_ ع العموم انا نصحتك وخلاص
_ ماشى يا شمس
زهقت.....زهقت بجد الكل شايفينه وحش شايفين انه بيتسلى وانه بيضحك عليا انا اكيد مش هختار غلط !!!
_ و أدى صورة الشات وهوا بيتكلم فيها مع بنت بطريقه بشعه
_ اكيد مفبركه
_ للدرجاتى لعب ف دماغك
_ بقولك اى شكلك انتى الى مفبركه الحاجات دى كلها عشان نفركش الخطوبه
بصدمه_ انا يا ضى
_ اهه انتى طول عمرى احسن منك وانتى دايما بتغيرى منى
_ انا غلطانه انى وقفت جمبك وكنت معتبراكى اختى مش بس صحبتي بس طلعت لسه بغلط وانا بختار صحابى...انا همشى ومش هتشوفى وشى تانى واتمنالك حياه سعيده....
مشيت.....مكدبش انى حسيت بندم ع الى عملته بس حُبه مكفينى .
_ هانى محتاجه اشوفك
_ فى حاجه يا حبيبتى
_ لاء بس عايزه اشوفك
_ بكره الساعه ٣ كويس
_ كويس...كويس
كنت هرن ع شمس عشان تختار معايا الى هلبسه بس اكتشفت ان مبقاش فى شمس !!!!! .
_ يعنى ده كل الموضوع....اكيد غيرانه منك يحبيبتى محدش يلاقى حد يحبه زى ما انا ما بحبك كدا
_ انا قولت كدا بردوا
_ طب بقولك اى عندى فيلم جديد ممكن تعملى الديكور بتاعه
_ طبعا من عينى وببلاش كمان يحبيبى
_ حبيبتى والله
كنت قاعده بسمع يحي علاء باستمتاع لقيت message من رقم غريب
" انا فاعل خير خطيبك هيبقى معايا انهارده الساعه ٥ فى الكافى الى علطول بتقعدوا فى لو مش مصدقه مستنياكى اثبتلك "
قلبى وجعنى اوى رنيت ع الرقم لقيته مغلق
رنيت ع شمس مبتردش هى ممكن تكون صح؟؟؟
دخلت الكافى لقيته قاعد مع بنت وماسك ايديها وبيقولها نفس الكلام الى كان بيقولهولى وعلى نفس الترابيزه .
قعد ع ترابيزة جمبهم وكنت لابسه نظاره مش مبينه جزء من وشى
_ لو سمحت
_ نعم يا فندم
_ عايزه ادفع حساب الترابيزه الى هناك دى
_ تمام اجبلك الحساب ... اتفضلى يا فندم
قعد مستنيه لحد ما خلصوا كلام وطلبوا الحساب لقيت الجارسون بيشاور عليا ان انا الى دفعت الحساب..
نزلت النظاره من على عينى وبصتله تحت صدمته خرجت منى ابتسامه سخريه وقفت ورجعت طرف الطرحه لورا ولبست النظاره ومشيت... ضهرى كان ليه وانا ماشيه خلعت الدبله ورمتها ورا ضهرى ورفعت راسى بإنتصاار
" اوعى تصدق الى قال بحبك كل مره تندم بتأكدلك كل مره انها كذبه "
ركبت العربيه ومسكت الفون دى كانت اكتر من ١٠٠ مره ارن ع شمس وهيه مبتردش
_ ردى بئااا
طلعت بيتها قعد اخبط مردتش!!!! نزلت تانى للبواب
_ لو سمحت كنت عايزه أسأل ع شمس أيمن خليل
_ سافرت امبارح يا هانم
_ سافرت !!!
ركبت العربيه مقرره أسافرلها انا ماليش غيرها .
رجعت ضهرى لورا وافتكرت مقطع ليحي علاء
" وفجأه بعد عن اهلى وعن ناسى وعلى كل الى حبونى بقيت قاسى...ومتغير ياريت اصغر "
_شمس
بصتلى لقيت عنيها وارمه واول ما شافتنى دمعه نزلت من عنها مسحتها بسرعه متخيله انى مشفتهاش
_ نعم...عايزه تكملى تهزيئك هنا كمان
قربت منها شويه _ مقدرش....انا اسفه
قبل ما تتكلم فردلها دراعى وبعد ثانيه كانت ف حضنى
_ عارفه لو زعلتينى تانى هعمل فيكى اى
_ انا اسفه....بس قوليلي هتعملى اى
_ امم هسامحك
ضحكنا وشدد على حضنها الى دائما محسسنى بأمان
_ ضى
_ هممم
_ غنيلى
_ خلى يحي علاء هوا الى يغنى
" انا قلبى ليكى دا كله حنين ضحكت خدود تشبه ورود تضحك تنور كون ووجود "
تمت
_ساره الماهر
_اسميتها _ضى _ للقمر
_من سلسله "ذكريات"
أنت تقرأ
سلسله "ذكريات" 💙
Short Storyسلسله من الاسكربتات تخرج من نبع خيالى ليست حقيقه وليس لها وجود بل كلمات تخرج من قلبى وعقلى...💙
