إن طيفك أمان لوكان العالم يعيشُ حربَ

إن طيفك أمان لو العالم يعيشُ حربَ 5

*يوم جديد ، الصبح*
ناديه: يلا يابنتي صحصحي بعد الظهر بنروح للبيت نسنعه و ننظفه
عهد: طيب يايمه والله بقوم بس شوي
(مشت ناديه وهي تطلع برا الغرفه و متوجهه للغرفه الي كانت فرح فيها)
ناديه: الحمدالله على الاقل انتي قايمه روحي شوفي اختس طفشتني
(هزت فرح راسها بـ اي وهي ماسكه ضحكتها)
-
(رن جوال عهد ف قامت وهي معصبه و تسحب جوالها ترد)
عهد: نعم!
زياد: ايش فيه الحلو معصب
عهد: اخلص وش تبي
زياد: عساس نمتي في غرفتي
عهد: افف اي نمت...
(قفلت الخط وهي تشوف فرح تدخل وهي تضحك وتسكر الباب معها)
فرح: على مين تلعبهااا ، على مين يا ابن الناس...
(غنتها وهي تضحك و عهد تغطي وجهها بالفراش وباين عليها الابتسامه)
فرح: وخري خليني اشوف وجهس قبل لا تقطعه الابتسامه
(سحبت منها الفراش وهي تضحك زياده على خذودها الحمراء)
فرح: علميني بس من متى ياحيوانه
عهد: بعدين اعلمس مو الحين

زياد: تعالي تعالي منور!
(سحبها محمد وهو يوقفها قدامه هو و زياد)
زياد: وين نامت خاله ناديه
منيره: في غرفه راكان
(محمد و زياد ناظرو بعض وكلهم مبتسمين و اشكالهم غبيه جداً)
محمد: خلاص روحي
(راحت منيره وضحك زياد على محمد لان توقع ان فرح في غرفه راكان بدون سبب)
محمد: ياخي ي زياد
(قالها وهو يمسح يدينه على وجهه ، و زياد حط يده على كتفه وهو يضحك بصمت)

خيريه: يابنات انا و امكم بنروح اول انتوا الحقونا اذا خلصتو
فرح: ان شاء الله خالتي
(مشو ناديه وخيريه وبقى البنات لحالهم ، عهد في غرفه زياد ترتبها بعدها و فرح في المطبخ تغسل المواعين و تغني)
فرح: احبك حب خلاني ابيع الدنيا من اجلك...
وبكره لو تعود ثاني اخلي الغالي يرخص لك.
(سكتت وهي تسمع في احد يهاوش عند الباب ، تركت المواعين وهي تحط الطرحه تغطي شعرها)
فهد: يابن الكلب ياحيوان هاذي اخرتها تدسس من ورا البيبان صدق انك حمار!!
محمد: يبه لا تسب نفسك...
فهد: لا انا كلب على تربيتي ولا؟
محمد: لا...
فهد: وتجاوب بعد؟ امش قدامي ياكلب ولا ذبحتك!!!
(كل ماله صوتهم يبعد ، رجعت فرح للمطبخ وهي تضحك ، ودخلت عليها عهد)
عهد: اشوفس مروقه اليوم من لمن قمتي وانتي تضحكين ويلا بسرعه ابي امشي
فرح: خلاص خلصت
(طلعت فرح و بقت عهد لحالها مستغربه منها)