جبروت أنثى وسطوة رجل

الجزء الخامس والعشرين

ادهم مشي مع نور
في العربية
نور :احرجت داني قوي انا مش عارف انت مش طايقه ليه
ادهم شد على الدريكسون بغضب من سيرته الي مش عايزها حوار ما بينهم :ما بحبوش ما بستريحش ليه نور 😏
ادهم طنش تعاليم وشها وخدها المشفى ودخلها لدكتورة

الدكتورة خدت منها عينة دم

ادهم بقلق :هي كويسة فيها ايه

الدكتورة :ان شاء الله خير يمكن شوية اجهاد هنستنى تحليل الدم وعلى حسب التحليل هيبان معانا هي فيها ايه

نور بصت لادهم وهي بتعدل نفسها :قولتلك انا كويسة
جت الممرضة وادتها نتيجة التحليل

الدكتورة بصت لنور :ايه هو نوع حبوب منع الحمل الي بتاخديها
نور اتصدمت وبصت لادهم بقلق ما توقعتش يكون ده السبب

ادهم بعدم فهم :تقصدي ايه

الدكتورة :مراتك بتاخد حبوب لمنع الحمل ويمكن النوع الي بتاخده مش مناسب لجسمها

ادهم بص لنور بصدمة الجمت لسانه

الدكتورة : مدام ايه نوع الدوا الي بتستخدميه

نور اتألمت جدا لنظرات ادهم الي بتحرق قلبها كانت نظرته الم وعتب وغضب

نور نزلت منها دمعة ومسحتها

الدكتورة :عموما انا هكتبلك نوع ملوش اي أثار جانبية تقدري تستخدميه بديل عن الي بتاخديه

ادهم قام وهو متمالك نفسه بالعافية واتكلم من غير ما يبصلها :انا تحت في العربية
ومشي وسابها

الدكتورة :هو ما يعرفش انك بتاخدي مانع

نور هزت دماغها بلا

الدكتورة باعتذار :انا اسفة ما كنتش اعرف

نور قامت :حصل خير

ونزلت وهي قلقانة منه ومن ردت فعله هتكون عاملة ازاي
نور وهي نازلة ضربت على مروى
مروى :الوو اهلا يا نور

نور بخوف :خالتوا انا في مصيبة ومش عارفة اعمل ايه

مروى :خير في ايه اتكلمي

نور بدموع :ادهم عرف اني باخد مانع للحمل

مروى :وايه يعني عادي ما يعرف

نور اتجننت :خالتوا بتهزري بقولك عرف وباين انه مش هيعديها

مروى :نور عادي قوليله مبرراتك ولو بيحبك هيستحمل ويعديلك لكن لو بيتلكك ووقفلك على الوحدة بقى دي حاجة تانية خالص

نور :يا رب يا رب يعدي الموضوع ده على خير يا رب

مروى بغيظ:انتي مالك بقيتي جبانة كده

نور اتجننت من اسلوبها اللا مبالي :سلام يا خالتوا

وجت تلف لقت ادهم واقف وراها