
لسه هقول سيف لقيته بيقول " كلميني
وانا سامعك حتى لو مردتش أنا سامعك
اتكلمي يا عيوش اتكلمي كنت سامعك
دايما وكنت بكلمك برضو بس انتي مكنتيش
سمعاني "حضنته وانا ببكي قلتله
" أنا بحبك اوي "
سيف " وبرضو آجي اتقدملك تقولي لبابا مش
عايزه اتجوز وتقولي ليا زهقت يا عيوش "
بصت له عائشه بصدمه " انت العريس !
سيف " مش عاجبك امشي "
مسكت ايده وقالت " لا خليك أنا محتجالك
والنهارده هكلمك بس "
سيف " أنا سامعك وهرد "
.
.# بقلمي شهد عباس 🤍🤍
.
.
.
اسكريبت بسيط كدا تصبيره 🥺🤍🤍
في اسكريبت تاني هينزل قريب 🌚🤍🤍
اعزروني الفتره دي علشان امتحاناتي قربت
اهاااااااا 😭
بس حلو مش كدا 🌚🤍🤍
أنكر كدا بس 🔪🔪🔪😂