اللهم صل وسلم على نبينا محمد وعلى آله وصحبه أجمعين وسلم تسليما كثيرا إلى يوم الدين
💫💫💫💫💫💫💫💫💫💫💫
:: فأقتربت الماسه منها بتريث وهدوء ودنت من وجهها :
هنعيش أحلى حياه وهننبسط أووي يا رحاب
عارفه ليه.. عشان كل إلا بنحبهم معانا... مافيش
حد فينا كلنا خسر غيرك... حتى نسرين كسبت
كتيير أووي.. بصي كده عليها... شايفه مين
حاضنها أنس مش كده.. أهو أنس بقى يبقى زوجها.
فجحظت عيون رحاب بصدمه.. فاكملت الماسه
طيب بصي كده جنبهم شايفه إيه..
عاصم بيحضن داني... إيه دا وخالي ومرات خالي بياخدوه من عاصم ويحضنوه يا ترا ليه... اممم فنظرت له بخبث.... يمكن عشان داني دا بيكون
هو مالك ابنهم إلا كنتي مفكره إنه مات
فشهقت رحاب بذهول وعدم تصديق وتهز رأسها
بهستيريه جنونيه...فلم ترحمها الماسه...
ههههه اهدي يا حربايه دا لسه بدري.. بصي بقى
علي آدم وآدهم إلا واقف وسيطهم ملك وطنط
أمال وحاضنين بعض كلهم... دا ليه... إيه دا مش
عارفه... خلاص هقولك..
عشان ملك بتكون تؤام آدم إلا كنتي فاهمه وقتها إن الممرضه رمتها في النيل... بس ربك بقى ليه حكمه وإراده غير.. يشاء ربنا إن الممرضه دي يكون ليه اخت وجوزها يكون مسافر بعد ما كانت مراته حامل.. وللأسف مراته ما كنتش حامل أصلاً وكانت بتخدعه.. فاختها الممرضه قالت ليها إنها هتجيب
بيبي لسه مولود...
أكيد فاكره مش كده... ما دول الزوج والزوجه والأخت إلا دبرتلهم حادثه على طريق الصعيد
.. بعد ما عرف الأب بعد سنين طويله بخداع مراته وأختها.. فكان لازم يعرف أهل ملك الحقيقه
ولما الممرضه فكرت تقولك عشان ما تتأذاش وتتصرف وتحاولي تقنعي جوز اختها... ففكرتي بالخلاص منهم خالص وقد كان...
فاعتدلت الماسه في وقفتها وسط عيون رحاب
المشوشه... فاكملت الماسه بتشفي لهم..
محدش فيكم فاز في اللعبه دي برغم إلا عمله والا
دبر ليه... حتى أختي همس يا رحاب معايا
فانتبهت لها رحاب.. فاكملت الماسه..
نورسين إلا كانت مع البنات في القبو وقت
خطف فرح سلطان إلا أنا أنقذتها.. نورسين
إلا كنتي ناويه ليها على تدابير الشياطين
ربنا انقذها منك...وإنتقمت من كل إلا أذاها وقت
ما كانت في الملجأ... بنتي رجعت لحضني تاني
يا رحاب... محدش فينا خسر برغم الألم
إلا عشنا فيه.. بس ربنا عوضنا والحمد لله
شملنا اتلم... وخليني بقى أوريكم اخر هديه
هديه لكل الموجدين...
:: دارك هيا صديقي تعي...
:: فنظر الجميع لدخول دارك بكل شموخ ووسامه
طاغيه ولكن جخطت عيونهم جميعاً والتمعت
الدموع بهم بعدم تصديق......!!.
أنت تقرأ
انتقام الماسة💥 الكاتبة🍂walaa Ali🍂
Mystery / Thrillerتعرضت للظلم والعذاب منذ الصغر، تولت مسئولية أسرتها، رغم تعرضها لصعاب وعقبات كثيرة، ولكنها لم ولن تستسلم، فكافحت واجتهدت ومرت بالكثير والكثير إلى أن صارت الماسة، لقب لم تحصل عليه من فراغ، فهي الماسة التي أقسمت على الانتقام ممن سلب منها طفولتها وسعاد...
