ياحلاة الصدف لا جابت غالي

2

أخذت هاتفي وفورًا أرسلت لنايف
ابتهال : سلام
نايف : ابتهال ! وينك مختفيه عني !
ابتهال : صارت لي سالفه
نايف : امك سحبت جوالك؟
ابتهال : ايه..
نايف : اول مره اتمنى اني اكون قريب منك عشان ادافع عنك ، طيب طمنيني عنك ؟
ابتهال : الحمدلله بخير ، انت بمحاضرتك؟
نايف : ماعندي محاضرة كان عندي اختبار صعب بس الحمدلله توفقت فيه وخلصته
ابتهال : نفس اخوي خالد عنده اختبار اليوم وكان منفس مره
نايف : خالد؟
ابتهال : ايه اخوي نفس تخصصات بعض
نايف : توني ادري ان عندك اخو نفس تخصصي
ابتهال : مو مهم ، العصر بتروح لدوامك؟
نايف : تستهبلين؟ اكيد بروح اجمع مهر زوجتي
ابتهال : الصدق ياحظها فيك ماشاءالله اول مره يمر علي ولد يهتم بنفسه ويهتم بالتفاصيل
نايف : فيه كثير يهتمون بأنفسهم وانهم يطلعون بهيئة وهيبة جميلة
ابتهال : نفس اخوي خالد عاد اليوم اوف اللي بيشوفه يقول رايح عرس مو اختبار
نايف : ههههه شكلك ماشفتي شكلي اليوم بتقولين نفس الذبه لي
ابتهال : شدعوا ترى في النهاية اختبار
نايف : مهما كان انا احب اطلع بهيئة حلوه
" المتحدث ابو ملهم "
وصلت الى المنزل والقيت السلام على والدي وذهبت
ابو نايف : لا تطول فوق بعد شوي بنحط الغداء
ذهبت لأغير ملابسي ونزلت وبينما انا كنت جالسًا بينهم في طاولة الطعام تحدث ابي
ابو نايف : متى بتتخرج يانايف؟
نايف : ذي السنة شفيك يبه نسيت
يارين : كان عندك اختبار اليوم كيف الأختبار؟
نايف : والله يا أختي صعبب بس توفقت فيه الا صح وين سلطان؟
يارين : تغدى وراح نام يقول الثانوي جالدنا
نايف : شكله ماشاف الجامعة ، الا صح يبه عائلة الـ****** تعرفهم؟
ابو نايف : اي بس مو مره حنا معهم بس يعني فيه من قرايبنا ماخذين منهم بس اصبر عائلة الـ***** من وين بالقصيم تقصد؟
نايف : ليه هم متفرعين؟
ابو نايف : ايه فيه منهم اللي بالرس واللي بالبكيريه واللي بعنيزه
نايف : بس نعرفهم كلهم صح؟
ابو نايف : ولد عمتك ماخذ من البكيرية
نايف : اووه حللو
يارين : علمنا وش تبي من ذي العائلة امم؟؟
نايف : اقول تغدي اتركي عنك اللقافة .
" المتحدثة أم ملهم "
في طاولة الطعام ..
ابتهال : كيف اختبارك خلود؟
خالد : يجي منه بس والله ياهو صعب
ابو ابتهال : عسى بس واثق من اجوبتك؟
خالد : الحمدلله بس يمكن عندي غلطين او ثلاث كذا بالكثير
ام ابتهال : لا ان شاءالله ماعندك اغلاط
خالد : عاد اليوم مخي كان مقفل ويعطيه العافية نايف جاب لي بلاك
ابتهال : نايف؟ مين هذا؟
خالد : ماحنا اخوياء لكن علاقتنا رسمية يعني راجعت ؟ ولا نراجع
ابتهال : عادي اعرف نايف مين؟
ام ابتهال : شرايك تخطبينه بعد!
ابو ابتهال : ترى ماقالت شيء هي تسأل عنه ، بس خالد من وين هو ووش عائلته
خالد : هو قصيمي من عائلة الـ*****
ابتهال : نعم!
ابو ابتهال : لا يكون يقرب لزوج عمتك بس
خالد : ما اتوقع عاد القصيم كل شخص يعرف الثاني ف تلقاه يعرفه
ابو ابتهال : عمومًا و النعم فيه ..
بينما كانوا يتحدثون كنت متوتره بشأن ان اخي مع نايف لكن الشيء الذي كان يطمني حينها بأنني قد كذبت بعائلتي فلن يشك أبدًا .. لكن اشعر بالذنب بأنني كذبت عليه ..
لم اكمل طعامي بسبب تفكيري الذي زاد وحينما قمت من مكاني مسكتني اختي " رهام "
رهام : ماكملتي اكلك على وين؟
ابتهال : عندي اختبار بكرا بذاكر له
ابو ابتهال : شدي حيلك واذا مو فاهمه شيء علميني عشان اشرح لك دامني كنت نفس تخصصك
ابتسمت وذهبت لغرفتي والتفكير يأكلني ..
مرت الأيام وكل يوم اشعر بالأسى اتجاه نايف .. ف ذات مره سألني ..
نايف : ابتهال عندك شيء مخفيته عني ولا قلتيه؟
ابتهال : لا ليه ؟
نايف : متأكده ؟
ابتهال : اي ..
شعرت بشيء غريب حينها شعرت بشعور " تم القفط " لكن لم اكترث كثيرًا ..
ذهبت لصديقتي المقربة وبدأت بالحديث معها
ابتهال : يا سهام انا ما اقدر اتحمل الكذبه ما اقدر قاعده احس بمشاعر حب له بس ما اقدر اعترف اني كذبت عليه بمعلوماتي !
سهام : اللي يحبك يا ابتهال والله يمحي الخطأ
ابتهال : نايف شخصيته صعبه شوي يكره الكذب مره يعني لو اعترف له راح يسامحني لكن ماراح نرجع نفس قبل افهميني تكفين
سهام : انتي اللي افهميني الولد والله يحبك واللي يحب والله انه ينسى خطاك
ابتهال : بس احس ما ادري ما اعرف
سهام : لا تحديني انا اكلمه واعترف
ابتهال : مو كل شيء غصب سهام! بفكر وبستخير لأني بديت احس بمشاعر وانا ابي استخير لأني احس مو مرتاحه
سهام : استخيري وشوفي
مر اليوم بسلام وارتحت له كثير بعد الأستخارة ، كنا فقط نتواصل في الواتس ماكنا نتواصل بالبرامج الثانية ..
مرت الأيام و الشهور و التوتر تزداد والشكوك تزداد والدفاع يزداد وحبي له يزداد
كل يوم وليلة افتكرة ويبدأ ضميري بالتأنيب وكيف انه يساندني مثل أبي ..
في يوم اجتماع جميع افراد العائلة ، كان اخي خالد بجانبي وبينما كل شخص يتحدث مع الأخر كان خالد يتحدث معي
خالد : افكر اعزم اخوياي اليوم
ابتهال : مين بتعزمه؟
خالد : اخوياي ماغيرهم مشاري وفهد وسالم وصالح
ابتهال : بتعزمهم وين؟
خالد : مدري يمكن بأستراحتي
ابتهال : الحين عادي اسألك؟
خالد : وشو؟
ابتهال : انتم دايم كل ويكند تجتمعون ليه هالمره قررت تسميها عزيمه؟
خالد : لأن نايف وعبدالإلة وعزيز و محمد بناديهم
ابتهال : نعم! ليه بتناديهم وانتم علاقتكم سطحية؟
خالد : انا معهم بعلاقة سطحيه لكن اخوياي مخاوينهم وبيجون عشان كذا سميتها عزيمه
ابتهال : ما ادري سو اللي تسويه
خالد : شفيك توترتي ؟
ابتهال : ماتوترت بس يعني استغربت بس الحين وش المطلوب مني؟
خالد : المطلوب اني متردد البس ثوب اسود ولا رصاصي ولا كحلي؟
ابتهال : ينفع لك اسود
في الساعة السادسة مساءً
نايف : ابتهال موجوده؟
ابتهال: اي
نايف : اليوم معزوم انا بوريك لبسي وشكلي وشوفي زين ولا يحتاج تعديل بشيء
ارسل نايف صورته بلبسه .. لكن انا قد وقعت بغرام شكلة
نايف : احس الغتره ما اعجبتني
ابتهال : لا حلوه وطالعه احلى مع ثوبك الاسود
نايف : تمام عاد انا بروح ومتى ماتبغين ترسلين ارسلي وبرد عليك ان شاءالله
ابتهال : بحفظ الرحمن..
" المتحدث ابو ملهم "
نايف : يارين
يارين : هلا ... اللععبب وش ذي الكشخة طالع حلو
نايف : اخوك حلو من يومه بس اسمعي متردد بعطرين وش الاحلى هذا او ذا؟
يارين : كلهم حلوات لكن ذا احس افخم بس ماعلمتني وين رايح؟
نايف : معزوم .. خويي خويه عازمني
يارين : ياطول السالفه وش عرفه فيك
نايف : مدري بس تلقين مشاري ناشب له الا يعزمني
يارين : مشاري حتى في بيتنا ناشب
نايف : ليه ؟
يارين : تحت هوينتظرك
خرج نايف وتوجه لمشاري
مشاري : سؤال واحد بسأله لك وجاوبني وبدون تفكير
نايف : وش فيك؟
مشاري : كل ذا الوقت قاعد تكشخ! ترى معزوم بس مو رايحين عرسك
نايف : انت تعرفني مستحيل اطلع بدون ما اتكشخ
—
سهام : ايش !! تستهبلين ابتهال !!
ابتهال : والله ما امزح هو الحين رايح لعزيمة اخوي
سهام : كيف ووشلون
ابتهال : ما اعرف انا كنت احسب علاقتهم سطحيه بس قال اخوي انه بيعزم اخوياه و اخوياه بيعزمون اخوياهم
سهام : يوه ابتهال يارب مايجيب العيد
ابتهال : وش يجيب العيد هو اصلًا مايعرفني اقصد يعني مايعرف اسم ابوي وعائلتي انا كاذبه عليه وبعد انا حريصه انه مايشوفني
سهام : عارفه لكن انا اقصد اخاف يجيب العيد ويجيب طاريك عندهم
ابتهال : لا انا واثقه بنايف مستحيل يسويها
سهام : الله يستر بس
توترت بشدة وبدأت بالتعرق و الإنتفاض خوفًا من اخي ونايف ..
انتهت وكل شخص ذهب لمنزله ..
بينما انا بغرفتي سمعت صراخ اخي خالد .. خفت بشدة ونزلت له وانا متوتره
خالد : ابتهال ! تستهبلين للحين ماتجهزتي ؟؟
ابتهال : اتجهز ايش؟
خالد : نسيتي اننا حاجزين فيلم وبيبدأ بعد نص ساعه!
ابتهال : اوووهه نسييت خمس دقايق بس وانزل لك ..