جبروت أنثى وسطوة رجل

الجزء الثاني

هنا دخلت مقدمة الحفل واعلنت عن دخول صاحب الشركة
نتشرف دلوقت بسماع كلمة صاحبة الموهبة العبقرية والمصممة الرائعة صاحبة شركة نور المنال
نور نبيل العمري

الكل اتصدم واولهم نبيل واودهم ووقفوا
ودخلت نور بيهبتها ووقارها و بابتسامة جذابة

تقدمت نور من المايك بابتسامة جذابة : اهلا فيكم شرفتوني جميعا ونورتوني كتير منكم ما يعرفنيش انا نور نبيل العمري
صاحبة شركات نور المنال للأزياء
بشكر كل حد حضر حفلتي المتواضعة النهاردة
انا بعلن افتتاح شركتي التانية من مجموعة نور المنال وبوعدكم بتصاميم مختلفة بأذن الله هتعجبكم جدا
وحابة اهدي النجاح ده للست الي افنت حياتها على شاني انا واختي والدتي منال السيوفي

نور قربت من والدتها وحضنتها تحت تصفيق الجميع ودهشة الاخرين

نبيل شافها بعد السنين دي كلها

كامل شد على ايده :اهدا يا نبيل واتصرف بحكمة

نبيل بلهفة وعشق ظهر في عنيه :دي مراتي ودول بناتي
بناتي الي اتحرمت منهم سنين طويلة قوي

الجد بغضب :اششش اهدوا الصحافة هنا بكل حتة مش عايز شوشرة

الجد :ادهم

ادهم كانت عينه من طفلته الي كبرت وبقت ست كاملة الانوثة

الجد :ادهم

ادم خبط على ايد ادهم بخفة

ادهم بصلهم :في ايه

الجد :عايز البنات ومنال عندي في القصر بعد ما يخلص الحفل من غير ما حد ياخد باله

نبيل بص لوالده بغضب :انت فاكرني هسيبهم واروح معاك زي ما سبتهم زمان لا انسى

ادهم :اهدى يا عمي انا هجيبهم ليك بنفسي القصر صدقني

نبيل طنشهم وقرب من منال

منال وهي بتبص لنور والدموع في عنيه :ليه عملتي كده
نور بقوة :ما تعودتش استخبى يا امي لازم تواجهي وتعرفيهم مين منال السيوفي ويعرفوا اننا مش بحاجتهم ابدا فاهمه

منال بصت ناحيتهم شافت نبيل بيتقدم منها

منال بقلق :ابوكي جاي علينا

نور وندى :اهدي يا امي ما تعودناش عليكي كده

نبيل بقى قدامهم وتقابلت عينيه مع عشقه الي حاولت تهرب من عنيه :منال انتي بجد قدامي ولا بيتهيألي ولا ايه

نور بصتله وحست بحاجات غريبة تجاهه

نبيل بص لنور وحط ايده على وشها ودموعه بتنزل :لو تعرفي انا دورت عليكم ازاي
لو تعرفوا كم بلد سافرت وانا بدور عليكم
لو تعرفي العمر من غيركم عدا عليا ازاي وانا مش عارف انتوا عايشين ولا ميتين
وبص لمنال
الي حصل يستاهل منك تحرميني من بناتي