الضابـط وصغيرتــهُ

Bart 11

نور :: من اجتي جنات حظنتها وضليت ابجي لحد ماغفيت بحضنها ومدريت بنفيث بعد

فهد :: من بعد الصار اخذت سويج السياره وطلعت رحت كدام ابشط ضليت حسبه توديني وحسبه تجيبني بعدين صفنت تذكرت طعم شفايفها بعده بحلكي وشلون قسيت وياها وبعدين رخت بيدي شلون دموعها تنرل احسها سجاجين بكلبي بس الشك والعصبيه عمن عيوني اووف ياربي شسوي هسه اخر شي ضليت ساعه ونص ورجعت للبيت اول مافتت استقبلوني بالرزايل

ابو فهد :: ولك هااي شمسوي بالبنيه اني مو كتلك ايدك متنمد عليها شلون تضربها ونوب امانه جدها خلاها يمي ولك شلون تكسر كلمتي

ام فهد :: يمه شبيك بهالليل تخبلت ع بنيه ليش هيج سويتلها مو خطيه يعني فوك ماجايه فصليه وعايفه اهلها ومستقبلها وحامله حمل جبير حرام عليك مو خطيه هيج مسوي بيها نوب قبل شويه خطيه شفتها وجها صاير ازرك وطبع ايدك بي وشفايفها هيج صاير ضاربها ع حلكها

فهد :: شبيكم اكلتوني حاصل فاصل سوء فهم صار وفظت المشكله وثاني شي هي مرتي واني اليعحبني اسوي وهسه من رخصتكم صاعد اني عفتهم وصعدت طبيت للغرفه مشفتها موجوده نوب رحت للحمام دكيت الباب هم ملكيتها كلبي لعب دورت عليها ملكيتها اخر شي رخت لغرفه جنات فتحت الباب جان تطلع جنات بوجهي

جنات :: يمهه شبيك فززتني بهالليل

:: لا بس جنت داشوف هاي وينها اشو ماكو بالغرفه يمج موجوده

:: اييي موجوده بالغرفه مالتي

:: رحت كعدت كبالها وجانت الضوه مال تيب لام ضارب ع وجها شويه والغرفه بااارده كلش هي متغطايه والدمعه بعينها من صدك نكسر كلبي عليها وكلت بكلبي :: تتكسر ايدي بعد اذا مديتها علية بنيتي اووف ياربي شمسوي بيها هاي الخدود الحلوه صايره زركه من ورايه واباوع ع شفايفها بعده شويه منفوخه وتذكرت بوستها وبتسمت لا اراديا جان اكو كم خصله واكعه ع وجها وخرتهم ع كيف علمود لتكعد وضليت صافن عليها تقريبا بالربع ساعه بعدين غطيتها زين وبستها من شفتها ع كيف علمود متحس وبست راسها وطلعت نوب رحت للغرفه وقتت الجهاز الصبح علمود اكعد لان راح يجوون بيت عمي وحبوبتي وياهم طبعا حبوبتي كلللش حلوه احبها عدها معزه بكلبي كلش جبيره لان هي الربتني وهي تحبني اكثر من كل احفادها لان تشبهني بطبع جدي الله يرحمه فمنهاي تحبني (وقتت الجهاز ساعه 8 ونمت)

نور :: كعدت الصبح جسمي مكسر تكسر نوب كمت عدلت نفسي شفت الدشداشه صاعده لراسي عبالك لاعبه مصارعه من نمت شفت بالغرفه مال جنات حمام بصراحه البارحه منتبهت لان مجنت بحاله انتبه لهيج شي بعدين باوعت للغرفه شفتها كللش حلوه جبيره ولونها وردي وابيض وجربايه ان النفرين وكنتور جبير وميز مرايه ومكتبه تخلي عليها الكتب وو بعد مدري شنو بس هي كلش حلوه بعدين نتبهت المكان البصفي فارغ جنات ماكو نوب رحت فتت للحمام غسلت وجهي وفرشت اسناني ونشفت وطلعت من الغرفه جان يطلع بوجهي فهد مدرتله بال وكأنو مموجود