الضابـط وصغيرتــهُ

Bart 2

نور :: اليوم كعدت من وكت لان امتحانات اخير السنة واريد اراجع شويه ... راجعت شويه وكملت نوب رحت بدلت ملابس المدرسه ورطبت بشرتي وحطيت واقي شمس لان دنيا صيف وحاره تحترك بشرتي من الشمس  وخدودي يصيرن حمر كلش الواقي بي لمعه انطه نظاره للبشره كلش حلوه ومنا اني صاحبه خدود طلعت توب كلوب (يعني حلوه) رتبت شعري وسويت ضفيره (للعلم اني مو محجبه ) ونزلت منا خصله ومنا خصله ورشيت من العطر اسمه رومانتك عطره كلش طيب اجت صديقتي عليه اسمها ايات (طبعا ايات صديقه طفولتي وصديقتي المقربه امووت عليها ))

ايات :: صباح الخير

نور :: صباح النور

ايات :: شلونج بالامتحان

نور :: ادك والطم ، وضحكت
نوب رحنه نتمشه للمدرسه طبعا المدرسه قريبه علينه ف رحنه مشي وصلنه يم المدرسه ف جان اكو دوريه وسياره عسكريه طبعا ذوله يوكفون علمود الولد اليتحارشون بالبنات (زواحف) فاني دائما امشي ومنزله راسي بالكاع فجأة رفعت راسي واجتي عيني بعين واحد من ذوله الواكفين كبل نزلت راسي ومشيت بس شنو كلبي كام يدك ع سريع

فهد :: كعدت ساعه 4 الفجر ضايج لان شغلي انقل البغداد وامي كلبتها مناحه لان بعيد

ام فهد :: وليدي دير بالك ع نفسك (تبجي وتحجي)

فهد (وهو يبوس راسها) :: يمه فدوه اغديلج(اروحلج)
كافي بجي قابل طفل رجال مشورب تبجين عليه

ام فهد :: يمه مو بيدي وليدي ماوصيك على نفسك بعد يابعد حيلي اكل موتبقه ملتهي بالدوام ومتاكل

فهد :: بعد دتحسسيني بالمدرسه بس يله كلشي يهون علمودج حبيبه طالع اني

ام فهد :: الله وياك يمه بالسلامه

فهد :: طلعت البغداد ووصلت المركز سلمت ع شباب وبعدين طلع عدنه شغل يم مدارس مال متوسطه واعداديه عاد وصلنه منشوف بس البنات كل وحده ضاربه زاويه ويه ولد والمكياج تارس وجههن لعبت نفسي من شفتهن من الصباحيات لان بعدهن صغار وهي يسون لو يكبرون شلون ماسولف الكم
ع زحف الصار بعد ضباط وحلوين كامن يسون حركات يجذبن انتباهنه بس اني عفتهن لان من صدك لعبت نفسي منهن ادب سززيات هاي التضحكلي وهاي التغمزلي واشكال والوان (( طبعا البعض مو كلهن بس اكثريتهن )) فجأة داراقب الوضع

فجأة لمحت بنيه منزله راسها وتمشي كلت شعجب  اكو وحده بيها خير هنا اني هنا جنت داراقبها فجأة رفعت راسها وياريت مرفعته شوصف الكم الخدود لو الشفايف والعيون الضاربه عليها الشمس صايره عسليه يعني شوصف الكم ماادري الجسم منحوت نحت عبالك غزاله صارت عيني بعينها هيه كبل نزلت راسها وراحت طبت للمدرسه بس حسيتها ارتبكت بس كلش عجبني تصرفها من نزلت راسها هيه فاتت للمدرسه بس عقلي كله يمها بقه بعدين ستغفرت ربي

فهد :: هاي شجاي احجي اكول اني اووف ياربي مايصير اباوع على عرض العالم فوكاها بكد اختي استغفرالله

بس والله هيه شايله جمال اووف ضليت صافن وافكر بيها

نور :: من صارت عيني بعينه كلش ارتبكت وكلبي كام يدك بسرعه اني كبل فتت للمدرسه وجان اشوف صديقتي هبة (( هبة هم صديقتي المقربه مااطلع بس وياها وللعلم هيه اكبر مني بسنتين يعني هيه تاركه ف بعدها ثالث واني ثالث متوسط))

هبة :: هلوو (وباستني)

نور :: هلا بيج وبستها

هبة :: شلونج

نور :: الحمدالله حب ... شكو ماكو

هبة :: ماكو شي كلبي سلامتج

نور :: اووفف الامتحان كلش صعب هسه تسوي الاسئله صعبه هاي الحقيره سهاد

هبة :: ايي والله هيه جلبه مدري شبيه شاده ويانه

نور :: خلي تولي تغار منه لان احله منها وهيه شفايفها بلون الحايط بيضه (ضحكت)

هبة :: ايي والله صدك جبتي التشبيه عدل
((طبعا ست سهاد ام الرياضيات شاده ويه نور لان شفايفها حمر وخدودها ورديه تكوللها تحطين مكياج ونور تكوللها محاطه هيه تكلها بلي ومن تمسح شفايفها تكولها حاطه حمره سحريه بله هاي شتحجي وياها ))

نور :: كضيناها سوالف ومراجعه اني وهبة ودك الجرس وفتنه للصفوف كاعد نمتحن ف اندك الباب رفعت راسي فجأة ...............

هسه نجي لفهد

فهد :: ضليت صافن بيها لحد مدخلت للمدرسه هيه وصديقتها جان يجي علي طبعا علي انقل ويايه

:: هاا ولك فهيد شبيك صافن

:: هاي عليوي لا مصفنت بس تذكرت شغله

:: امممم علينه ترا شفتك من صفنت ع طالبه جنك وكعت خويه وغمزتله

:: هههه ولك اني الضابط فهد مو زعطوط توكعني بس لفتت نظري لان منزله راسها وتمشي واول وحده اشوفها هيح تصرفت هنا

:: اي اي صدكت عوودد

:- صار عندي فضول اعرف اسمها فـ أجتني فكره علمود اعرف ورحت كلت الـ علي

فهد :: علي علي

علي :: ها هاا شكو ؟؟

----------------------------

يا ترا شنو شافت نور ونصدمت وشنو
فكرة فهد

تابعو القصة

انستا لوڤيرات
2nvoix