جبروت أنثى وسطوة رجل

الجزء الرابع عشر

عند ادهم
كان مش بيصدق الي بيحصل دلوقت وانه نور كانت مستسلماله وبأرادتها
انتشله من عشقه ده رنة

نور بعدته عنها بأحراج وخجل وندم
ادهم بص للفون كان جده
ادهم :اهلا يا جدي
سامي بغضب :مروى يا ادهم

ادهم بتركيز :في ايه

سامي بغضب :رفعت عليا قضية هي والزفتة خطيبتك

ادهم بغضب :بتقول ايه قضية ايه

سامي بغضب وجنان :قضية خطف واجبار جواز وشرفية وميت حاجة داخلة في بعض

ادهم بعدم فهم وهو بيبص لنور  :ونور دخلها ايه

سامي بغضب :مهو يا مجنون انا تهمتي التحريض على ده وانت الخاطف
وانا اصلا باسمي قضية شرف من اليوم الي خدت فيه خالتها فبكده هروح ورا الشمس

ادهم شد على ايده بغضب وعينيه جواها الجحيم
فكرت انه نور بتضحك عليه وبتستغل حبه حاجة بتجرح اويمن شوية بين ايديه والصبح في المحكمة بترفع عليه قضية

سامي :ادهم رحت فين وانت فين اصلا

ادهم بص لنور بغضب :هكلمك يا جدي سلام

قفل مع جده وهو بيبص لنور الي مستغربة في ايه

نور باستغراب :في ايه

ادهم شد على ايده بغضب :هي كلمة واحدة عايز اسمعها انتي وخالتك رفعتوا قضية عليا وعلى جدي النهاردة

نور اتصدمت :قضية ايه ولسه هتكمل
دخلت مروى عليهم
نور بصت لخالتها بعدم فهم
مروى بصت لادهم :طلق نور يا ادهم
ادهم بصلها من فوق لتحت واتكلم من بين سنانه بغضب:نجوم السماء اقربلك من الي انتي بتفكري فيه عارفة لو جبتي محاميين العالم كله محدش هيقدر يخليني اطلق نور ولا ابعد عنها

نور بغضب :ما تفهموني في ايه

مروى بخبث :النهاردة عملت الي اتفقنا عليه رحت للمحامي ورفعت على ادهم وجده قضية اجبار زواج وانهم حطوكي تحت الامر الواقع على شان توقعي

نور بصت لخالتها بغضب لكن سكتت

ادهم قرب من نور :تعرفي حاجة الحيوانات طلعت بتحس اكتر منك
وخديها كلمة من راجل لعبتي بمشاعره للحظة هخليكي تندمي على اللحظة الي رحتي فيها المحكمة ورفعتي فيها قضية عليا انا وبرضه مش هتتطلقي ابدا وهتفضلي تحت عصمتي انا
وعمرك ما هتطلعي من دايرة ادهم العمري وافتكري الكلام ده كويس يا يا بنت عمي

وسابها ونزل

من غير ما يتكلم مع نبيل ولا منال الي بيبصوله باستغراب

...................................................
عند نور
بصت لخالتها بغضب  :ايه الي قولتيه ده انتي بجد رفعتي عليهم قضية

مروى بغضب اكبر:كنتي عايزاني اتخرس وانا بشوفك بتضيعي نفسك كان لازم اعمل كده
انا مش عايزاكي تعيشي نفس الوضع الي انا عشته