الضابـط وصغيرتــهُ

بارت 24

#الضابط_وصغيرته

بقلمي : نور طائي

لا تنسون التصويت + التعليق بين الفقرات
..

نور :- كعدت راسي يوجعني حيل واحس مشوش اذكر شي قليل من البارحة ، كعدت فهد شفته فتح عيونه كتله

- صباح الخير كوم اكعد يلا

:- كل صباحي انتِ غزالي

نور :- يلا كوم عود هم الك خلق تتغزل من صباح الله

:- مرتي وشوكت مايعجبني اتغزل بيها

نور :- ضحكت هواي يخجلني بكلامه ماعده هواي كلام جان يكول الي ، فتت للحمام غسلت كوه وطلعت وفهد فات وراي وسويت شعري وطلعت وفهد طلع وراي

:- صباح النور بنيتي

نور :- صباح الخير عمو

:- صباح النور وليدي

فهد :- صباحك خير بوية

:- ها يمه كاعدين

فهد :- لا يمه نايمين چـا من هذول الي كدامج

:- فهدان متغير صاير حشاش شكو خيرك بوية

فهد :- يابة لا احشش ولا اضحكم هسه ارجع عصبي عادي ، وعقچ حواجبه منضرة طلع يخرب ضحك

نور :- اني شفت فهد هيج سوه خربت ضحك عليه

فهد :- خيرج ؟

نور :- الله يكثر خيري هيج

:- يلا بوية اروح اجيب الكم خبز امك نست تخبز وجناينها حوامل ما رادت تكول الهن

نور :- ياا عمة ليش ماكلتي جان اني وأنتِ تعاونه عليه

:- بنيتي اعرف ما تقصرين بس انتِ جاي تتعبين هواي

فهد :- ليش بنين مجاي تساعدها

نور :- لا تساعدني تساعدني بس خطيه تعرف بداية حملها والدكتورة كالت الها لا تتحركين هواي مو زين عليج

:- يلا بوية نور نادي على بنين خلي تكعد رجلها وانا اروح اجيب خبز

فهد :- بوية صدك تحجي انا هسه اروح اجيب خبز

:- لا وليدي ضل ويا مريتك

فهد :- ماعندها جناح ما تطير هسه اني اطلع اجيب وهم اسأل امي شنو تريد اجيب بطريقي