بلهفه_ قالها قالها
_ اى قالك بحبك
_ تؤ قالى ازيك
_ ونعمه
_ تخيلى
_ وقولتيله اى
_ هزيت راسى وطلعت أجرى
بضحك _ انتى مسخره يعنى يوم ما يتكلم معاكى تسيبيه وتمشى
_ تؤ ما انا محترمه
_ ونعمه الاحترام
عادى يا جماعه مش حاسس بحبى هيجى وقت ويحس فيها اى يعنى
_ انا نازله يا ماما
_ ماشى يا حبيبتى
لبست الشنطه ف كتفى ونزلت كملت آخر الشارع وشوفته!
كان واقف مع صحابه مبتسم وبيهزر معاهم
ايدا!! دا شافنى أجرى ولا اعمل اى..دا حتى مافيش شجره استغبى وراها
_ ضى ازيك
هيه الشمس سابت كل الناس وجت فوق تماغى ولا اى
_ ب.خ.ي.ر
_ رايحه فين
مسكت طرف الشنطه وضغط عليها بتوتر
_ رايحه مشوار
_ خلى بالك من نفسك
والله كلمه تانى واقولك بحبك هه
_ ح..ااا.ض.ر
حطيت عينى ف الأرض ومديت...ايدا لاء دا انا بجرى
ما صدقت روحت ،، ودخلت جرى على اوضه اختى حور
_ حوووووووور
بخضه_ فى أى فى أى
قعد ع السرير وربعت وحطيت ايدى ع خدى بهيااام كدا
_ شوفته
حطت ايديها ع خدها _ شوفتيه
_ اممم
لقتها مسكت ايدى وحركتها بنشاط
_ شمس انهارده كلمتنى وقالتلى أنهم عاملين حفلة لنجاحها وعزمتنا هه عزمتنا
_ بجد طب يلا يلا هنلبس اى
_ عايزين نلبس زى بعض
_ لاء عشان يعرف يفرق بينى وبينك
مسكتنى من خدودى _ اه يا اروبه...البت واقعه ع رقبتها يا جماعه
بسخرية_ عقبالك
كنا ماشين ماسكين ف ايد بعض أخوات بئا
(هكتب اسم القائل جمب الجمله عشان متتلغبطوش)
شمس _ كنت خايفه متجوش
حور _ عيب عليكى الصحبه ليها عند صحبتها اى
شمس _ اى
حور _ البوفيه هوا فين بئا
ضغط على ايد حور بخفه عشان كانت سيكا وهتفضحنا
عدى الحفل على خير وكل الناس مشيت إلا أنا وحور وشمس ومحمد ومحمود أخوات شمس وأحمد اخويا
عملنا دائره صغننه وقعدنا نلعب سؤال ولا صراحة
شمس لفت الازازه _ محمد اخويااااااع يعنى أسأل براحتى
_ انجزى
_ امممم حبيت قبل كدا
بصلى وسكت شويه وبعد كدا اتكلم
_ هبقى اقولك بعدين
_ ماشى يا باشا
فضلنا نلعب ونهزر لحد ما روحنا.》
_ اخدى بالك يابت يا ضى ان محمد منزلش عينه من عليكى طول اليوم
اتنهد وقعد جمبها ع السرير _ ايوه
_ مالك بتقوليها كد لى
_ قلقانه
_ من اى
_ من أنه منزلش عينه من عليا زى ما بتقولى كدا
_ انتى جننتينى
_ نامى يا حور نامى
فتحت الموبايل وشغلت مقطع لعزيزه جلال
" انا بسأل النجوم كل ليلة عليك...وبكتب كل يوم غنويه شوق بتناديك..وبحلفك تجينى يا حبيبى وتنادينى..سعتها هتلاقينى ف لحظه بين ايديك "
_ ضى ضى انتى يابت
_ فى أى
_ خدى ردى ع تليفونك مبطلش رن
_ السلام عليكم شمس اخبارك اى
_بخير الحمد لله يا حبيبتى انتى عامله اى
_ الحمد لله
_ يزيدك حمد المهم اتصلت بيكى عشان اعزمك على خطوبه اخويا
بقلق _ اهه الف مبروك خطوبه انهى واحد
_ محمد
سمعت الاسم والفون وقع من ايدى حسيت بنقط سوده ف عينى تليها سحابه سوده
_ ضى بنتى فى أى
_ انا هروح أجيب برفان
_ الحمد لله فاقت
_ مالك يا بنتى
_ ماليش يا ماما شويه هبوط بس
_ طب انا هروح اعملك عصير
_ هبوط اى إلى يخليكى تقعى كدا
_محمد هيخطب
بصدمه _ اييي طب مين قال
مسحت ع وشى وابتسمتلها _ خير يا حور خير
حضنتنى وهنا سمحت لدموعى تنزل
_ لى يا حور هه لى انا معملتش حاجه عشان الدنيا تعمل معايا كده، ده اول مره أحب ف حياتى ،اول مره قلبى يدق ويبقى ليه، طب هوا لى عشمنى لى كان بيبصلى ويضحك لى كان بيخطفنى بكلامه معايا لى خلاني أحبه
_ هشش أهدى
_ سيبينى لوحدى شويه
_ بس
_ حور سيبينى لوحدى
_ حاضر
خرجت ، وانا قفلت النور ونمت
"قولى عملك اى قلبى قلبى الى انت ناسيه وانت انت الغالى عليه قولى.. "
_ ضى بتعملى اى
_ اممم بشوف هلبس اى
_ نعم
_ قولى اى رأيك الفستان البينك ولا الأسود
_ رايحه فين
اتنهد _ خطوبته
_ انتى ف وعيك يابت انتى
_ عايزه اشوفه وهوا عريس.
_ ضى فوقى محمد هيخطب بنت غيرك
_ ليه خلاني أحبه بس
" حرمت أحبك أحبك متحبنيش...وابعد بقلبك ياقلبك وسبنى أعيش "
_ مبروك
_ الله يبارك فيكى
قعد زى خمس دقائق ومشيت من الفرح..
_ ضى
وقفت وغمضت عينى بوجع كنت بحب اسمع اسمى منه بس دلوقتي يختلف
_ نعم
_ انا اسف
_ أسف على اى
_ ع إلى كان بنا
_ احنا عمر ما كان بنا حاجه ومبروك مره تانيه
مشيت و قلبى سبته ورايا غمضت عينى وابتسمت بوجع لما افتكرت مسلم وهوا بيقول
"مبقتش عارف اعمل اى حالى مش صعبان عليه..يعنى ده إلى وصلنا لى سيبه عارف روحى فيه..كل شى إلا الفراق ف متسبنيش وانا مشتاق..عمرى ما اتخيلت يوم ابعت واسيب قلبى معاك "
اول ما روحت نزلت مقطع لأغنية مسلم وكتبت
_ الاغنيه دى بتمثلنى اوى اسمعوها وقولولى رأيكم
"طال الغياب وهواك غلاب عشمان ف ضى عينيك..مليون جواب متساب ع الباب إلى بترديه...ومش تحت طوعى فارقتنى روحى من بعد لما مشيت..ومبين انساك وبين ارجع قلبى اتقسم نصين...نص مش قادر يخبى ونص رافض تبق جمبى وكنت عارف هبقى واحدى إلا هخسر مرتين مره لما رضيت بعيوبك ومره لما داريت عيونك كنت بتكدب ظنونك * من البدايه محبتنيش * "
قفلت الفون ووقفت قدام المرايه...بصيت لنفسى شويه..مين دى..اكيد دى مش انا..ضى البنت إلى ضحكتها مش بتفارقها إلى لبسها كله ألوان مبهجه إلى كل بوستاتها تفائل تيجى دلوقتي تنزل بوست حزين!!!
مكنتش اعرف ان الحب بيعمل كل ده..ف ثوانى تحس انك طاير...وف ثوانى تحس انك تحت الأرض
مسكت الفون لما لقيت فى Message وصلت
فتحت...
_مكنتش متوقعه أن هيجى يوم وتنزلى بوست حزين زى ده .. أحب افكرك أن اسمك ضى يعنى الضوء يعنى وقت ما تنطفى الكون هينطفى معاكى
أحب افكرك انك ضى البنت إلى بتحل مشاكل الناس إلى تعرفهم وإلى متعرفهمش
ضى إلى كل بوستاتها عن لا تيأس....
انتى ضوء اوعى تنطفى
قرأت الرساله كذا مره وكل مره كنت بعيط اكتر من المره الأولى
بعتلها_ شكرا ع نصحتك واتمنى ماتبقيش زى ف يوم من الأيام
إرسال
اتأكد أن الرساله وصلت وعملت الفون وضع الطيران وقفلته بالكامل ونمت....
،،،
_ ضى اصحى يلا وراكى محاضره....ماااامااااا شوفى بنتك مش راضيه تصحى
_ اوعى كدا انا هصحيها...ضى يلا يابت المحاضرة هتفوتك...ايدا ايديها متلجه كدا لى...ضى حبيبه امك اصحى متقلقيش قلبى عليكى حور اتصلى ب الدكتور بسرعه
،،،
_ من الواضح أن جالها حاله إغماء والقلب وقف وهيا نايمه
بقلق_ يعنى اى يا دكتور
بأسف_ البقاء لله
" وهيجى اليوم إلى تفتكرونى فيه وتقولوا كانت ذكره خفيفه ورحلت "
تمت
_ساره الماهر
_اسميتها _ضى _ للقمر
_من سلسله "ذكريات"
أنت تقرأ
سلسله "ذكريات" 💙
Short Storyسلسله من الاسكربتات تخرج من نبع خيالى ليست حقيقه وليس لها وجود بل كلمات تخرج من قلبى وعقلى...💙
