فهد :: كعدت الصبح غسلت وبدلت لان اليوم راح اروح للبصره فتحت الموبايل لان جنت قافله جان انصدم كووومه داكين عليه فوك الـ 15 مكالمه اتسغربت كلت ياستار شكو خابرت على احمد اخويه
فهد :: الو ها ولك شكو شبيكم هالكد داكين عليه
احمد :: ولك تعال للبصره بسرعه هذا ابن عمك جاسم السكير متعارك والولد ضاربه ع راسه وداخل بغيبوبه هسه وسوه كعده
فهد :: شنوووووو !! ولك هذا كو .... ميجوز من سوالفه الطايح الحض لا اله الا الله هسه جاي اني مع السلامه
:: الله وياك خويه
فهد :: بدلت وكعدت وكلت العلي ع سالفه خطيه كال اجي وياك كتله ماشي كبل طلعنه للمركز اخذت اجازه بالكوه نطوني ومناك كبل للبصره ورا ساعات وصلنه للبصره وكبل للديوان لكيت عمامي كلهم كاعدين مجتمعين والكعده مسويها البارحه واليوم القرار اجه شيخ عشيرتهم همين اليوم وشيخ عشيره ثانيه علمود اخاف صار عياط واتعاركو هذا بهديهم والبارحه مسوين كعده بس متفقوا واليوم هم راح يجوون عاد كعدنه ننتظر واجوي اهل الولد صار صياح وعياط وهذول يكولون
اهل الولد :: ابنه ممسوي شي جان دفاع ع النفس ابنكم المتعدي
اهل المصوب :: لا ابنكم جان متقصد يضربه
اخر شي ادخل الطرف الثالث
شيخ :: يابه اهدءوو اني عندي حل يرضى الطرفين
الكل :: شنهو ياشيخ
الشيخ :: احسن شي خل ينطون فصليه لحد ما يتحسن الولد وترجع البنيه لاهلها يعني مو كل العمر تبقى لا بس يصحى الولد ترجع ..... ها بويه شنو رايكم ??
الكل :: اي والله ياشيخ هذا احسن حل
ابو الولد :: بس اني ماعندي بنات وبنات عمه كلهن مزوجات لو مخطوبات يعني عاقدين شيخ
اهل الولد :: احنه معلينه نريد فصليه وهاي مشكلتكم بعد
الشيخ ابو فهد :: بس الفصليه المن تصير خوان وولد عم الولد كلهم مزوجين
عم فهد :: لا مو كلهم فهد موجود هوا راح يعقد عليها لان اعتبره مثل ابني المره اهديها اله
فهد :: صار حجي وبعدين اتفقوا ع فصليه اني بكلبي كلت (خطيه شنو ذنبها البنيه تصير ضحيه شي مامسويته) بس بعدين عمي صدمني من كال فهد الي راح يعقد عليها
فهد :: شنهوو شدتحجي انتَ اني ماعليه لا اعقد عليها ولا ابد انطوها الغيري
عم فهد :: ها يافهد تكسر كلمه عمك وتنزل راسي كدام الوادم وثاني شي انتَ مراح تبقى عاقد عليها طول عمرك هيَ فتره وطلكها
ابو فهد :: هذا هوا يالربع فهد هو اليعقد ع البنت
فهد :: بس يابه ......
ابو فهد :: لا بس ولا يابه تريد تكسر كلمتي بويه
فهد :: لا يابه ماعاش الي يكسر كلمتك هذا هوا التريده يجرالك
أنت تقرأ
الضابـط وصغيرتــهُ
Teen Fictionهيه بنيه مراهقه تحب تضحك وتعيش بحريه والها شخصيتها رغم صغر عمرها وهو ضابط عصبي ميعرف بالحب او اصلا نكول ميعترف بي اصلا وعصبي واله هيبته وشخصيته وهمه بعيدين واحد عن الثاني بكد بعد السماء عن الارض اقروا وشوفو شلون راح يلتقون
