صباح اليوم الثاني الساعة 7:00ص؛
في بيت ابو معاذ ؛
ابو معاذ طلع المفتاح: اعطيه للحارس يعطيه صاحب البيت.
نواف بقهر: يبه وتميم !!
ابو معاذ بحدة: لا تتدخلون بيتي وابيعه على اللي ابي.
ام معاذ ناظرته بقهر واللي يقهرها اكثر ان بيت الهنوف افخم واكبر من بيتها
يما طلبت من ابو معاذ ينتقلون له بس رفض
ويعصب اذ احد تكلم بسيرة البيت قامت بقهر.
عذوب: مين اللي شراه؟
ابو معاذ: ما ادري عنه المهم اني بعته.
نواف اعطى الحارس المفتاح بنفس الوقت وقفت سيارة لورين استغرب
وبنفسه: نفس سيارة المصممة لورين وقفت ونزلت ومشت اتجاهم نواف
ناظرها بصدمه: ايش تسوي هنا ؟
لورين قربت منهم وببرود: السلام علیکم.
نواف بصدمه: وعلیکم السلام.
لورين ببرود لفت للحارس: المفتاح !
نواف بصدمه وعدم استوعاب: انتي اللي المقيمة الجديدة للبيت.
لورين ببرود: اي للاسف ان مديرتك جارتك حظ موفق ومشت.
نواف رجع لبيتهم وهو منصدم!! ،
لورین دخلت المفتاح وايدها ترتجف طاح المفتاح بالارض وغمضت عينها
وهي تسترجع ذكرياتهم بهالبيت لف وهي تناظر الشجر اللي بينهم وبين بيت
ابوها لفت وهي تناظر المرجيحة اللي متصديه وصاير لونها بني من |
الشمس
حست بخنقة وهي تتذكر امها وابوها وهم يلعبونهم هي وتميم اخذت نفس
مع تنهيدة كلها وجع نزلت للأرض واخذت المفتاح ولا هي قادره تدخله
بعدت عن الباب
الياس وكيناز وامهم ويوسف دخلو وشافوها وحزنو عليها.
الياس اخذ منها المفتاح وفتح الباب بهدوء
لورين من انفتح الباب غمضت عينها حست بيد تشد على يدها فتحت عينها
وجت عينها بعين يوسف المليئة بالدموع وقال بصوت مخنوق: يلا دخلنا
بيتنا.
لورین هزت راسها وبصوت راجف: يلا.
الياس وكيناز وامهم جلسو بالحديقة تركوهم ياخذون راحتهم.
لورین تناظر البيت بصوت مخنوق: حنين ، شوق ، ذكريات تعيسة وذكريات
جميلة ، لكن الذكريات الجميلة ما بقى لها أثر بقلبي ابد زادت رجفتها وهي
تحاول تصرخ تبكي مو قادرة ، لفت للزاوية وهي تتذكر ضرب ابوها لـ امها
والشخص الغريب اللي ما تتذكر ملامحه ، مشت وهي تناظر بالبيت كله كل
الاماكن تناظر فيها وهي ترتجف رجعت للصالة وهي تحاول تاخذ نفس
يوسف ما قدر يتحمل وطلع.
لورين طلعت بسرعة للجهه الثانيه ونزعت نقابها دقایق ورجع
تنفسها طبيعي اخذت نفس ولبست النقاب وطلعت لهم.
بعد نصف ساعة ؛
بعد ما الخادمات نظفو البيت وصلو عمال شركة النقل ومعهم اثاث البيت.
بعد ما جهزو الاثاث وخلصو طلعو
بقى بعض المفارش للسرير واشياء بسيطة.
لورين بتعب: مع الوقت نكمل الباقي.
ام الياس: اغراض المطبخ علي كلها.
لورین ابتسمت رغم وجعها: وانا موافقة ما اقول لا لك.
ام الياس ابتسمت.
كيناز: ما شاء الله البيت جميل اللي يشوفه يقول توه تعمر ،
وفخم تقريباً مثل بيتك اللي بالنيويورك واطلالته والحديقة جميلة ، بس
تحتاج شویه اهتمام
لورین بصوت مخنوق: عرفت منهم انه تقفل من بعد امي ولا احد فتحه.
ام الياس مسحت على ظهرها: الله يرحمها ، وبوجودك تحيينه ،
وترجعين اسم امك الشريف ، وترفعين راسها فوق.
لورين بتعب وحقد: ان شاء الله.
ام الياس ابتسمت: والحين ايش رايك تروحون معنا.
لورين بتعب: لا يا عمه مشكورة وما قصرتي معي ، حابه اجلس هنا حتى لو
انام بدون لحاف.
ام الياس بزعل: طيب براحتك.
لورین باست يد ام الياس: عمه ادري تبين راحتنا بس راحتي هنا
البيت ما فيه اثاث اجلس فيه.
ام الياس ابتسمت بحنان: ادري يا روحي خلاص براحتك.
الياس دق الباب: يلا يا الغاليه عندي شغل.
ام الياس ابتسمت: يلا جايه.
قامو ولبسو حجابهم وومشو.
لورین تنهدت وهي تناظر بالبيت شوي اللي وهي نايمة بتعب على الكنب.
يوسف بعد ما ودع الياس دخل البيت واستغرب الهدوء ابتسم
بوجع من شاف لورين نايمه غلط على الكنب ، قرب منها وعدل
راسها وحط الخدادية تحت راسها دخل الغرفة واخذ لحاف صفير
لحفها وجلس على الكنب الثاني ويفكر بوضع لورين اليوم كان
صعب عليها ومتعب بس ما بكت الدموع بعيونها بس مو قادرة
تنزلها بهمس: !
لا تكتمين بقلبك هذا يتعب اكثر من الوجع متى تطلعين حزنك
اللي من سنوات يارب كن معها.
