رُفات الهوي✨♥️ (قيد الكتابة)

الفصل الأول من رواية رُفات الهوي

ڤوت قبل القراءة
الساعه6 صباحاً في بيت شيماء
بيت شيماء وأصحابها فيلا مكونة من أربع ادوار ليها جنينة كبيرة فيها حمام سباحة وفي اسطبل خيول عربية وفي مكان فيه عربيات ومخزن كبير وري الفيلا وسرداب وده مش بيستخدم غير في حالات خاصة الفيلا مساحتها 3فدادين.
شيماء صحيت اتوضت وصليت وركبت خيل وراحت تاخد شاور عشان تروح الشركة.
الساعة8 في بيت شيماء
شيماء :صباح الخير يا دادة كوثر.
دادة كوثر: صباح النور يا شوشو (دادة كوثر ست طيبة وقمر كده عندها 55سنة)
شيماء:امال فين أمنية وأروى يا دادة؟
الدادة: نايمين لسه هروح اصحيهم دلوقتي.
شيماء :خلاص يا دادة خليكي انتي انا هصحيهم خلي حد يحط الفطار عشان نفطر كلنا مع بعض.
الدادة: من عيوني يا حبيبتي.
شيماء : تسلمي يا دادة
في اوضة أمنية (لونها بينك كبيرة في غرفة للملابس وحمام خاص وفي تليفزيون وبلكونة حلوة بتطل علي الجنينة وفيها ارجوحة)
شيماء :أمنيتي اصحي يالا عشان نفطر.
أمنية :يا شوشو سيبيني شوية كل يوم اصحي بدري.
شيماء :يا بنتي مش عندك شغل في الجامعة وبعد كده هتروح تمري علي الصيدليات.
أمنية :يا نهار ده انا عندي محاضرة الساعة 10(هي معيدة في كلية صيدلة وبتحضر ماجستير)
شيماء بتضحك عليها.
امنية:كده يا شوشو بتضحكي عليا.
شيماء: اصل كل يوم علي كده ومش بتحرمي يالا روحي اتوضي وصلي والبسي عشان نفطر مع بعض.
أمنية: حاضر يا ملاكي صباح الفل .
في اوضة أروي ( كبيرة لونها أبيض في روز هادية فيها غرفة للملابس وحمام خاص وبلكونة وفيها أرجوحة بردو)
شيماء : اروتي يالا اصحي.
أروي: شوشو خمس دقايق وهقوم ونامت تاني.
شيماء :يالا يا أروي اصحي مش عندك شغل انهاردة.
أروي :اه عندي كتير والله حاضر هقوم اهو.
شيماء :صباح الفل يا اروتي.
أروي :صباح الورد يا عيون أروتك.
شيماء :يالا روحي اتوضي وصلي عشان نفطر مع بعض.
أروي :حاضر يا حبيبتي.
شيماء نزلت تساعد دادة كوثر في الفطار وخلصوا وحطوا الفطار علي السفرة.
أمنية واروي خلصوا ونزلوا
أمنية وأروى :صباح الخير.
شيماء ودادة كوثر :صباح النور.
شيماء :يالا عشان نفطر عشان مش عايزة اتأخر.
أمنية وأروى :حاضر.
شيماء :يالا يا دادة عشان تفطري معانا.
دادة كوثر :لا يا حبيبتي انا فطرت من شوية عشان الدوا بتاعي.
شيماء :بالهنا والشفا يا حبيبتي خلاص روحي ارتاحي شوية.
الدادة:حاضر يا بنتي.
شيماء وأروى وأمنية فطروا في جو مرح جدا عشان هما فرفوشين.
خلصوا فطار وكل واحدة خدت عربيتها والحراسة ومشيت (هما اللي بيسوقوا الحراسة بتبقي وراهم) .
في الجامعة عند أمنية وصلت مكتبها الباب خبط
أمنية:اتفضل.
دكتور عز:صباح الخير يا دكتورة.
أمنية :صباح النور يا دكتور خير في حاجه؟
دكتور عز: اه لو ممكن بعد المحاضرة بتاعة حضرتك نروح الكافتيريا نشرب القهوة مع بعض؟
أمنية:متأسفة يا دكتور مش فاضية وكمان ايه اللي يخليني اشرب مع حضرتك قهوة في الكافتيريا اظن مفيش بيني وبينك حاجه عشان اوافق دي تعزم خطيبتك عليها مش أنا.
دكتور عز اتكسف:انا كنت عايز اعزمك من باب ان احنا زملاء بس مش اكتر.
أمنية :متأسفه طلبك مرفوض وبعد إذنك عشان عندي محاضرة وسابته ومشيت بعدها قالت دكتور رزل.
في المركز عند أروي لسه هتدخل المكتب ممرضة ندهت عليها.
الممرضة: دكتورة أروي.
أروى:نعم يا إيمان في حاجه.
إيمان:في عملية ضروري ولازم حضرتك اللي تعمليها عشان صعبة.
أروي:ابعتيلي تقرير الحاله بسرعة وجهزوا غرفة العمليات علي ما اجي.
الممرضة ادتها التقرير كان عبارة عن ورم في المخ كان صغير ولكنه في مكان حساس جدا في الدماغ فتضطر انها تعمل تدخل جراحي اللي كان مدهش انه كانت طفل 12 سنة وده اللي شجع أروي انها تعمل العملية وتنجح فيها راحت للطفل خبطت.
الأم :اتفضل.
أروي:السلام عليكم.
الام:وعليكم السلام ورحمة الله وبركاته ازيك يا دكتورة طمنيني علي ابني.
أروي:اطمني ان شاء الله هيخف ويبقي زي الفل نقلت نظرها للطفل ازيك يا بطل عامل ايه اسمك ايه بقي.
الطفل:اسمي زياد وانتي يا قمر(قالها بعفوية)
أروي ضحكت وقالت:اسمي أروي بص احنا هنتفق علي حاجة انت حاسس بصداع صح.
زياد:اه في صداع وحش جدا.
أروي:احنا هنخلي الصداع يروح بس هنضطر نعمل عملية صغيرة خالص ماشي.
زياد: يعني هخف وابقي كويس ومش هيجيلي صداع تاني.
أروي:اه مش هيجيلك تاني ان شاء الله.
زياد:ان شاء الله بس انتي تبقي معايا عشان شكلك قمر وعسل كده.
أروي: طبعاً هبقي معاك همشي واجيلك بعد شوية.
زياد:مع السلامة يا أروي.
أروي شاورتله ومشيت.
في الشركة عند شيماء دخلت الشركة وبعد ما مرت علي الموظفين اتجهت لمكتبها.
السكرتيرة :بشمهندسة شيماء صباح الخير حضرتك عندك اجتماع دلوقتي مع شركة الهنداوي.
شيماء: صباح النور يا مدام ياسمين تمام عشر دقايق والاجتماع يبدأ.
مدام ياسمين: تمام حضرتك في غرفة الاجتماعات ولا في المكتب.
شيماء:في المكتب عندي وخليه حد يبعتلي القهوة بتاعتي والورق الخاص بالاجتماع والورق اللي محتاج يتمضي.
مدام ياسمين:تحت امرك يا فندم.
شيماء دخلت المكتب وظبطت ورقها (محدش بيدخل المكتب بتاعها غير في وجودها، المكتب كبير جدا ولونه أسود في أبيض)
مدام ياسمين:اتفضلي حضرتك ده الورق الخاص بالاجتماع وده الورق اللي هيتمضي في حاجه تاني؟
شيماء:شكراً لحضرتك دخليلي العملاء عشان الاجتماع هيبدأ.
دخل شابين المكتب عند شيماء واندهشوا ان اللي ماسكة مجموعة شركات الملاك جروب بنت صغيرة لسه شابة يعني.
شيماء :اهلا وسهلا بحضرتكم.
شاب1:اهلا وسهلا بحضرتك انا سليم الهنداوي.
شاب2:وانا آدم الهنداوي.
شيماء:اهلا وسهلا اتشرفت بمعرفتكم.
سليم وآدم :احنا اكتر.
شيماء:تشربوا ايه.
سليم :ممكن قهوة مظبوطة.
آدم :قهوة سادة.
شيماء :مدام ياسمين واحد قهوة مظبوطة وواحد قهوة سادة.
شيماء: نتكلم في الشغل اتفضلوا.
سليم:احنا عايزين نمضي عقد مع شركاتكِ في جميع الأعمال الهندسية.
شيماء :حضرتك تقصد مباني والكترونيات وبرمجة وديكور وكل حاجه الشركات بتعملها؟
سليم:بالظبط.
شيماء :تمام مبدأيا حضرتك عايز العقد كام سنة؟
سليم:تمام 5سنين وان شاء الله نجدده كمان، بس ممكن اسأل عن حاجه؟
شيماء:اتفضل.
الباب خبط.
شيماء :ادخل.
شخص دخل وحط القهوة.
شيماء :نكمل كلامنا.
سليم:احنا سمعنا انك عاملة عقد مع شركة وليد الحديدي هل هنبقي الاتنين عملا عندك ولا هتفسخي العقد مع حد فينا باعتبار ان هو العدو الأول لينا.
شيماء :والله عداوتك دي حاجه متخصش شغلي ده غير ان كل واحد ليه عقد معايا التاني ملوش علاقه انا مش بخلط في الشغل وعشان اطمن حضرتك هو عقده خلص من فترة وعايز يجدده تاني بس انا اللي مش عايزة اشتغل معاه وحتي لو عملت كده فشغلك بعيد عن شغله عندي.
سليم اعجب بطريقتها وذكائها انها تقدر تقنع اللي قدامها.
آدم:طب حضرتك هتبداي معانا امتي؟
شيماء :لسه في اجتماع تاني عشان نشوف العقد ونحدد الشروط ونقول علي كل التفاصيل ولو اتفقنا هنشتغل مع بعض لو اختلفنا يبقي مفيش مشكله ومش هيبقي في عداوة بنا في اي حال من الأحوال.
آدم :ان شاء الله نتفق.
سليم:طب نستأذن احنا.
شيماء :اتفضلوا.
سليم بيسلم بإيده.
شيماء :متأسفة مش بسلم.
سليم:لا ولا يهمك.
شيماء :تمام
الاجتماع انتهي ومشيوا.
في المركز عند أروي خلاص هتدخل تعمل العمليه لزياد
زياد قبل ما يدخل:هو انا هخف واطلع يا أروي.
أروي :ان شاء الله يا حبيبي متخفش انا معاك ودخلوا العمليات
طبعاً العملية كانت صعبة جدا واخدت وقت طويل.
بعد 6 ساعات أروي طلعت من غرفة العمليات.
ام زياد:ها يا دكتورة اي الأخبار زياد كويس.
أروي بابتسامه :الحمدلله العمليه نجحت بس لازم يكون تحت المراقبة 24 ساعة عشان نطمن عليه.
الام :الحمدلله يارب وحضنت أروي شكراً يا دكتورة مش عارفه اقولك ايه.
أروي :متقوليش حاجه انا عملت واجبي وبس روحي ارتاحي.
الام :حاضر.
في الجامعه عند أمنية.
بعد المحاضره وهي طالعة من الجامعة شخص خبط فيها.
أمنية:مش تحاسب.
الشخص ببرود:مكنتش اقصد.
أمنية :ليه اعمي مش شايف.
الشخص:ما قولت مقصدش خلاص.
أمنية :بارد وسابته ومشيت.
الشخص اتعصب ومشي
أمنية ركبت عربيتها وراحت تمر علي الصيدليات.
في الشركه
مدام ياسمين:باشمهندسة شيماء وليد بيه برة ومصمم تقابليه.
شيماء :دخليه.
وليد دخل
شيماء :اهلا وليد بيه ايه اللي جابك عندي اظن شغلك خلص هنا.
وليد:هو انتي صحيح هتشتغلي مع شركات الهنداوي؟
شيماء ببرود:اه وانت مالك.
وليد:يعني انتي مجددتيش العقد بتاعي عشان كده صح.
شيماء :انت عارف انا مش هجدد العقد ليه؟
وليد: شيماء اديني فرصة انا بحبك وعايزك.
شيماء :مع الف سلامه يا وليد بيه ومتجيش هنا تاني.
وليد:ماشي يا شيماء بس انتي ليا انا وبس وهتشوفي.
شيماء خلصت شغل وروحت.
في قصر عيلة الهنداوي علي الغدا.
سليم:شوفت يا جدي شركات الملاك جروب في الآخر طلعت ماسكاها بنت حوالي 23 سنة.
تالة (اخت سليم بيضة وعنيها عسلي ومحجبة) :لا عندها 27 سنة.
سليم:ايه ده انتي تعرفيها.
تالة:اه طبعاً دي صاحبتي بس لسه هتعرفوا باقي الجروب.
الجد:طب وايه مشكلتك يا سليم هي بنت وناجحة.
سليم:لا مش مضايق انا مستغرب انها اسمها كبير فكرتها واحدة عندها 40 او 50 سنة مش 27.
الجد:اه بس ما شاء الله عليها انتوا هتروحوا تاني امتي.
سليم:لما السكرتيرة تتصل.
الجد بغموض: تمام ابقي قولي هتروح امتي؟
سليم :تمام.
عند وليد الحديدي.
وليد:الو عملت ايه في اللي قولتلك عليه.
شخص:معرفتش اوصل لحاجة محدش بيقدر يدخل مكتبها وهي مش موجوده.
وليد :يعني ايه اتصرف هو أنا مشغل نسوان معايا.
الشخص :مفيش حل.
وليد:طب اقفل وانا هتصرف.
الشخص قفل.
وليد:ماشي يا شيماء أنا هوريكي.
في الفيلا عند البنات.
أمنية وشيماء قاعدين في الجنينه.
شيماء :مالك يا أمنيتي في إيه.
امنية:مفيش حاجة يا شوشو أنا كويسة.
شيماء: عليا أنا بردو ،مالك ؟
أمنية :مفيش حاجه بجد بس قابلت واحد رخم كده.
شيماء :كبري دماغك من أي حاجة زي دي.
أمنية :معاكِ حق قوليلي اخبار شغلكِ ايه.
شيماء :تمام بس اللي اسمه وليد ده مش عايز يسبني في حالي.
أمنية :وانتي هتعملي ايه.
شيماء :سبيها بظروفها.
أمنية :مش مطمنة لهدوئكِ.
شيماء ضحكت :اخص عليكي الف خساية أنا وش الحاجات دي.
أمنية :لا طبعاً أنا اقدر اقول كده.
أروي دخلت.
أروي :ازيكم عاملين ايه مش بسأل عليكم انا علي الغدا.
شيماء :عارفه الغدا جاهز، انتي عامله ايه النهارده.
أروي :كان يوم صعب بدأت بعملية طفل عنده 12سنة وخلصت يومي بعملية صعبة بردو.
شيماء وأمنية :ربنا يوفقك يا حبيبتي.
شيماء :اطلعي خدي شاور واحنا هنجهز الاكل احنا لسه مأكلناش مستنينك.
أروي :ماشي.
جهزوا الغدا وكلوا وخلصوا وراحوا كملوا كلامهم في الجنينة وهما بيتكلموا تليفون شيماء وأروى وأمنية رن.
عند شيماء كانت مامتها.
شيماء :الو ازيك يا ماما عامله ايه.
الام :الحمدلله يا شوشو انتي عامله ايه عندك.
شيماء :الحمدلله تمام وشغلي ماشي كويس.
الام :طب مش ناوية تيجي.
شيماء :احتمال بعد شهر اجي اقعد اسبوعين وارجع.
الام :اسبوعين بس.
شيماء :ما انتي عارفه يا ماما الشغل هنا مينفعش اسيب الشركة فترة طويلة ده غير ان مفيش حد اقدر اثق فيه عشان يمشي الشغل مكاني.
الام:ربنا معاكي يا بنتي عايزة حاجة.
شيماء :لا يا ماما عايزة سلامتك.
الام:الله يسلمك يا حبيبتي يالا تصبحي على خير.
شيماء :وانتي من اهل الخير.
عند أمنية.
أمنية :الو ازيك يا بابا عامل ايه.
الأب :ازيك يا أمنية عاملة ايه مش هتعملي اللي قولتلك عليه.
أمنية :لا يا بابا انا مرتاحة هنا.
الأب :يعني مش هتيجي.
أمنية :هاجي بعد شهر اقعد اسبوع وارجع تاني أكيد مش هسيب شغلي وحياتي انا مبسوطه هنا جدا.
الأب :خلاص اعملي اللي يريحك يا بنتي انا بس خايف عليكي.
أمنية :لا متخفش عليا انا تمام.
الأب :ماشي يا بنتي عايزة حاجة.
أمنية :سلامتك يا بابا تصبح على خير.
الأب :وانتي من اهل الخير.
عند أروي.
أروي :ازيك يا حجوج عامل ايه وحشني والله.
الأب:يا بت بطلي تضحكي عليا.
أروي :عيب عليك يا حج.
الأب :بقولك في عريس متقدملك قولتي ايه.
أروي :وده شافني فين عشان يتقدم.
الأب :لا مهو مش غريب علينا.
أروي :طب يا حج انا مش هتجوز قولوا كده.
الأب :اعملي اللي يريحك تصبحي على خير يا أروي.
أروي :وانت من اهله يا حبيبي.
خلصوا المكالمة وقعدوا مع بعض شوي
شيماء :طب عايزين حاجه يا بنات.
أمنية :رايحة فين دلوقتي.
شيماء :هروح اتمشي شوية علي البحر واجي.
أروي :يا بنتي ارحمينا من جنانك ده حد يروح الساعة 10 علي البحر.
شيماء :يا بنتي انتي لسه متعودتيش وبعدين ايه الجديد ما انا مجنونه وانتوا عارفين كده يالا سلام بقي ومشيت.
أمنية :انا مشفتش جنان كده.
أروي :اديكي شوفتي وهي اصلا مش هتهتم لحد وهتعمل اللي في دماغها.
أمنية :معاكي حق عايزة حاجة؟
أروي :رايحه فين.
أمنية :هروح انام ايه مش هتنامي.
أروي :اه والله نعسانه تصبحي على خير.
أمنية :وانتي من اهل الخير.
شيماء راحت تتمشي وبعدين قعدت شوية علي الكورنيش وهي قاعده جه شخص.
الشخص:قاعده كده ليه.
شيماء من غير ما تبص:وأنت مالك انت مراقبني.
الشخص:لا بس فضول.
شيماء :لا متسألش في حاجه متخصكش.
الشخص راح قاعد علي اخر المقعد شيماء قامت عشان تمشي وهي ماشية 3شباب كانوا ماشيين وراها.
الشاب 1:ايه يا قمر حد يمشي لوحده كده.
الشاب2:تعالي معانا واحنا هنبسطك.
الشاب3:تقلان علينا ليه كده يا عسل.
شيماء زهقت راحت مطلعة سلاحها ولفت.
شيماء :ايه رايك تيجي انت.
الشاب1:ايه ده القطة طلعت بتخربش.
الشاب2:سيبي اللي في ايديك ده يا قطة وتعالي معانا بالذوق بدل ما تيجي بالعافية ولسه واحد بيقرب منها راحت عطته طلقة في دراعه.
شاب :يا بنت المجنونه انت اد اللي انتي عملتيه.
شيماء :اه تحب تجرب تاني ولسه هتضرب تاني راحوا جريوا لفت عشان تمشي خبطت في حد وهنا كانت الصدمة......
#يتبع.
لـِ شيماء أسامة "ملاك القلم"
#رُفات_الهوي.
#shaymaa_osama