ياحلاة الصدف لا جابت غالي

3

ابتهال : انا بروح لسينما وسولف لي وش صار بالعزيمة
نايف : انتبهي لنفسك ، وماصار فيه شيء لكن كثر الله خيره خالد وسيع صدر وفله كنت احسبه جدي رغم ان انا وهو ماخذين ماجستير وملازمين بعض لكن طلع فله الله يسعده يارب
ابتهال : ولا ابشرك خالد ناوي ياخذ دكتوراه
نايف : وش عرفك بخالد!
ابتهال : ها؟ لا انا اقصد دامه اخذ ماجستير يمكن ياخذ دكتوراه
نايف : اها ..
بعد فتره طويلة لربما شهرين ..
نايف : ابتهال عادي اطلب منك طلب
ابتهال : وشو تفضل
نايف : عادي اضيفك سناب؟
ابتهال : غريب ليه؟
نايف : مافي سبب بس براحتك في النهاية
توجهت لسهام فورًا
ابتهال : سهام طلب سنابي
سهام : ليه !
ابتهال : يقول مافي سبب
سهام : عطيه سنابك وسوي له تخصيص على طول
ابتهال : هذا سنابي نايف
اتتني اضافة من نايف وفورًا لاحظت بأنه ادخلني قصته الخاصة ، لا اريد ان اراها الا في وقت متأخر ..
في الليل دخلت الى السناب لأرى " ستوري " نايف لكن من سوء حظي بأنها قد انحذفت او قد انتهى وقتها ..
في الصباح الباكر اصبح بيني وبين نايف مشادة في الكلام وزعلت حينها .. توجهت الى السناب كان نايف يصور من داخل السيارة وكانت الأغنية " طلال سلامة راضيناك "
( رضى والله وراضيناك دلع حتى ودلعناك
كافي لا لا تزودها لو ندري ما زعلناك )
فلم افهم هل هو يقصدني ام ماذا .. فحينها ذهبت لأخذ قهوتي وصورت من داخل السيارة وكانت الأغنية " اصالة ما اسامح "
( إذا كان الخطا آسف أبى أخطي لين تعذرلي
وإذا كان الأسف غلطة أبى أرضى بحكيِك البارِح )
رأها ومن ثم نزل تغريدته في السناب وكان " كيف نراضي القمر لا كان زعلان ؟ "
فـ رديت على كلامه وقلت " ببوكية ورد " ومن ثم ارسل " ارسلي موقعك " ابتسمت ومن ثم توجهت الى منزل سهام لأخذها
سهام : تمزحين قال كذا !
ابتهال : اي والله
سهام : قلت لك يحبك بس مو راضيه تسمعيني
ابتهال : سهام انا كاذبه عليه بمعلوماتي الشيء الوحيد الصح هو اسمي فقط
سهام : طيب ليه ماتجربين حظك يا ابتهال وتعترفين؟
ابتهال : اعرف شخصية نايف لو عرف اني اكذب بيقول بسامحك لكن ماراح ترجع علاقتنا نفس قبل
سهام : اللي يحب بينسى صدقيني
ابتهال : والله تعبت من تأنيب الضمير كل يوم يزيد مشاعري له وكل يوم ارتاح له بس ماني قادره اعترف ..
سهام : ليه ماتحاولين تلمحين له؟
ابتهال : كيف ؟
سهام : ادخلي عليه الحين وقولي بسألك سؤال
{ ابتهال : نايف بسألك سؤال
نايف : أمري ؟
ابتهال : لو مثلًا احد كذب عليك وش بتسوي ؟
نايف : وش نوعية الكذبه؟
ابتهال : يعني بمعلوماته وكذا
نايف : بسامحه لكن ماراح ترجع علاقتنا نفس قبل }
ابتهال : شفتي ! قلت لك
سهام : اجل ذا مايحبك
ابتهال : وانتي يا يحبني يا مايحبني حددي
سهام : اللي يحب ينسى الخطأ
ابتهال : خلي الخطأ وش صار حصلتي قاعة زواجك؟
سهام : زواجي بعد شهرين ليه من الحين ادور !
ابتهال : تستهبلين لازم تدورين الحين !
سهام : اصلًا مابديت بشيء للحين
ضغط على الفرامل بأقوى ما لدي
سهام : شفيك!!
ابتهال : سؤال واحد وابغى جواب بسرعه بدون لف ودوران
سهام : وشو
ابتهال : فصلتي فستان عرسك؟
سهام : لا ويين بدري
ابتهال : ماشاءالله عليك وانا قبل اسبوع خلصت من تصميم فستاني
سهام : وش ذي السرعة روقي بعد شهرين هو ترى
ابتهال : عاد تصدقين ما اتخيل بتشيلين بيت كامل
سهام : لا تضيقين صدري انا بكبري متضايقه
ابتهال : يابنت الحلال روقي وانزلي ..
بعد شهر في الساعة 11 اتصلت سهام علي
سهام : ابتهال تعالي لبيتي انا و البنات مجتمعين
وصلت لمنزل سهام .. في الساعة 11:55
سهام : هابي بيرثداي ابتهالي
بدأ الجميع يبارك لي .. في الساعة 2 انتهينا من الحفل وجلسنا مع بعضنا البعض وبدأنا بالحديث عن زواج سهام
ابتهال : اسمعوا خلونا نوزع المهام علينا كلنا مين راح يمسك الميكب ؟
ريم ، سهى : حنا بنمسك الميكب
ابتهال : طيب مين اللي بتجيب المصورة وبتشرف على التصوير؟
ناديه : انا بجيب المصورة والله يا اعرف مصوره اوووف
ابتهال : زين اجل مين بتمسك القاعه وتصميمها ؟ ذا يحتاج تقريبًا ثلاث اشخاص بالكثير
هيفاء ، كيان ، لبنى : خلاص القاعة خلوها علينا
ابتهال : مين بيجيب المطرب ؟
شهد : خليه علي ذا
ابتهال : مين راح يجهز الزفه؟
ريوف : انا بجهزها
ابتهال : مين بيجهز الحالي و المالح والتوزيعات؟
ساره ، جوري ، اماني ، عهد : افا عليكم ذي خلوها علينا
ابتهال : يبقى الحين تصميم الدعوات مين تبي تمسكها ؟ يا عفاف يا رغد
رغد : انا بمسكها
ابتهال : حلو يبقى الحين الفستان و المسكة و الكوشه راح امسكها انا ، وعفاف انتي معي
عفاف : تم
ابتهال : راح يبقى العشاء و العشاء على ما اعتقد راح يكون على اهل العروس صح سهـ.. سهام شفيك تبكين
سهام " ببكاء " : بقى شهر على زواجي ولا راح نشوف بعض الا بعد سنوات
ابتهال : لا تقولين كذا سهام بننشب لك مكالمات
سهام : والله اني توفقت بصحبتكم محظوظه فيكم
ارتمينا جميعًا بأحضان بعضنا وكنا نبكي
عهد : اقول زوجك لو رفض اننا كل يوم نكلمك ترى بطق تذكره لكم واجي اتهاوش معه
عفاف : ايييه تراك انتي معلمته بالملكة اننا بننشب لك مكالمات ياويله يرفض
ضحكت سهام
ابتهال : طيب بنات يلا من بكرا كل وحده تسوي شغلها يلا
ذهبنا جميعًا الى منازلنا ..
وفي الصباح اخذت عفاف وذهبنا الى سهام وبدأنا نأخذ مقاساتها لكي نصمم لها الفستان ..
حيث كان تصميم الفستان " دون اكمام ، فتحة ظهر ، وفتحة صدر "
بدأنا بتجهيزات العرس وانتهينا جميعًا وتبقى اسبوع على العرس وذهبن الفتيات يبحثون عن فساتينهم .. اتى اليوم الموعود يوم زفاف
الجميع مشغول .. ذهبنا لتصوير مع صديقتنا العروسة حيث بدأنا بالبكاء لأن هذه اخر يوم نراها بيننا و السبب هو ان زوجها سيكمل دراسته في الخارج وهي ستكمل معه ..
اتت ألينا أم سهام ورأتنا نبكي ومن ثم بكت معنا وانهرنا جميعًا .. ثم اتت الينا ابنة خالة سهام " خوله "
خولة : شفيكم تبكون !
سهام : يبكون لأني تزوجت
خوله : اقول قوموا قوموا جو الضيوف وخلونا نستانس لا تضيقون صدورنا
نهضنا جميعًا من حضن سهام وبدأنا بتعديل " الميكب " لها ولنا ومن ثم نزلنا نستقبل الضيوف حيث كانوا الحاضرين مندهشون من طرف اهل العروس وكيف انهم جميعهم يحاولون ان يفرحون ولا ان يبكوا ..
اغلقت الأنوار وتوجهت إضاءة الى الباب ومن ثم بدأت الزفة وفتح الباب و انزفت صديقتي كانت تقول لنا " لا تصيرون قدامي في الزفه عشان ما اصيح " فحققنا لها كلامها ولم نصبح امامها ابدًا وصلت الى " الكوشة " وانتهت الزفة وذهب الجميع يلقي السلام واتينا لها وبدأنا بالتصوير معها ... ومن ثم طلبنا من المطرب ان يغني لنا فقط وبدأنا نرقص وجعلنا من العروس ترقص معنا ومن ثم ذهبت .. وانتهى الزفاف .
خرجت من القاعة انتظر اخي وكان الجو باردًا جدًا حيث ارسل لي نايف
نايف : ترى الدنيا برد لابسه شيء يدفيك؟
نظرت الى فستاني الذي كان دون اكمام اصلًا كان قصير وله فتحة بالجانب
ابتهال : اي لابسه تطمن .
وانا انتظر اخي يأخذني بدأت بالتفكير بموضوع الكذبة .. فقررت بأنني اعترف الليلة له لن اتحمل هذا الهم .