جبروت أنثى وسطوة رجل

الجزء الخامس عشر

ادهم اتجنن منه وراح ناحية نور الي كانت مع داني

ادهم قرب منها بغضب :هو انتي ايه من راجل لتاني مش عارف المك

نور بغضب :تحترم نفسك الصحافة في كل مكان

ادهم بص للصحافة :بجد يبقى تعالي هنا وشدها وقبلها قدام كل الصحفيين

لكن في المقابل كان في سيرين ومازن
سيرين بغضب :بكلمك مش بترد عليا ليه
مازن بغضب مكتوم :صوتك ما يعلاش انا من الاول مفهمك احنا قدام الناس ما نعرفش بعض
سيرين ضربته بالالم :انا حامل يا وسخ
وده الي التقطه بعض الصحفيين

مازن بصلها بغضب :اششششش اخرسي ما اسمعش صووتك فاهمة انتي واعية انتي بتقولي ايه

سيرين بصتله بدموع :انا حامل بقولك

مازن بسخرية :وحصل ازاي ده بقى وانا دايما واخد احتياطي

سيرين بصتله بصدمة:مازن انت بتتكلم كده ازاي انت عارف انت بتقول ايه

مازن مسك دراعها بغضب :حسك عينك اعرف انك بتلعبي عليا سيرين فاهمه

وسابها ومشي
ومسك فونه وكلم واحد من الحرس الي بره
الحارس :اهلا يا باشا
مازن :بقولك في صحفي صورني من شوية لابس جاكيت اخضر وتيشيرت بيج عايز الكاميرا بتاعته تتطحن
الحارس :اوامرك يا باشا

..............................................
عند نور
اتصنمت من الحركة المباغتة الي عملها ادهم واتحرجت جدا لان العالم كلها كانت بتتفرج والصحافة بتصور

ادهم بعد عنها واتكلم بهمس :تتلمي وتفضلي جنبي هنا فاهمة وحسك عينك اشوفك مع جنس راجل غيري
وبص للصحافة وللجميع وهو ماسك ايد نور : نورتونا في اهم يوم في حياتنا احنا النهاردة بنحتفل بنجاحين اول نجاح هو نجاح العرض
وتاني نجاح وانجاز عملته اني خطبت نور العمري بنت عمي
خد التهاني من الجميع تحت غيظ نور الي ما قدرتش تتكلم بسبب الصحافة
نور بهمس :سيب ايدي
ادهم ببرود :ليه
نور بغضب مكتوم :ادهم ما تجننيش انا ساكتة على شان الصحافة ما تزودهاش
ادهم ببرود اكبر :وانا بستغل ده
نور نزعت ايدها منه وبصتله بتحدي وسابته ومشيت راحت لوالدتها
منال بفرحة :الف مبارك يا حبيبتي انا فخورة فيكي يا نور
مروى بابتسامة :مبارك يا روحي مبارك
نور :الله يبارك فيكم انا من غير دعمكم ما كنتش هوصل لحاجة خالص
هنا جه سامي وحط ايده على كتف نور :رفعتي راسنا يا نور
نور بصتله بقرف كانت كارهاه بعد الي قالته خالتها :شكرا
نادر حضنها :الف مبارك
نور :حبيبي حبيبي

فريدة وهي بتبصلها بعدم رضا :مبروك
نور اكتفت بابتسامة مجاملة
الكل باركلها
وباركوا لادهم وهنوهم بالانجاز الكبير وانتهى الحفل على خير
سامي :انا عازمكم على العشا
مروى من غير ما تبصله :انا هروح حد عايز يروح معايا البيت
سامي :بكلمك على فكرة انا قلت عازمكم
مروى بصت حواليها :والله لسه في اعلام هنا لو عايز تتفضح من تاني هاه
سامي بغضب :اخرسي انتي ايه ما بتحرميش
مروى بغضب اكبر :انت الي تخرس فاهم ولسانك ما يطولش عليا
سامي بصلها بغضب ومشي وهو بيتوعدلها
والكل حصله
ادهم لنور :نور عايزك
نور بتأفف :عايز ايه
ادهم بغضب :ما تتكلمي عدل
نور :اييييه هتبقى انت وجدك
ادهم بغضب :انتي انسانة مريضة اقسم بالله