سلسله "ذكريات" 💙

«8»

" متحبوش مُمثل.. لأنه بيمثل "

_ ايوه يا بنتى خلاص نازله اهو
_ حرام عليكى ياضى لازم تضيعى الشغلانه من ايدينا عشان تأخيرك دَ

'خرجت مِن باب العماره وانا بعلق الكاميرا ف رقبتى وبلم شعرى بعشوائيه ولبست النظاره بسرعه وروحتلها'

_هه خلصت
مسكتنى من قفايا ورميتنى ف العربيه جمبها.
_متزوقش طااااه.
_ انتى تخرسى خااالص فاهمه.
_ طب حاضر.

" أنا ضى مُصوره ف مناطق سياحيه وأهمها فندق ف اسكندريه مدينه الروح الهاديه'

_عندنا تصوير انهارده فين؟
_ف الغردقه.
_ حلو.

'ظبط الكاميرا ووجهتها ع وش الخوجايه الى قدامى وبعد ثوانى كانت الصوره ف أيديها'

_طب ممكن صوره؟

'بصيت ورايا ع الصوت لاقيته شاب طويل القامه لابس قمص ابيض ع بنطلون اسود جينز سرحت فيه لثوانى وخد بالى لما رفعلى حاجبه!'

_مبصورش الا تبع الفندق!
_ أمم طب ماشى.
مشى!! دَ مشى!!  لوطفى خُد ياض يا لوطفى.
_ ضى .. يا زفتههه
_ ايععععععع
ضيقت عينيها_ سرحانه ف أى؟
_ ف العسل الى ماشى هناك ده.
_رأفت؟
_الله، اى الاسم ده!
رفعت حاجبها_ مش عاجبك
_عاجبنى عاجبنى، المهم تعرفيه منين؟
_ ده رأفت ياستى ممثل جاى ف حلقه مسلسل هتتعمل هنا ف الفندق.
_ أممم ممثل.
'طب حلو ده ومالو'

'كنت قاعده ف كافيه الفندق برتب الصور ع الاب قبل ما اسلمها لصاحب الفندق وأمشى'

_ياعنى مش ناويه تصورينى؟
_ ومالوا يلا زكاتًا عن صحتنا.
_ أى؟
_ تعالا تعالا اهو نعمل خير
_ أنتى بتقولى اى؟
_ ايهوه أقف كدَ يلا قول بطشيخ.
'هو بيتشل ولا انا بيتهيألى؟'
_أسمك أى صح؟ 
قولت وانا بسلمه الصوره_ ضى
_ وأنا رأفت.
_عاشت الاسامى.
' ع اساس إنى مش عارفه وكدَ'
_ عندى تصوير انهارده بليل ع الساعه 9 هستناكى.
_بس انا للاسف ماشيه حالًا.
_طب حلو، هستناكي يا ضى.
'طب والله لـ رايحه وبسكدَ'
'وقفت ع جمب بتفرج عليه وهو قاعد ع كرسى وجمبيه واحد صاحبه وبيعملوا المشهد كان .... مـُبـدِع'
*خلصت واتجه ليا بعد ما جد باله إنى واقفه*
_كُنت متأكد إنك جايه.
_ وأى الى خلاك تتأكد.
غمزلى_حسيت.

'داريت ربكتى وانا بفتح الكاميرا وببعد شويه وباخدله صوره'
'هي حياتى أحلوت لما هوَ دخل فيها ولا أنا متهيألى؟'
_ ماتخلصى يا ضى بئاا
_ ما خلااص يا رأفت قولت نازله مش كل شويه ترن.
_هعد خمس دقايق الاقيكى قدامى عارفه لو اتأخرتى هعمل فيكى اى.
قولت بدلع_أى
بنفخه_هستناكى خمسه تانين.
'لا دى الحياه أحلوت فعلًا'
_ تتجوزينى.

'ربكه أحلتنى جسمى بئا بيترعش بس هدى لما أيده لمست أيدى ولبسنى الدبله وسط هيصه صاحبى ف الشغل'
' حياتى نورت بدل لعلعت بوجوده والله'
'لما بيجيله مشهد لازم يبعتلى السيناريو أقرأه وابعتله رأيى واروح معاه من بدرى نعمل بروفا مع بعض'
'بـس فـ يــوم'
_ لاء ياعنى لاء
_ هو أى إلى لاء يا ضى ده مشهد مكنتش اتخيل أنه يجيلى وإنى أبقى البطل ف يوم أو المخرج ده يكلمنى
_ طب اقرأ اخر مشهد ف الحلقه الاولى البطل عمل أى؟
_ دى أخته!
_ أخت البطل يا رأفت مش اختك انتَ متستهبلش.
_ طب ده تمثيل يعنى عادى.
'بصتله بصدمه لدقيقه و سيبته ومشيت'
_ طب أستنى، استنى بس
_عايز أى
_ انتى الى عايزه أى
_ المشهد ده مش هيتعمل واتصرف.
_ حاضر يا ضى حاجه تانى.
_ لاء

' معرفش ليه قلقت منه واليوم قلب نكد برغم انه صالحنى ف الاخر بس بردو مش مطمنه'
_ عندِك تصوير فين؟
_ طالعه رحله مع وفد أجنبى ف الساحل أسبوع وراجعين.
_ ربنا معاكى.

' أحنا بعدنا أو يمكن هو إلى بعد، بعد اخر حاجه حصلت بينا بس شكله لسه زعلان، بس انا مش غلطانه بردو!'

_ يالهوى أى الحر دههه
مسكت كتفى ونامت عليه واحنا ماشين_ مش قادره هسيح
_ اوعى ياستى انا طايقه نفسى
_ والله انتى صحبه عره
_ حبيبى تسلم
' رنيت ع رأفت كتير مردتش عليا عدى ثانيتين وبعتلى رساله'
' مترنيش انا ف التصوير '
_ بقولك يا ضى
_ هااا
_ فى كافيه قريب من هنا تعالى نشرب حاجه عشان خلاص دقيقه وهنتحر
_ تعالى تعالى وانتى شبه الفرخه المسلوخه كدَ
'مشينا شويه وكنت ماسكه التلفون بلعب فيه لاقيت نور مسكتنى'
_ ضى الحقى
كانت بتشاور ع تربيزه ف الكافيه ف بصيت عليها بلا مبالاه.
'لاقيت رأفت قاعد هو وبنت والبنت كانت بتعيط ولاقيته قام مسح دموعها و...وحضنها!'
'للحظه اتصدمت وحسيت إن رجلى مش شيلانى برقت جامد دماغى بدأت توجعنى وفيها حاجه بتزن بس فوقت لما نور هزتنى جامد'
_ ضى أستنى رايحه فين!
مقدرتش امسك نفسى ومحستش بيا الا وانا واقفه قدامهم وبسقف بتشجيع.
_ برافو برافو عليك يا أستاذ رأفت قدرت تمثل حلو جدًا
_كت مين دى يا رأفت
' شاورلهم بـ اسكتوا وبرقلى جامد وكان مش مصدق إنى واقفه قدامه'
_ أنتى مش قولتى إنك ف الساحل
_ هه كل ده إلى همك! ووالله انا رنيت عليك اكتر من خمس مرات وكل يوم عشان اعرفك انهم غيروا الرحله *كملت وانا ببص وراه ع البنت* بس شكلك كنت مركز ف المشهد أوى.
'سكت وانا سكت معاه، وقفنا زى دقيقه باصين لبعض مبنتكلمش بس مسكت أيده وحطيت فيها دبلته'
_ مبقتش تلزمنى.

' لبست النظاره ورجعت شعرى لورا ومسكت نور من ايديها ومشينا'
' عدى أيام، وشهور واتعود ع غيابه'
' نور كانت قاعده معايا ف البيت وبقلب ف التلفزيون بعشوائيه لحد ما لاقيت حد مصطيفه وبيسألوه ع المشهد بتاعه من اول حلقه!'
_ واجهت كتير عشان اقدر اول للمكانه دى واتغليت عن ناس كتير كنت بحبهم بس انا شغلى اهم من اى شئ ف حياتى حتى لو هخسر حد.
_ بس ده مش دائمًا صح.
_ بالنسبالى انا صح.
' ضحكت جامد وقفلت التلفزيون وحطيت راسى بين ايدى وشديت ع شعرى جامد '
' لاقيت نور مسكتنى وحضنتنى جامد'
_ ضى.
_همم.
_ أنتى كويسه.
_ لازم أبقى كويسه.

" مسحت كل ذكرياتك سواء من الفون او من دماغى او من .. قلبى"
" قدرت أبنى أسم المصوره ضى فى السياحه كلها"
' فنادق كتير كانت عايزه تمضى معايا عقد إشتراك ف الفندق ك مصوره'
' بس قررت أشتغل لـوحــدى وأبنى مؤسسه ضــۍ للسياحه والتصوير '

*"الخُلاصه"*

' الحياه لازم تمر، سواء لوحدك او بصاحب او بحبيب او لوحدك'
' أسند نفسك بنفسك محدش هيقف جمبك '
' كدَ كدَ حلوه الرحله لو فرديه '

تمت
_ســاره المــاهــر
_اسميتها _ضــى _ لـِ القمــࢪ 
_مِـن سـلسلـه " ذِكـريـات "