اشبعني بحنانك ضمني وذوقني شفاتك..

بارت ٦

رأيت الدهرَ مختلفاً يدورُ
فلا حُزْنٌ يدومُ ولا سرورُ
****

جهزت فاطمه غرفه وله
اخذت بعض الملابس والاكسسوارات
بعض العبايات والشنط والشوزات
رتبت الغرفه ترتيب انيق
غيرت مفرشها وجددت بعض الاشياء
اشترت فستان للعروسه بسيط بتفاصيل جميله
وزعو كروت دعوه للعرس للاقارب والاصدقاء
حجزو شاليه بسيط للعرس الي كان باقي عليه اسبوع

^^^
وله
الهم اكل قلبي وسلب روحي
وينك يايمه شوفي ابوك بيزوجني
دخل عليها عبدالله
عبدالله/ جهزي نفسك بكره بيملك عليك والعرس بعده
وله/ ماعندي شي
عبدالله/ الدولاب هذا وش كبره اخذي لك اي شي
طلع وترك وله الي منهاره بكى
رجعت اخذت جوالها تحاول تشحنه ومو راضي
ابي اكلم صديقه عمري واختي الي ماجابتها امي
ابي اشكي لها همي اقولها اختك بتتزوج
معقوله بيصير لي هذا كله وماحد درى عني
اما عند اماني
راحت للسوق وبدت تاخذ ملابس
اخذت بجامات ناعمه قصيره وطويله
اخذت قمصان نوم اخذت كم فستان وكم تيشيرت وكم وهودي وبناطيل وشورتات وملابس داخليه واخذت مكياج واعطار واخيراً اخذت شنطه سفر
رجعت للبيت وبدت ترتبها بالشنطه
جهزت فستان عنابي ماسك من فوق الى نصف البطن بدون اكمام وبعدها منفوش من تحت طويل
وعقد فضي مع حلق و اسواره ناعمه وكعب شفاف
اماني/ بس كذا عروستنا راح تكون جاهزه
^^^^^
عبدالله/ قومي نظفي البيت كله ابي اشوفه يلق لايجون الضيوف بكره والبيت كذا
وله/ ابشر
قامت وحطت كل حرتها بالتنظيف
نظفت كل زوايا البيت وكأنها تودعه
انغمست في التنظيف الى منتصف الليل
دخلت غرفتها وهي مهلوكه رمت نفسها على السرير وقبل تنام قررت تاخذ شاور
توجهت للحمام وتروشت وتأملت جسمها بالمرايه
الي تشوه من الضرب
كدمات خضراء وزرقاء وبنفسجيه وحمراء
ايش سويت عشان احصل هذا كله؟
العريس وش رده فعله لاشاف جسمي كذا؟
بكت بدموع حارقه تحرق خدها الناعم
نشفت جسمها ولبست وطلعت من الحمام
لترمي جسدها المتألم على سريرها وتخلد الى نوم عميق

^^
اليوم الثاني
قامت وله وهي تحس بجبل على صدرها
طالعت في الساعه وكانت تشير للثالثه عصراً
غريبه جدي ماصحاني؟
قامت وتوضت وصلت فروضها
الا والباب يدق
فزت وله ووقفت بخوف
وله/ادخل
فتحت الباب
اماني/ هاااايي يا احلا عروسه
وله بكت وحضنتها
وله/ امونييييي اهييئ
اماني/ بس بس وش فيك تبكين
وله/ اموني بيزوجني جدي
اماني/ ماعرفتي مين العريس؟
وله/ لاا
اماني/ اسمه فارس ولد الخاله فاطمه
وله سكتت شوي
/صدق اماني؟
يعني مو واحد شايب كبر جدي
اماني ضحكت /ههههه وله وش هالتفكير
لالا توه صغير بالعشرينات يمكن ٢٦ او ٢٧
وله/ ليش ماعلمتوني
اماني/ حاولت ادق عليك مقفل جوالك وخفت اجي وجدك مايخليني اقابلك فقلت اجيك يوم الملكه
وشوفي وش جايبه لك معي
شافت الفستان و المكياج والاغراض وبكت
اماني/ وش فيك يابنت الحلال
وله/ مبسوطه ماتوقعت وربي
اماني احبك
اماني/ وانا اموت عليك
وله/ اموني
اماني/ عيوني
وله/ متفشله ماعندي شي
اي عروسه تتزوج وماعندها شي
اماني/ افا عليك وانا وين رحت
الاسبوع هذا كله وانا اتسوق اخذتلك كلل شي
وحطيتها بشنطه سفر واعطيت خاله فاطمه
وله / اماني لو انتي مو موجوده بحياتي كان ضعت
حضنتها وبدو يبكون
اماني/ اف خلاص المفروض ننبسط
وله وهي تمسح دموعها / اي صح هههههه
اماني/ يلا يلا نتجهز مافي وقت
وله/ يلا
بدت اماني تبدع فيها
تسوي الميكب والشعر
وبعد العشاء جات فاطمه وبناتها فايزه وفاديه
استقبلتهم وله واماني
انبهرو بشكل وله ماتوقعوها بتطلع بهذا الجمال
لبست الفستان والاكسسوارات الي جابتها اماني
وحطت لها ميكب ناعمم و فيرت اطراف شعرها وكانت انيقه وناعمه بمعنى الكلمه
استقبلتهم ودخلتهم للمجلس
همست فاديه لفايزه
فاديه/ واو تهبل ماتوقعتها كذا
فايزه/ ولا انا انصدمت والله
مر الوقت وجاب عبدالله الدفتر لوله عشان توقع
وقعت وبعدها فاطمه زغرطت وحضنتها
الف الصلاه والسلام عليك ياحبيب الله محمد
زغرطو البنات
حضنتها وله بفرحه
وله/ ليت امي معنا تفرح فيني
فاطمه/ من اليوم ورايح اعتبريني امك ولو اني ما اغطي مكانها
وله /انتي مثل امي اصلا الله يخليك لي
اماني/ ولوهتي الف مبرووك ياروحي
وله/ الله يبارك فيك
البنات/ الف مبروك
وله/ الله يبارك فيكم
اماني بحماس/ متى بيدخل العريس
طالعت فاطمه ببناتها وسكتت شوي
بعدها قالت بتوتر/ بكرا ان شاءالله احسن
من الاستراحه للفندق يشوفون بعض هناك
اماني/ الي تشوفونه
بعد الساعه ١٢ مشو فاطمه وبناتها
وودعت اماني وله ومشت
جت وله بتطلع لغرفتها واستوقفها صوت جدها
عبدالله/ مبروك
وله/ الله يبارك فيك
عبدالله تقدم الى عندها وحضنها
انصدمت وله وماتحركت
بعد عنها وتوجهه لغرفته وطلع صندوق صغير مخمل باللون الاسود ومنقوش عليه اسم وله بالذهبي
عبدالله/ هديه من أمنه وصتني اعطيك اذا بتتزوجين
وله اخذت الصندوق
وله/ شكرا
طلعت لغرفتها وفتحت الصندوق
واول مافتحته هبت ريحه امها
قفلت الصندوق بسرعه وحضنته وهي تبكي
مابي الريحه تروح مابي افتحهه
بكت وبكت وبكت
ربع ساعه تقريباً
وبعدها مسحت دموعها
ورجعت فتحت الصندوق
كان موجود فيه عقد ناعم من الذهب الخالص ورساله
محتوى الرساله
ابنتي الغاليه
ها انا الان اعيش ايامي الاخيره
قد عانيت كثيراً في حياتي ولاكنك
كنتي لي كالشمعه التي تضيء دربي
كنتي لي الحياة يا ابنتي وكنتي لي كل شيء
قد علمت بأن المرض قد نهش جسدي وانهكه
لا اتخيل الحياة بدونك ولا اتخيل كيف حالك سيكون بدوني ولاكني واثقه بأن دعواتي ستحفظك وبأن الله سيكون معك ولن يتركك ادعو الله وارجوه ان يوفقك ويسعدك ياغاليتي واتمنى ان تعيشي حياة هانئه جميله
عزيزتي وحبيبه روحي اوصيك بنفسك وبصلاتك
اوصيك بدراستك ثم دراستك فهي مستقبلك وسندك بعد الله لابد وانك عروس مادمتي الان تقرأيين رسالتي
اسال الله العظيم ان يكون لك خير زوج وخير اهل
العقد الموجود مع الرساله كان هديه من والدك رحمه الله قد اهداه لي عندما انجبتك وقد تعاهدنا ان احتفظ به الى ان البسك اياه عندما تصبحين عروسه وقد يبدو لي بانك ستتزوجين ولست انا من يلبسك اياه ولاكن اعلمي يقيناً
اننا نحبك حباً جما احبك احبك احبك
اكثر من اي شيء في هذه الحياة
استودعتك الله الذي لا تضيع ودائعه
الى لقاء قريب في جنات الخلد يا ابنتي
لا تنسيني من دعواتك
****
حضنت وله الرساله وانهارت  من البكى
امي وابوي ابي اكون معاكم
اشتقت لكم
لبست العقد ورجعت الرساله في الصندوق
بدلت ملابسها وراحت تصلي الوتر وتدعي
الى ان نامت على سجادتها

انتهى البارت