اشبعني بحنانك ضمني وذوقني شفاتك..

بارت ٩

ابتعدت وله عنه بسرعه
وله بهمس خافت وصوت شبه ان يُكاد يسمع
اسفه بس لأني تعثرت
طالع فيها والتفت متوجه للاصنصير بدون اي حرف
خجلت وحست بحراره بوجهها وجسمها
وله/ اف اف من البدايه فشلت نفسي
طلعو بالاصنصير وفارس بدا وكانه مخنوق كل شوي يسحب ياقه ثوبه ويتنهد ولا وده يطالعها اما وله فكان راسها بالارض ولاهي قادره تطالع فيه والدقايق الي مرت كانها ساعات الى ان توقف الاصنصير في الدور الاول وطلعو منه متوجهين للسيارة
وبالسيارة طبعاً الصمت سيد الموقف
الى ان رن الهاتف
فارس / هلا يمه
فاطمه/هلافيك كيف الحال
فارس/ الحمدلله
فاطمه/ عسى ما ازعجتك يمه
فارس/ لا ابد يمه لا ازعاج ولا شي هذا حنا جايينك بالطريق بنتغدا عندك
فاطمه/ هاو!!! بتتغدون عندي ولا علمتني!
فارس/ ايه هذاني اقولك الحين
فاطمه: ووينك فيه
فارس: على طريق ال**** يبالنا نص ساعه مع هالزحمه ونوصل ان شاءالله
فاطمه: زين زين مع السلامه
مسكت فاطمه على راسها
فاديه : يمه وش فيه
فاطمه: اخوكم الله يصلحه جاي الحين مع عروسه بسرعه عالمطبخ جهزو الغدا
ركضت فايزه للمطبخ بينما فاديه كانت تتحلطم وتسال ليش ماراحو مطعم
^
عند فارس
كان يفكر بينه وبين نفسه شفيها هذي ماتتكلم
معقوله متخلفه ؟
او يمكن مريضة نفسياً او عندها صدمات او..
قاطع تفكيرة صوت السيارة خلفه تنبهه ان اشارة المرور خضراء
حرك فارس بسرعه متوجهه للبيت
وصل للبيت ونزل من السيارة متجاهل الكائن الموجود داخلها ( او بالاحرى نسيها )
طالعت وله للبيت ولفارس الي دخل ولا كانه يشوفها
تسائلت بينها وبين نفسها
انزل؟ ولا انتظر شوي ولا ايش وضعي؟
كان الجو اقرب الى ان يكون غائم
فتحت باب السيارة بتنزل الا وترددت شوي وهي تحاور نفسها
عيب ياولةه تدخلين كذا قبل يناديك شهالحماس الي فيني لا بنتظر شوي
لما رجعت تقفل باب السياره الا وتسمع اصوات اطفال يضحكون ويصارخون
نزلت تتعقب الصوت الي جاي من حديقه البيت وشافت عيال فايزة
كانو منغمسين في اللعب الى ان انتبهت لها سلمى
سلمى: مين انتي
وله: اهلين اسفه قاطعتكم انا وله
شهقت سلمى وتركت الي بيدها
سلمى: زوجه خالو!
وله هزت راسها بمعنى اي
ركضو الاثنين يحضنوها بينما هي بادلتهم الحضن بضحكه واستغراب
سلمى: اخيرا شفناكي
سالم : بتلعبين معنى صح؟ صح ؟ صح؟
وله ضحكت بتعجب : اي اكيد بلعب معكم بس اول شي عرفوني عليكم مين انتم
سلمى: انا سلمى بنت فايزه وفارس يكون خالي
سالم: وانا سالم سالم ولد فايزة وسلمى اختي اختي وفارس خالي خالي
انفجرت وله من الضحك وهي تناظر فيهم
سلمى: ماعليك هو كذا يحب يكرر كلامه ههههه
وله: اهلاً فيكم وانا وله وله زوجه فارس فارس
ضحكو الاطفال بمرح بينما يسحبونها يبونها تلعب معهم
^
فارس: السلام عليكم
فاطمه: وعليكم السلام ياهلا ياهلا يالله حي العريس
فارس: الله يحييك يمه
التفتت فاطمه حوالينها وباستغراب
فاطمه: وين العروس؟
فارس ضرب كف يده على جبهته
فارس: يووووووه يايمه والله اني ناسيها بالسيارة
فاطمه: نعمم!!! صاحي انت! منجدك
قامت بغضب وتوجهت للخارج الا وتسمع صوتها مع الاطفال
فاطمه: وله حبيبتي
التفتت وله لها وركضت تحتضنها وتبوس فيها
قبلت راسها ويدها واحتضنتها وكانها تحتضن امها
وله: خاله فاطمه وحشتيني
فاطمه وهي تشد عليها: مو كثري حبيبتي تفضلي ادخلي والمعذرة منك فارس كان محصور يبي الحمام ولا قدر يصبر ونزل بسرعه وتركك بالسيارة
وله: لا شدعوى خالتي اصلا كنت بدخل الا واشوف هالصغار بسم الله عليهم وجلست العب معهم
فاطمه: زين يالله حبيبتي تفضلي ادخلي
دخلت وله وهي تتأمل تفاصيل البيت وجماله
الاثاث وكل شي فيه كلاسيييك
فخامه ورقي عجيبه
همست وله بصوت خافت
ماشاءالله
فاطمه/ عنك هاتي عباتك وتفضلي اجلسي حبيبتي
شالت وله عبايتها باستحياء وعطت فاطمه
في هذي الاثناء طلع فارس من المطبخ وبيده قلاص ماء
شاف فاطمه تمشي متوجهه للشماعه تعلق فيها عباية وله
فارس بهمس/ يمه يمه
فاطمه/ بسم الله وشفيك
فارس: اقولك لايكون غشونا فيها
فاطمه بهلع: ليه يمه وش فيها!
فارس: يمه هدي لاتسمعنا
فاطمه: وش فيه روعتني اخلص
فارس: يمه البنت طرما؟
فاطمه: وش الي طرما!! وش فيه
فارس: يمه البنت من خذيتها ماتتكلم
فاطمه فطست ضحك
فارس: يمه وتدرين بعد ولا علمتيني!
فاطمه:  فارس يوليدي البنت تستحي ولامافيها الا العافيه الله يهديك روعتني تعال
مشت ومشى وراها بصمت
شارت له بيدها بمعنى وقف
ومشت وكانت الصاله كنب دائرة وولة جالسه وعاطيتهم ظهرها وقف فارس خلف وله بمسافه بسيططه بدون ماتلاحظه او تنتبه بسبب توترها وصوت الاطفال يلعبون
فاطمه جلست قبالها
فاطمه: يمه وله شلونك حبيبتي
وله بصوت ناعم وخجول: الحمدلله خالتي انتي شلونك
فاطمه وهي تناظر فارس بمعنى ها سمعت
فاطمه: الحمدلله يمه زينه
شلونه فارس معك
توتر فارس وقبل تتكلم وله تنحنح وتقدم وجلس بجانبها
فارس: يمه شدعوة من ثاني يوم تسألينها شلونه معك مايصير كذا
وله خجلت من القرب الكبير بينهم ومن السؤال
المحرج ونزلت راسها بخجل
فاطمه: ترا هذي بنتي الثالثه ولا برضى عليها الي يزعلها يزعلني والي يرضيها يرضيني حطها بعيونك
فارس: ابشري يمه ماطلبتي شي
فايزة طلعت من المطبخ وهي تهلي وترحب
مرحبا ومسهلا حي الله العرسان
استقامو بوقفتهم يسلمون عليها
كانت بالبجامه والشعر المنكوش
فايزه: اعذرينا ع المنظر كنت اجهز الغدا هههه
وله:  بلعكس يازينك تفتحين النفس
فايزة: ياااااعمري انا وزوجه الاخ العسل
الا وصوت الكعب يطقطق من الدرج
فاديه نازله بفستان سماوي منقوش بالابيض
وميكب ناعم وشعر مسدول
فايزه: عاشو وانا الي اكرف بالمطبخ وانتي هنا تتزينين اخ لو دريت كان سحبتك من كشتك
فاديه: شدعوه ترا خلصت شغلي ورحت اتكشخ مالي دخل
طالعت في وله وفارس وصفرت تصفيره قويه
فاديه: واو واو واو وش هالجمال الي تشوفه عيني
لالا كوبل السنه ماشاءالله لايقين بشكللل!!!
يسر الناظرين وقربت منهم تسلم عليهم
فايزه: اي والله ماشاءالله نحسد مين على مين
فارس بقلة صبر طالع في وله الي ودها الارض تنشق وتبلعها وبعدها طالع في فايزه
فارس: اقول الغدا جاهز نقوم؟ تراني جويع من الصبح صاحي
فايزة : ايه ايه جاهز يخوي تفضلو حياكم الله
وقامت تقرصه بكوعه وهمست شويه اسلوب !!
طنشها ومشى قبلهم لغرفه الطعام
وكانت الطاوله عباره عن اصناف نتعدده من الاكل
محاشي مشكلة وبرياني دجاج
مرقه اللحم ورز ابيض
وانواع السلطات المتعدده
فاديه: اوف اوف فايزه هذا وانتي دخلتي المطبخ متأخر ومسويه كل هذا اجل لو انك من بدري وش بتسوين
فايزه: وجع فاديه اذكري الله ترا المحاشي كانت مفرزنه ضغطتها علطول بقدر الضغط رالرز طبخته واللحمه ضغطتها والبرياني بسرعه يتسوى والسلطات امي الله يحفظها ساعدتني ياللي مامنك فايده
فاديه: وجع فايزة كليتيني ترا امزح معك وه بس على اختي السنه فديييييت وقرصت خدها
وله بهمس ناعم: تسلم دياتكم ياليتكم ماتكلفو
فايزة: ولوو عروستنا مافي اي كلفه بالموضوع سفرة متواااضعه جداً
فاطمة:والله تستاهلين اكثر من كذا
تفضلو اجلسو حياكم الله
سالم:الحين هذي زوجه خالو؟ صح؟ صح؟
فاديه: ههههههه ايه صح
سلمى: وااااووو تهبليين
امي وش نناديها ؟ خالتو ولا وله
فايزه: اكيد خالتو وله خلاص هذي زوجه خالو
سالم: حلوة حلوة حلوة
وله ضحكت بخفوت وردت: انت الحلو
فايزه: ههههههه لاتستغربين ولدي يكرر الكلمات مادري شفيه الله يصلحه ويهديه
وله: بلعكس عسل الله يحفظه
سلمى: خالتو وله انتي مره جمييله صح خالو؟
كح فارس وطالع في سلمى وبعدها التفت لوله الي شوي وتدخل بالصحن من الحياء
فاطمه: اسم الله عليها ملكة جمال
فارس: ابلعي ابلعي وانتي ساكته ياسلمى
ضحكو عليها وعلى رده الي موضح بانه استحى وبدو ياكلون بهدوء