Part - 10 ( 5/ Jan )ဂျစ် ဒေါသက အဆမတန်ကို Tempo မြင့်တက်သွားပြီဖြစ်၏။ အခုဆို မွန်းစတားကို ဆေးကုထားရသလို သူအချစ်ဆုံးခွေးမို့ သိပ်စိတ်တိုနေသည်။
ကုလားထိုင်ပေါ်တွင်ထိုင်လျက်ရှိနေကာ လက်နှစ်ဖက်ကို နောက်ပြန်ကြိုးချည်ခံထားရသည့် ဆူး။ ပါးစပ်ကိုလဲ တိပ်နဲ့ဆွဲကပ်ပိတ်ထားကာ ဆူး က သူ့ကို စူးစူးရဲရဲ စိုက်ကြည့်နေသည်။
" ဆူး.....ခင်ဗျား... သိပ်ပြေးချင်နေတာပဲ။ "
ဂျစ် ဆူးမျက်နှာရှေ့ သူ့မျက်နှာကို တိုးကပ်လိုက်ရင်း လွန့်ခနဲပြုံးသည်။
" ကောင်းပြီ......ပြေးရစေ့မယ်။ "
ပြောလဲပြော ဂျစ် ခါးကိုပြန်မတ်ရင်း ဆူးကို မခိုးမခန့်ကြည့်လာ၏။
" ထွက်ပေါက်မှားနေတယ် ဆူးရဲ့....အိမ်ရှေ့က တံခါးမှာ ကျုပ်ဗို့အားကို အမြင့်ဆုံးတင်ထားလိုက်ပြီ... ခင်ဗျားရဲ့လွတ်လမ်းက...".
သူ လက်ပြသည့်ဆီ ဆူး ယောင်ယမ်းလိုက်ကြည့်မိသည်။
" ခြံအနောက်မှာ.....ခြံအနောက်ကနေ ထင်းရှူးတောဘက်ပေါက်တယ်.....သွားနိုင်ရင် ကားလမ်းမကြီးကိုရောက်မယ် ။ "
ဆူး မျက်မှောင်ကျုံ့မိသွားသလို.....
" ငါ့ကို ဘာလို့ ဒါတွေလာပြောပြနေတာလဲ..... "
ဂျစ် အမူအယာက မခိုးမခန့်.....။
" ခင်ဗျား အမဲလိုက်ဖူးလား ဆူး.....
ဆူး ခပ်တည်တည်လေး သူ့ကို စူးစိုက်ကြည့်နေမိသည်။
" ကျုပ်ကတော့ အမဲလိုက်ရတာကို သဘောကျတယ်....."
ပြောလဲပြော ဆူးထိုင်နေသည့် ခုံနောက်ဝင်ရပ်ကာ လက်မှကြိုးတွေကို ဆွဲဖြည်ပေးလိုက်သည်။ ပြီးတော့ သူ သွေးအေးအေးနဲ့ ပြုံးနေ၏.....မဟုတ်မှ.....။
" ပြေးတော့.....ဆယ့်ငါးမိနစ် ပြည့်တာနဲ့ ကျုပ် စပြီးလိုက်မှာ.....တွေ့ရင်....သတ်.....မယ်။ "
ဆူး အကြောင်သားလေး ငေးကြည့်နေမိဆဲပင်။ ဂျစ်က သူ့လက်မှ နာရီကိုပြန်ကြည့်ရင်း......
" တစ်မိနစ်ကုန်သွားပြီနော်....."
ဟင်.....။
ဆူး မယုံမရဲလေး အိမ်နောက်ဘက်တံခါးဆီ တစ်လှမ်းချင်း လျှောက်သွားရင်း သူ့ကိုလဲ အလစ်မပေးရဲ။
ESTÁS LEYENDO
Psycho 🔞 ( Complete)
RomanceFic name အတိုင်းပါပဲ။ မောင် နဲ့ မ ကိုမှ ဆိုက်ကိုဆန်တဲ့ စိတ္တဇလူသတ်သမား မောင်လေး နဲ့ မာနကြီးကြီး ခပ်ထက်ထက် မမတို့ ရဲ့အချစ်ဇာတ်လမ်းပါ။ 20+ မို့ အဆင်ပြေမှ ဖတ်စေချင်ပါတယ်။