​ကောင်းမွန်တဲ့ဘဝနဲ့ အမျိုးသမီးဇာတ်ပို့

အခန်း-၂

UNICODE

အခန်း ၂တွင် ပါဝင်သည့် အသုံးအနှုန်းများ

妈妈 (pinyin: ma ma) မားမား – သူတို့ရဲသခင်မတွေကို ငယ်စဉ်ထဲမှ ခစားခဲ့သည့် နို့ထိန်း အမျိုးသမီးအစေခံတွေကို ဆိုလိုသည်။ နို့ထိန်းလည်းဖြစ်သလို သခင်မတွေရဲ့ လူယုံလည်း ဖြစ်သည်။ နျူးဘီနှင့် မတူတာက သူတို့တွေက အစေခံစာချုပ်တွေ ရှိဖို့ မလိုပေ။

奴婢 (pinyin: nu bi) နျူးဘီ – အစေခံမိန်းကလေး၊ အနီးကပ်အစေခံ

秀才 (pinyin: xiu cai) ရှူချိုင့် – စီရင်စုအဆင့်၏ မင်းမှုထမ်းစာမေးပွဲ အောင်ထားသည့် ပညာရှိ သို့မဟုတ် ကျွမ်းကျင်သည့် စာရေးသူ

★━━━━━━━━━━━━━━━━★

အခန်း-၂

"စစ်မေ့ အနာဂတ်ကျရင် ထောက်ပံ့ပေးဖို့အတွက် စန်းကျဲက စစ်မေ့ကိုပဲ မှီခိုရတော့မယ်"

သူမရဲ့ စတုတ္ထညီမလေးက စကားစမြည်ပြောဆိုမှုကို မပြောနိုင်သည့်အတွက် လွမ်နင်းက အနည်းငယ်တော့ စိတ်မကြည်မသာဖြစ်မိသည်။ သူမက မနေနိုင်ဘဲ လွမ်ရှီ၏ နူးညံ့သည့်အဝတ်ကို တင်းကြပ်စွာ ဆုပ်ကိုင်ရင်း သူမရဲ့ နူးညံ့သိမ်မွေ့သည့်မျက်နှာလေးကို မော့လိုက်သည်။ သူမမျက်ဝန်းထဲ မျက်ရည်တွေ တလဲ့လဲ့ဖြစ်နေကာ အကြည့်ကလည်း မျှော်လင့်ချက်တွေပါဝင်နေသည်။

ဒီနေ့ကို လွမ်ရှီသည် လွမ်နင်း အလည်လာရသည့် အကြောင်းရင်းလည်းဖြစ်သည်။

ပထမအနေနဲ့ သူမ အသုံးမလိုသည့် ထိပ်တန်းအဆင့်ဂျင်ဆင်းကို သူမရဲ့ စတုတ္ထညီမလေးကို ပေးမယ် ပြီးရင် သူမရဲံ စတုတ္ထညီမလေးဆီက သနားကရုဏာရဖို့ သူမ ခံစားချက်တွေကို ထုတ်ပြောပြမယ်။ နောက်ဆုံးကျမှ အကျိုးအမြတ်ရမည့် အခွင့်အရေးကို ယူမည်ဖြစ်သည်။

ဝမ်ထျန်းကျိုး၏ ဖခင်ဖြစ်သူမှာ ဘာသာရေးဝန်ကြီးဆိုသည့်အချက်ကို ကျော်လွန်ပြီးတော့ ဝမ်ထျန်းကျိုး၏ အနာဂတ်လမ်းက တောက်ပနေသည်။ ထို့အပြင် ဝမ်မိသားစုက ကောင်းမွန်သည့် နောက်ခံနှင့် ကျော်ကြားသည့် မိသားစုဖြစ်သည်။ တန်ဖိုးကြီးသစ်ရွက်တွေနှင့် ဖြာထွက်နေသည့် အကိုင်းအခက်တွေရှိနေသလို အရည်အချင်းရှိသူတွေလည်း အများကြီးပင်။