جبروت أنثى وسطوة رجل

الجزء الثامن والثلاثين

عند فريدة
كلمت ادهم
ادهم :اهلا يا امي ازيك

فريدة بتعب مصطنع :انت فين يا حبيبي

ادهم :عندي شغل في شرم

فريدة :اها ربنا معاك فين في الشالية بتاعنا

ادهم :ايوه يا امي ويا ريت ما تخبريش حد

فريدة :ربنا معاك يا حبيبي

فريدة قفلت معاه وكلمت داني خبرته عن مكانهم

داني بشرود :جه الوقت الي ادافع فيه عن حقي فيكي يا نور النهاردة هتبقي ليا وكله تحت عينه وده وعد مني
داني شغل العربية وتوجه لشرم وفي دماغه ميت حاجة وحاجة عايز ينفذها

...................................................
ادهم ضرب على مازن
مازن :اهلا يا ادهم ازيك عامل ايه

ادهم :الحمدلله كويس انت فين

مازن :من شوية دخلت الشركة هخلص كم حاجة واروح

ادهم :مازن اليومين دول مش هقدر اجي الشركة لا انا ولا ادم عارف هيكون الحمل تقيل عليك

مازن :لا يا ادهم ارجوك انا والله لسه هكلمك اخد منك اجازة مستعجلة مقدرش ارجوك اعفيني

ادهم بسخرية :مازن ما تستعبطش وفكك من النوادي اليومين دول ربنا يعينك

مازن وهو بيجز على سنانه : ادهم لم نفسك وانا اهو بقولك انا عندي حاجة ضرورية مش هقدر على الشركة لوحدي

ادهم بتفكير :طب والعمل وادم شرحي

مازن باستفهام :هو في ايه انتوا فين اصلا وايه الي مخليكم مش قادرين تيجوا

ادهم بسخرية :بعيد عنك خطفنا مراتتنا

مازن 😳:بتهزر صح لا انت ما تعملش كده هي تطلع من ادم المجنون اه لكن انت لا مستحيل تعملها

ادهم :ما كانش في حل غير ده يا مازن انا حاولت لكن تعبت كل حاجة بعملها بتتفهم غلط

مازن بتفهم :اها ربنا يعينك لكن ارجوك يا ادهم هو يوم واحد انا بجد عندي حاجة ضرورية في البيت

ادهم :في ايه ما تقول على طول

مازن :بعدين يا ادهم بعدين
ادهم قفل معاه وفضل قاعد ساعات معدهاش على البحر
.........................................................
عند نور كانت متجننة وعايزة تخرج وبتحاول تلاقي اي طريقة تخرج فيها من البيت

نور ضربت على منال
منال :الو

نور :ماما الحقيني ادهم خاطفني

منال 😏:طب وماله جوزك وعايز يراضيكي غلطان يعني

نور بغضب :انتي كنتي عارفة يعني اكيد بتهزري يا ماما ده جنان

نبيل جنبها :اسمعيه يا بنتي وافهميه اكييد ليه اسبابه انتي ما تعرفيش هو بيحبك ازاي اكيد غيرته عمته والراجل الي بيعترف بغلطه احسن من الي مابيعترفش