إن طيفك أمان لوكان العالم يعيشُ حربَ

إن طيفك أمان لو العالم يعيشُ حربَ 3

'
(لمن شافها محمد مشت لا إراديًا بدا يمشي وراها بس وقف من تذكر اخوانه ورجع يركض للبقاله وشافهم طالعين ، شال منيره وبدا يسرع بخطواته و نواف وراه ، خفف من سرعته لمن قرب منها بس خلا بينهم مسافه)
'
-
(فرح الي كانت تمشي بامان الله و مستمتعه بالجو البارد فجأة شطفها واحد بالسيكل حقه وطلعت منها صرخه ، ما مرت ثانيه الا وسمعت واحد يهاوش وراها)
محمد: نويصر!!!! تعال ياحيوان انا كم مره علمتك لا تسوي ذا الحركات!
( تكلم بحده وباين على صوته العصبيه ، وقفت فرح وهي تناظر ودققت زياده وهي تشوف منيره الي كان شايلها و نواف الي كان يضحك وراه ، راح ناصر ولف محمد وهو يشوفها واقفه تناظره)
محمد بحده: امشي يابنت مشعل!
(برضو لسا يتكلم بحده وفزت فرح من صوته و كملت تمشي الين البيت وهو وراها)

(اسيل دخلت غرفت جدها وهي هاربه من امها)
الجد: وش فيس يابنتي تعبانه؟
(جلست جنبه وهي تسند راسها على كتفه)
اسيل: اي والله تعبت امي ماخلتني ارتاح ولا دقيقه
(بدت تسولف عليه وهو حاط يده على شعرها و يلعب فيه)
(دخل ابو نايف الي اسمه مطلق)
مطلق: يا ما شاء الله وامس فضخت راسي وهي تسال عنس و تدورس روحي لها

(اول ما دخلت فرح قابلت عمها ف اطرت تسلم عليه رغم ان باقي عيال وراه الا محمد وراها)
فهد: كيفها بنتي من زمان عنس
فرح: الحمدالله ياعمي انت كيفك وكيف صحتك
( دخل محمد بس رجع على ورا لانه كان قريب منها ولا وده ابوه يهاوشه من ناحيه ذا الشي ، سكت فهد وهو يطالع محمد الي صاد وجهه و التفت يطالع عياله الي بروض صادين وماسكين ضحكتهم)
فهد: وخرو ياعيالي خلو اختكم تدخل
(ابتسمت فرح من قال "اختكم" و دخلت تسلم على خيريه)
فهد: وانت ياحمار وين كنت
(تكلم وهو يدز محمد مع كتفه)
محمد: وديتهم البقاله قالو يبون البقاله و وديتهم
(كان باين عليه التردد)
فهد: روح ياوليدي اخاف تسويها في مكانك
(لا شعوريًا ضحك زياد و ضحك وراه راكان على كلمت ابوهم ، مشى فهد يدخل المجلس عند اخوه و عياله)
راكان: الله يقلع ذا الوجه
(ضحك زياده وهو يضرب يد زياد الي خلاه يضحك بالاول)
زياد: شكل هي الي دلتك لبيتك يامحمد ولا انت ماتدري من وين دربك (محمد كان يناظرهم ومايدري الحين وش يسوي ومايدري كيف بيدخل المجلس ، طبعاً منيره قد دخلت و برضو نواف قد دخل بس بقو الثلاث)
محمد: والله البلشه ياعيال
(تنهد و مشى هو بعد يدخل المجلس يسلم على عمه)