🖤 Psycho 🖤
Part - 16
အခန်းတံခါးပွင့်သွားသလို နူး မြင်လိုက်ရသည့် မြင်ကွင်းကြောင့် ငေးခနဲ ဖြစ်သွား၏။ အိပ်ယာထက် ပက်လက်ကလေးအိပ်နေသည့် ဆူး။ကပျာကယာ အနားပြေးသွားမိကာ မမ လက်လေးကို ဆွဲယူလိုက်၏။
ဟင်...။
အေးစက်တဲ့အထိအတွေ့နဲ့အတူ ဆူးရဲ့ လက်ကလေးတစ်ဖက်ဟာ သူမလက်ထဲကနေ ပြန်ပြုတ်ကျသွား၏။
" ဆူး....ဆူး.....မထိနဲ့.....ဆူးကိုမထိနဲ့ဆို။ "
ဂျစ် ဗိုက်မှဒဏ်ရာကို ဖိအုပ်ရင်း သွေးအရွှဲသားဖြင့် ဆူးဆီပြေးလာကာ အပေါ်ကနေ အုပ်မိုး၍ဖက်ထား၏။
" မလိုက်သွားရဘူး.......မလိုက်သွားရဘူးနော်။ မောင့်ကိုထားပြီး လိုက်မသွားပါနဲ့။ "
ဂျစ် ပုံစံက သွေးရူးသွေးတန်းပင်။ ရဲကားအသံတွေ ကြားလိုက်ရတော့ ဂျစ် ဆတ်ခနဲ ဖြစ်သွား၏။ ဟုတ်သည်.....မြေအောက်ခန်းထဲမှ ထွက်ထွက်ချင်းကို နူး ရဲစခန်းကိုဖုန်းဆက်ခဲ့သည်။
ဂျစ် မျက်လုံးပြာပြာတွေက စူးစူးရဲရဲ ဖြစ်သွား၏။ နူးကို ဒေါသတကြီး လှည့်ကြည့်ရင်း နံရံပေါ် ချိတ်ထားသည့် ပုဆိန်ကို ဆွဲဖြုတ်ကာ ယားခနဲ အော်၍ ရွယ်ချလိုက်သည့်ခဏ....
! ဒိုင်း.....ဒိုင်း.....!
မစ္စတာဘရန်နာ သေနတ်ကို သေချာချိန်ရွယ်ရင်းမှ မျက်တောက်မခတ် စိုက်ကြည့်နေသည်။ ဂျစ် ပါးစပ်ထဲမှ သွေးတွေပွက်ခနဲအန်ကျကာ ဒူးထောက်ကျသွား၏။
! အင့်.....!
အခန်းလေးထဲ ပြန့်ကျဲနေသည့် သွေးတွေ။
လူမဟုတ် သတ္တဝါမဟုတ်သည့် နစ်ခ်......အိပ်ယာထက် အသက်မဲ့နေသည့် ဆူး၏အလောင်းကို တွေတွေကြီးစိုက်ကြည့်နေသည့် နူး။
မမ သေဆုံးတာ ကြာပြီဖြစ်ပုံရ၏။
@@@@@@@@@@@
ဟုတ်သည်.....ဆူး ဟာ သေဆုံးခဲ့တာ ကြာပါပြီ။
" ခင်ဗျားကို သတ်ပစ်မယ်.....ကျုပ်ကလေးကို အိမ်သာပိုက်ထဲ ဆွဲချပစ်တယ်ပေါ့.....ခင်ဗျားလို အယုတ်တမာမကလေ....."
ဂျစ် ဆူးကို လည်ပင်းပြေးညှစ်ခဲ့သလို သတိကပ်သည့်အချိန်ကျ ဆူးဟာ အသက်မရှိတော့ပါ။
ESTÁS LEYENDO
Psycho 🔞 ( Complete)
RomanceFic name အတိုင်းပါပဲ။ မောင် နဲ့ မ ကိုမှ ဆိုက်ကိုဆန်တဲ့ စိတ္တဇလူသတ်သမား မောင်လေး နဲ့ မာနကြီးကြီး ခပ်ထက်ထက် မမတို့ ရဲ့အချစ်ဇာတ်လမ်းပါ။ 20+ မို့ အဆင်ပြေမှ ဖတ်စေချင်ပါတယ်။
