نور : كعدنه نسولف اني وجنات واحمد نضحك ونشاقه وره شويه اجتي مريم
مريم : احمم نور
نور : نعم
مريم : اني كولش اعتذر على تصرف الي بذر مني اليوم الصبح بس حاولي تفهميني كلبي محروك ع اخويه
( طبعاً نور مصدكت اي كلمة من الكالته بس كالت بكلبها خل اسايرها شويه ادري بيها ناويه على شي مبين من عيونها )
نور بأبتسامه : لا حبيبتي ليش الاعتذار مقدره موقفج
مريم : والله كلش اشكرج ع تفهمج ويايه
نور : عادي مصار شي
مريم بكلبها ( اصبريلي اذا ما اخذ فهد منج اليوم كبل باجر )
: امم عادي اشاركم الحديث
جنات واحمد مستغربين من الديصير بس يباوعون وصافينن
نور : ايي اكيد تعالي حبي
وكعدنه نسولف سوالف عاديه بس احس مريم
تريد تذب سم من وجهها حتى كلامها كله ممقتنعه بي
نور : يله حبايب اني اترخص منكم رايحه انام
الكل : الله وياج تصبحين على خير
نور : وانتو بخير
ورحت صعدت الغرفتي وضليت تفكر بكلام مريم لازم اخذ حذر منها ادري بيها كاعده تخطط لشي
صارت ساعة 12 ولسه فهد ما اجه
فهد : طلعت بره من وره حجي حبوبتي كلش ضوجني طلعت ضليت واكف ع شط وادخن وراها خابروني اصدقائي ورحت للكوفي اخذتنه السوالف وباوعت للساعة شفتها ساعة 12 تأخرت
: يله شباب اني رايح تأخرت
صديق فهد : هاها تأخرت ع بيت لو ع مرة
فهد : انجب لك كو*
الشباب : الله وياك
فهد : رجعت للبيت واني مشتاق لغزالتي ولكم احبها حتى وهيَ يمي اشتاقلها طبيت للغرفة وشفتها متمدده ع جرباية وحاطة ايدها على عينها ومغمضه طبيت على كيف حطيت السويج والغراض على ميز مراية ورحت صرت فوكاها هيَ فزت
نور : كعدت انتظر فهد ما اجه وراها رحت بدلت لبست دشداشة كولش قصيرة للفخذ وصلوخ ومن
يم الصدر بي حفره تمددت وغطيت نفسي ع نص وحطيت ايدي ع عيني دافكر بكلام مريم وصافنه وما احس الا شي ثكيل صار فوكايه
نور بشهكه : يييمه
فهد : ولج هاي اني شبيج
نور : اووف فهد وكعت كلبي والنبي شوكت اجيت
فهد : اسم الله على كلبج حبيبي قبل خمس دقايق اجيت وانتِ منتبهتي بشنو دتفكرين
نور : كلبته على ظهره وصرت فوكاه يعني متمدده علي طول بطول وحطيت راسي بركبته وكلت
اليوم صارت شغلة غريبة
أنت تقرأ
الضابـط وصغيرتــهُ
Teen Fictionهيه بنيه مراهقه تحب تضحك وتعيش بحريه والها شخصيتها رغم صغر عمرها وهو ضابط عصبي ميعرف بالحب او اصلا نكول ميعترف بي اصلا وعصبي واله هيبته وشخصيته وهمه بعيدين واحد عن الثاني بكد بعد السماء عن الارض اقروا وشوفو شلون راح يلتقون
