إن طيفك أمان لوكان العالم يعيشُ حربَ

إن طيفك أمان لو العالم يعيشُ حربَ 7

*يوم جديد ، العصر*
ناديه: فرح انتبهي لا تحرقين البرقع
فرح: يمه وش دعوه عاد اعرف ترا
(كانو يتجهزون لحفل تراثي عندهم في الديره ، كانت جمعتهم في استراحه الحريم)
عهد: فرح بالله اكوي برقعي معس جالسه احاول في ذا الحبل عيا ينفك
فرح: يوه ياعهد وينه طيب جيبيه لايكون تبيني اجي علشانه
ناديه: امسكي هاذا هو بس اسكتو تكفون قروشتوني
فرح: ابشري
(خذت منها البرقع وهي تكويه بشويش علشان ما ينحرق ، خلصت و رجعت غرفتها تطلع الجلابيه الي بتلبسها وكان لونها احمر و مطرزه بـ كرستال ذهبي من عند الصدر و الاكمام ، دخلت عليها عهد)
عهد: الله وش ذا الذوق ان ما انخطبتي اليوم...
فرح: الله لا يقوله
عهد: اصبري اكمل كلامي ، ان ما خطبتس خالتي خيريه لمحمد يمكن انا اموت
فرح بصدمه: ياحيوانه اطلعي بس
(طلعت عهد وهي تضحك و ابتسمت فرح من كلامها وضحكتها)

(خلصو صلاه العصر و محمد قام يجلس عند عمه مشعل من شاف انه يحصن نفسه و عياله ، التفت عليه وهو يبتسم و مرر يدينه على محمد)
مشعل: اذا خلصتو يابوك تعالو بيتي نتقهوى بعدين نمشي
محمد: ابشر ياعم
(قام يقبل جبينه ويطلع من المسجد ، شافته منيره الي كانت تلعب مع البنات وراحت له ركض)
منيره: حمود
(شالها محمد وهو يناظر فيها و مبتسم)
منيره: اليوم بلبس فستان ازرق
محمد: الله بتغطين على البنات كلهم
(ماقدر يقاوم و قبلها على خذها اليسار)

وسن: يمه بروح اتجهز عند ال مشعل تكفين
ام وسن: روحي الله يستر عليس لو شديتي حيلك شوي دخلتي في البطاقه العائله حقتهم يابنتي
وسن: حبيت الذبه
(حطت اشيائها في شنطه عندها و توجهت لبيت فرح ، وقفت شوي وهي تحس بالهواء البراد و شالت هم اليوم بما ان الاستراحه مالها سقف ، تشوف ناصر الي يلعب بسيكله زي كل عاده و شطف سعيد الي يمشي و لاهي بالجوال)
سعيد: يلعن شكلك ياحيوان
(ضحكت وسن عليه و ذا الشي لفت انتباهه)
سعيد: ايي اضحكي ياجعل مايضحك غيرس ترضينها علي؟
(ابتسمت وسن من ورا النقاب و كملت طريقها بهدوء)