إن طيفك أمان لوكان العالم يعيشُ حربَ

إن طيفك أمان لو العالم يعيشُ حربَ 6

*بيت مشعل*
عهد: يختي ماقد شفت مثلها مريضه
فرح: خليها بس تعودها والله ما اتركها
(كانو جالسين في غرفه فرح على الارض مكان الفرشه)
فرح: من يمد يده على اختي وانا حيه!!
(قامت تجلس على ركبها وهي تتكلم بصوت "مهايطي")
عهد: محد وانا اخت فرح!
(ضحكت عهد وهي تقلدها ورجعو الثنتين يجلسون ، فجأة رن جوال عهد وهي تدري من فـ ردت على طول)
عهد: هلا والله
(دزتها فرح وهي تضحك بصمت و عهد تلوح بيدها بمعنى اطلعي)
فرح: خير غرفتي اطلعي انتي والحمار الي تكلمينه
عهد: اصبر زياد
(حطت ميوت وهي تمد رجلها تشوت فرح علشان تقوم)
عهد: قومي يابنت الناس اطلعي بسرعه
فرح: لا اله الا الله
(طلعت فرح وهي تضحك و تسكر الباب بعدها ، رجعت عهد تفك الميوت)
عهد: وش كنت تقول
زياد: من ذي الي تكلمينها
عهد: فريحه
زياد: ايييي فريحه المقديه اليوم والله انها رجاله
عهد: رجاله؟ لا تقول كذا عن اختي لو سمحت
زياد: الله اكبر الا صدق وش مسوية لي الكلبه ذيك
عهد: اخخخ يا زياد قطعت لي شعري
زياد: واههه ياقلب زياد انتي بسم الله عليس
عهد: اختي رجاله صدق خذت حقي واكثر لبى عينها
زياد: توك تقولين لا تقول عن اختي كذا مسرع
عهد: اي وانا صادقه بس انا الي اقول
زياد: فارقي انتي و اختس
عهد: فارق انت ياحيوان
(قفلت بوجهه بقهر و راحت تشوف وين فرح ترجعها)
-
(ضحك زياد وهو متوجهه للعيال الي لسا جالسين برا)
زياد: مو صاحيه
محمد: منهي
زياد: قطوه هينا تسوي حركات
محمد: ورني
زياد: وخر يبوي حقتي
(محمد عقد حواجبه وهو يرجع يلتفت للعيال وشاف سعيد بن خالد متوجه لهم)
سعيد: سالم عليكم
(قامو الكل يسلمون عليه)
سعيد: افا جالسين برا وانا موجود
علي: لا والله قالنا نشم هوا
سعيد: تعالو بس عند خيمتنا بضبط لكم كرك وشاهي و نطقطق
زياد: مانقول لا
(دزه راكان يبيه يسكت ، ضحك سعيد وهو بدا يمشي ومشو وراه العيال ، لحق عليه صقر)
صقر: ياهلا والله بأبو خالد وش الاخبار
سعيد: معليه الاخبار انت شلونك يابو مشعل معد سمعنا منك
صقر: اييييه والله ياخذني النوم وانا اخوك
سعيد: تصير تصير بس بعد الشاهي الي بسويه ما بيجيك النوم
صقر: ان شاء الله ، الا مادورت لك عروس منا ولا منا خلنا نشوف من اخذ انا بعد
(ضحك عليه سعيد وبقى ساكت فـ ضحك صقر عليه)

فرح: يمه تكفين ابي وسن تجينا من زمان عنها
ناديه: بكيفس يابنتي بس فكونا من شركم
فرح: معليس
(قبلت جبينها وراحت لفوق متوجهه لغرفتها وقابلت عهد في الطريق)
فرح: كش عليس بدور لي اخت ثانيه
عهد: اتحداس
(سحب جوالها وهي تدور رقم وسن تدق علي 'وسن بنت عبدالاله صديقه لـ فرح منذ الصغر وعلاقتها بـ فرح جداً قويه' )
فرح: ياهلا بالسوسه
وسن: هلا والله فريحه
فرح: لا اسالس على الاخبار ولا انتي تسالين تعالي حياس عندنا نسمر للفجر
وسن: تصدقين عاد اني طفشانه فـ الحين بلبس عبايتي جايتس
فرح: اوقف لس زي كل مره؟
وسن: اي تكفين تعرفين الكلاب ذا الوقت برا
فرح: اخاف ياكلوني بدالس
وسن: مابيصير فيك شي اطلعي بس
فرح: يلا يلا
(قفلو من بعض وراحت فرح تلبس عبايتها و طرحتها ، نزلت لباب الشرع وهي تحط الطرحه على شعرها و وقفت تنتظر ، بينهم و بين بيت وسن فقط ثلاث بيوت ف عيونها كانت على باب بيتها)
-
(عهد من سمعت انها بتجي راحت تسوي لهم مشروب و تجهز المفرحات ، دخلو فرح و وسن عليها وهي في المطبخ ف سلمت عليها عهد)
فرح: ياهلا والله خذي راحتس ترا العيال مو فيه
وسن: زين اجل
(فكت العبايه وبانت بجامتها الحرير عكس فرح الي كانت لابسه قميص روز)
فرح: اخس يالحرير ، عهد خذيها و روحو غرفتي بجيكم شوي
(راحت فرح للصاله و البنات لفوق)
فرح: يمه اذا جا واحد من العيال قوليلهم ان وسن عندنا خليهم في المجلس
ناديه: زين ياحبيبتي روحي لا تتركين البنت لحالها
-
فرح: حي الله بنت عبدالاله
وسن: الله يبقيس
عهد: تخيلي وسن صارت سالفه اليوم
وسن: الله اسردي تكفين
(ضحكو البنات و بدو يقولون لها وش صار)