اتى اخي وبدأنا بالحديث عن الزفاف ووصلت الى المنزل . اخذت هاتفي وارسلت لنايف لأول مره " احتاج اتصل عليك ضروري " اتصلت عليه . نايف " خوف " : شفيك؟ ابتهال : راح اتكلم عن كل شيء واللي ابيه منك فقط تسمعني نايف : تكلمي ؟ ابتهال : شوف نايف اولًا انا كذبت عليك بكل معلوماتي انا ماني بنت صالح ولاني من عائلة **** انا ابتهال عبدالله الـ*****وانا مو تخصصي طب انا تخصصي ***** و ...... بدأت بسرد كل كذبي ومن ثم سكت نايف : خلصتي ؟ ابتهال : اي نايف : والله انك كبرتي بقلبي قبل عيني و على اعترافك هذا ان حبي لك زاد يا ابتهال اندهشت كثيرًا ولم اعرف ان أجيب عليه ابتهال : بما اني اعترفت انا راح انام تصبح على خير اغلقت الاتصال وتلك الليلة لم ينم احد منا لا انا ولا هو .. بعد ساعتين من مكالمتنا تقريبًا ارسل لي " صاحية " فقلت " نعم " فأرسل لي حساب " كارتير " وقال " اختي يوم ميلادها قريب والصراحه ما اعرف وش اجيب لها خاتم هذا ولا هذا؟ ووش تحسين احسن؟ اذا عاد مافي ادخلي ووريني ، انتم بنات وتعرفون السوالف هذي انا ما اعرف وواثق بذوقك " ومن ثم ارسلت له هذا الخاتم
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
وقلت " راح يطلع على يد اختك احلى " . " المتحدث أبو مُلهم" طلبت هذا الخاتم ووصلني بنفس اليوم وتواصلت مع حساب مختص بالمناديب و سردت لهم القصة وتفاهموا معي وطلبت منهم ان يضعوا بوكية ورد باللون الاحمر و يضعوا ظرف يحتوي على هذه الرسالة " مقدر اسكت عن حبي لك ولا ودي يابنت الاجاويد ندخل بالحرام .. تقبلين فيني زوج قبل حبيب ؟ " . " المتحدثة أم مُلهم " ارسل لي رقم غريب ان هنالك هدية ونبغى الموقع حقك لإرساله .. استغربت ورفضت ارسال الموقع الا وانا عارفه من هو المرسل .. حدث نزاع بيني وبينهم ومن ثم ارسل لي نايف قائلًا " لا تصيرين نشبة يا ابتهال وارسلي لهم الموقع " ارسلت له " ؟ " فقال " انتي عارفه اللي اقصده يا ابتهال " لم افهم شيء سوى ان هو مرسل الهدية . فأرسلت لهم الموقع وجلبوا لي الهدية .. فأرسلت له " قبل لا اجاوب عليك يا نايف فيه شيء لازم تعرفه واللي هو ان اخوي يدرس معاك " فقال " اعرف اخوك ، من يوم جبت اسم عائلتك و اسم ابوك عرفت انه اخوك ولا حبيت اعلمك عشان ماتخافين .. ماعلينا انتي موافقه ؟ " ابتهال : كيف كنت تعرف اسم ابوي و عائلتي من قبل ؟ نايف : تذكرين لما اختفيتي عني ثلاث ايام؟ بوقتها قعدت ابحث ولعلي اكتشفت ان هذي عائلتك وهذا اسم ابوك ولما اعترفتي لي تأكدت اكثر .. ابتهال : يعني كنت تعرف طول هذي الفترة ولا علمتني ؟ نايف : مو مهم اعلمك كنت ابغاك تجيني وتعترفين .. انتي موافقه طيب ؟ رأيت الرسالة ولم ارد وبعد يومين .. كنت لابسة فستان احمر لكن شديد الإحمرار قليلًا وصورت يدي وفيها الخاتم .. ومن ثم كتبت موافقة بشفرة مورس لأنه كان يعشق هذه الشفرة وكان يلمح لي سابقًا بأنه يريد من الذي يحبها ان تكتب موافقة بشفرة مورس كنت اضحك عليه لكن اظن بأنني انا ايضًا وقعت بحب هذه الشفرة .. رأى " الستوري" حقي وفورًا اتصل علي فرحان وقال " والله اني احبك ابتهال والله ان حبي لك لو اقدر اوصفه ان بينتهي عمري وانا للحين ما خلصته .. اخ بس يالفرحة ، ارسلي رقم خالتي بخلي امي تدق عليها " لم يكن هنالك شيء صعب .. ام ابتهال : انا بشوف ابوها واذا وافق حلو لكن يا ام نايف اذا وافق ابوها ترى يبيه بس هو يجي من دون ابوه سأل والدي عنه وكان الجميع يمدحه ويمدحه ثقافته وذكائة ، علم أخي به وبدأ بمدحة خالد : شوف يبه هو رجال والنعم فيه وكلنا ماخذين ماجستير وكلنا ماخذين مرتبة شرف لكن والله ماينفع لأبتهال ابو ابتهال : ليه؟ خالد : ابتهال ما تستاهله هو يستاهل اللي افضل منها ابو ابتهال : اقول ذي اختك اعقل خالد : سم وابشر ماطلبت شيء ابو ابتهال : طيب انت وش رايك نقول له تعال؟ خالد : يبه ترى علاقتي مع مو مثل علاقتي مع اخوياي علاقتنا رسمية بس يعني رجال والنعم فيه انت خله يجي وتكلم وشوف ذهب ابي واخبر امي بأن تخبر ام نايف بأن يحضر نايف .. في يوم الثلاثاء الساعة 5 ليلًا اتصل علي نايف نايف : ابتهال احس اني متوتر قوه ابتهال : لا تتوتر وماعليك خلك رزين وثقيل نايف : اخاف يقول لي كيف حالك اقول والله تعرفت على بنتك من حادث ابتهال: لا ماعليك انت بس حاول انك تكون واضح معه بكل سؤال يقوله لك نايف : ان شاءالله عاد بروح الحين اتجهز وكذا في الساعة 8 ليلًا اتى نايف وبدأ ابي يتحدث معه وبدأ ابي يُعجب بطلاقته في الكلام وكيف هو واثقًا بكل إجابة يقولها وكيف بأنه أهتم بتفاصيل أبي لم يهتم لها كثيرًا وكيف بأنه يهتم بنفسة .. نايف : ياخال بما اننا انتهينا وعرفتي هل بأمكاني اني اشوف الشوفة الشرعية؟ ابو ابتهال : لك يالحق ياولدي خلك هنا بناديها وبجي كنت مع اخوتي متوتره وكل دقيقه اقول لهم " شكلي حلو ؟ " كنت لابسة فستان كحلي ابو ابتهال : يلا بنتي جاهزه؟ ابتهال : يبه امزح ما ابيه ابو ابتهال : انتي شوفيه اول وبعدها قولي ماتبينه ابتهال : بس يبه توتر مسك يدي ابي حيث كانت بارده وحاول تدفئة يدي بيديه ابو ابتهال : انا معك وانا ابوك لا تتوترين يلا انا انتظرك هناك ذهب ابي وذهبت من خلفه كانت عيون نايف مثل القلوب كان لا يعلم مالذي يقوله كان ساكتًا ولم يرمش للحظة ومن ثم ذهبت انا لأنني بديت اشعر بالخجل ابو ابتهال : شفت البنت عاد وان شاءالله ربي يتمم لكم على خير نايف : ان شاءالله يارب ، استودعتك الله ابو ابتهال : بالتوفيق ذهبت لأخواتي و اخواني وقلبي سوف يخرج من دقاته اللذي يسمعها الميت ، بدأت اخاف من ان ابي لا يعجبه نايف ويرفضه ، اتى والدي لي وقال ابو ابتهال : متى تبين الملكة يابنتي ؟ بدأوا اخواتي بـ" الزغرطة " والجميع يبارك ويهلل ومن ثم اتيت الى والدي وأحببت رأسة وبدأت عيناه بالتساقط .. ابو ابتهال : ماتوقعت ان بيجي اليوم اللي بتروحين من بيتي لبيت زوجك والله ان نايف محظوظ فيك ابتهال " ببكاء " : يبه لا تبكي تكفى لا تخليني ارفضه عشانك ابو ابتهال : كيف ماتبيني ابكي وانا اشوف اخر عنقود بناتي تتزوج؟ ولا ترفضينه انتي وهو تستاهلون بعض بدأ ابي يمسح دموعي بإبهامه وذهبت الى غرفتي واتصلت على نايف نايف : هلا باللي اخذت القلب ولا رجعته ابتسمت ومن ثم اكمل حديثه نايف : ابتهال ماتوقعتك جميلة لهذي الدرجة انا بس ابي اعرف وش سويت من انجاز خيري عشان ربي يجازيني فيك .. بس تصدقين؟ الخاتم طلع على يدك حلو ابتهال : نايف كيف انتبهت؟ نايف : اهتم بالتفاصيل ، كيف ماتبيني اهتم بتفاصيل زوجتي ؟ ابتهال : ابوي جاني يقول متى الملكة نايف : ودي الملكة بكرا ودي تصيرين لي بسرعة ابتهال : نخلية نهاية السنة افضل ؟ يعني السبت الجاي نايف : حلو عشان احتفل معك بداية السنة ونهاية السنة .. اتت الملكة وتزوجنا رسميًا ، ذهب الجميع وتبقي نايف فقط وقد كنت لابسة فستان احمر خالد : ابتهال تعالي عند زوجك ابتهال : عشت الدور بزياده وعلى طول قلت زوجي خالد : اقول امشي بس دخلت على نايف وذهب اخي وبقي ففط انا ونايف نايف : انتي كل يوم تحلوين زياده؟ ..
