إن طيفك أمان لوكان العالم يعيشُ حربَ

إن طيفك أمان لو العالم يعيشُ حربَ 2

بيت مشعل، العصر:
ابو علي: نادو لي بنيتي وينها ماتجي تتغدا معنا
صقر: فريحه!! ابوي يبيس وينس فيه
فرح: جايه ياصقيير
(جلست قدام امها جنب ابوها و سمت بالله)
ابو علي: لاتنسون عزيمه اليوم بعد المغرب الاقيكم جاهزين ولا رحت بدونكم
ام علي: لا معليك ان شاء الله بس وص بنتك هي الي تاخرنا
صقر: اي يبه حتى على الغذاء اخرتنا
فرح: ماودك تسكت انت و ان شاء الله لعيون ابوي بخلص بخمس دقايق
علي: هاذا وجهي ان خلصت بخمس دقايق
عهد: خلاص عاد انتوا تراكم رجال مب مثلنا حنا لازم ناخذ وقت
فرح: صح عهودي علميهم
ابو علي: تغدو الله يصلحكم

بيت مها:
ام نايف: يابنتي انتي وش جاس قومي الضيوف بيجون
اسيل: يمه تعبت وترانا تونا هم مابيجون الا بعد المغرب
نايف: يمه!! هاذا هو التمر و اغراض الحلا انا بطلع اشوف وش سوو بالمجلس
ام نايف: الله يعطيك العافيه ياولدي واطلع خلاص وانتي قومي يلا تراهم مب شوي
نايف: تذكري علي وقومي يالله
اسيل: يمه خليه يسكت علشان ما اذبحه
ام نايف: لحول ولا قوه الا بالله
(تنهدت وهي تمشي من عندهم و نايف يضحك على اسيل بصمت وهي تمشي من عنده بقهر)

بيت فهد:
(الام خيريه كانت موصيه ولدها محمد للبقاله علشان يجيب لها كم غرض)
محمد: هيه يامدير طول عمري وانا اجي و اروح من عندكم وش سالفتكم ورا ماترخصون الاسعار والله لو اني شاري بسكوت ذهب ولا بطاطس ذهب ،
كومار: روح شوف بقاله ثاني انا كل عمري هينا قبل انتا ومحد قول كدا قبل
(هندي، عمره فوق ٥٠، من زمان يشتغل في البقاله)
محمد: مصيبه ان مافي بقاله في ذا الديره الا هاذي و اذا محد قد قالك ذا الكلام انا اقوله لك
(محمد حاسب غصبًا عنه لان فعل مافي الا ذا البقاله و امه تبي الاغراض ضروري ، طلع من البقاله و في حركه سريعه مر من قدامه واحد على سيكل و مسرع)
محمد: ياورع تعال تعال!!
(لمن وقف الولد قدامه مسكه مع كتفه)
محمد: خير ياخوي وينك فيه يوم تمشي بذي السرعه
(الولد ينقال له ناصر كان ماسك ضحكته)
ناصر: يونس ترا.. تبي تجرب؟
محمد: صدق عادي؟
(لمن شاف ناصر يهز راسه ب اي عطاه الاكياس وركب السيكل ، بعد دقايق رجع عند ناصر الي ينتظره مع الاكياس)
محمد: الله يسعدك ياخي ها لا تقاطع خلنا نشوفك وتراه اذن العصر امش صل ، محمد مشى لسيارته علشان يودي الاغراض لامه ويلحق على الصلاه
-
منيره: ماجبت لي شي
(تقول وهي تمشي ورا محمد الي متوجه للمطبخ عند امه)
محمد: ياقلبي انتي بعد الصلاه بجي و اخذس نروح للبقاله ، (باسها على خدها اليسار و مشى بسرعه للمسجد)