قاتـمْ

بدون عنوان

" يله هينة فترة وتختفي هذه الاثار "

تكلم ثم ربت على كتف حمزة الذي رفع يده بسرعه ليمسكها محاولا سحبه نحوه

" تختفي اسرع اذا واحد اهتم بيها .....
شرايك تلزم كطنة وتنظفلياهم??"

سحب محمد يده وهو يرمقه بنظرات ساخطة

" تراني مو ممرضة! خوش اني سجانك ف بطل حركاتك هذه "

" ااخخ مدري يا وكت الي خلاك سجان! ترا هالوظيفة كلش متناسبك! "

" مو شغلك تناسبني او متناسبني ! ويله كوم عمر شكله كعد "

رمى محمد كلماته وهو يتوجه نحو عمر الذى بدا باستعادة وعيه لينادى على الحرس بعدها ليقوموا بتقييدهم بينما يتصل باياد ليعودو الى السجن

" {العفو استاذ اياد بس كعد عمر! "

" تمام قيدهم وجيبهم للسيارة خلي نرجع "

رمى اياد سيجارته التي كان يدخنها في باحة المشفى ليركب بعدها في المقاعد الخلفيه بعد ان اعطى اشارة للسائق بان يتجهز للانطلاق بهم

دقائق ليتقدم محمد مع حارسين وهم يحيطون بعمر وحمزة ليجلسوهم في خلفية السيارة

" سيدي شعجب كاعد هنا !!"

تفاجئ محمد من جلوس اياد في مكانه

" ما عليك روح اركب مكاني ودخلهم! "

امر اياد ليتم طاعته فورا بادخال السجينين معه

" هلا .... هلا استاذ عمر! واخيرا شرفتنه"

تكلم بعد ان اعاد ضهره الى الوراء متخذا وضعيه مريحة

" يلا عموري سولفلنة شكو تمالخت ويه حمزة!
اكيد ما راح تخليني اخذ دور المرشد الاجتماعي واكعد انصحكم كلشوية انو المعارك هذه متفيدكم صح! "

نظر عمر نحو حمزة بطرف عينه المتورمة ثم اعاد النظر نحو اياد

" لانه مزعج! "

" رحمتك ربي! "

ضغط على اسنانه بغضب ليتحدث بجدية

" شوف لك انت وياه! لحد الان ما شفتو مني شي ! لتخلوني اطلعلكم وجهي الاسود! خليني ابدي وياكم بداية حلوة ونظيفة ! لٱ تخلوني امشي مثل المدير السابق او مثل باقي المدراء الي يعاملوكم مثل الحيوانات خوش! "

ضرب اطار مقعده بقبضته ليشير بابصبعه نحو حمزة

" وانت لٱ عبالك نفسك فد قندرة! او جماعتك وواسطاتك راح يفيدون وياي! يجوز المدير السابق جان من جماعتكم ويتغاضى عن تصرفاتك ويعاملك غير بس اني لٱ! ادفنك بارضك اذا سويت مشكلة بعد فاهم! "