رُفات الهوي✨♥️ (قيد الكتابة)

البارت السابع

اعمل ڤوت يا سكر وشجعني
شيماء دخلت غرفة الاجتماعات وشافت شخص.
شيماء :جدو فخر.
الجد:ازيك يا ملاك.
شيماء :ازي حضرتك وحشتني جدا وسلمت عليه.
آدم بهمس لسليم: هي مش اسمها شيماء بردو وبعدين جدك يعرفها منين.
سليم:انا مبقتش عارف حاجه وبعدين اشمعنا سلمت عليه هو بإيديها.
آدم :راجل اد جدها تسلم عليه عادي.
سليم:تلاقي فى حوار وري انهم يعرفوا بعض.
آدم :اتوقع اي حاجه من جدك ده كل شوية يفاجأنا بحاجة جديدة.
سليم :معاك حق.
تالة: جدو انت تعرف شيماء منين واشمعنا حضرتك قولتلها ملاك.
شيماء :عشان ده اسمي بردو وناس كتير عرفاني باسم ملاك مش شيماء.
الجد: بس انتي نفذتي وعدك يا ملاك.
تالة:لا فهموني انتوا تعرفوا بعض ازاي.
Flash Back.
من 3سنين.
شيماء كانت رايحة تشوف الارض اللي هتبني عليها اول شركة ليها.
شيماء : خلاص انا هشتري الارض دي.
الشخص:متأسف مش هتقدري.
شيماء :ليه انا قولتلك من فترة.
الشخص :في حد قال عايز الأرض دي وانا مش هقدر اقوله لا.
شيماء :مين الشخص ده.
الشخص :اهو اللي هناك ده.
شيماء راحت للشخص اللي كان واقف.
شيماء :سلام عليكم.
الجد:وعليكم السلام اتفضلي.
شيماء :حضرتك انا كنت هشتري الأرض دي والمالك بتاعها قال انك هتشتريها وانا قايلة من فترة.
الجد:اشمعنا المكان ده.
شيماء :عشان ده انسب مكان شوفته.
الجد:هتعملي ايه لو اشتريتي الأرض دي.
شيماء :هفتح شركة لجميع الأعمال الهندسية هتبقي اول فرع هنا.
الجد :الأرض دي هدية مني ليكي بس توعديني بحاجتين.
شيماء :اي هما
الجد: تنجحي وهتمسكيلي مشروعي.
شيماء :أكيد طبعاً
الجد : قوليلي الشركة اسمها ايه
شيماء : الملاك.
الجد:ماشي يا ملاك بس انتي وعدتيني انك هتنجحي في مجالك لحد ما اسمك يكون في العالم كله.
شيماء :أكيد .
Back.
شيماء :بس يا ستي ده كل الموضوع.
الجد:وانتي طلعتي اد الوعد.
سليم :احم ازيك يا باشمهندسة شيماء.
شيماء :ازيك يا سليم بيه.
آدم :ازيك يا باشمهندسة ملاك.
شيماء :ازيك يا آدم بيه .
الجد :يالا نبدأ الاجتماع وبعد كده نتكلم براحتنا.
شيماء :اتفضلوا.
الاجتماع بدأ وهما في نص الاجتماع الباب اتفتح.
أمنية :ملاكي انا جيت آسفة افتكرت الاجتماع خلص.
الجد :لا يا أمنيتي ولا يهمك.
شيماء :دكتورة أمنية أختي وصاحبتي.
الجد :ازيك يا أمنية.
أمنية :ازي حضرتك.
الجد: الحمدلله تعالي احضري الاجتماع معانا.
أمنية :معلش استأذن أنا.
شيماء :لا تعالي اقعدي مع تالة علي ما اخل....مكملتش كلامها والباب اتفتح تاني.
تالة :شكلك مش هتخلصي الاجتماع ده .
سليم: هو احنا مش هنخلص ولا ايه يا باشمهندسة.
آدم :في ايه يا سليم محصلش حاجه دي كلها خمس دقايق بس.
أروي :شوشو انا آسفة بجد ازي حضرتك جدو فخر صح.
الجد :ايوه انا جدو فخر انتي أروي أكيد.
أروي :اه انا أروي ازي حضرتك.
الجد :طلعوا احلي من الكلام اللي حكتهولي يا ملاك.
شيماء :قولت لحضرتك مفيش كلام يوصفهم.
أروي :آسفة بجد علي اني قطعت الاجتماع.
شيماء :حبيبتي محصلش حاجه روحي اقعدي مع أمنية وتالة.
شيماء :آسفة على المقاطعة نكمل الاجتماع.
سليم :اكيد هتعمللنا خصم صح.
شيماء :اكيد هيبقي في خصم 10٪ علي كل حاجه.
الجد:كتير يا ملاك.
شيماء :لا حضرتك مش كتير انا حاسبة كويس كل شيء .
الجد:الخصم 7٪ بس.
سليم:ليه يا جدي دي هي نفسها قايلة 10 حضرتك تقول 7.
الجد بص لشيماء: انا عارف هي قالت 10 ليه وهي اصلا بتعمله 5٪ لكل العملاء احنا هنبقي كده كويس ومش عايز اعتراض يا ملاك.
شيماء :تمام حضرتك هنحدد يوم لتوقيع العقود.
الجد:هيبقي بعد فرح تالة طبعاً انتي مش محتاجة دعوة ولا أمنية ولا أروي هتيجوا من اول الأسبوع هنعدي عليكم السبت الصبح انا كنت هخليه الجمعة بس قولت تحضري المسابقة بتاعتك وتنبسطي عشان عارفك لو مدخلتيش هتدمري الدنيا.
أمنية :معاك حق يا جدو بس كنت تخليها الجمعة عشان متحضرش يبقي احسن.
أروي :اه يا جدو قولها ترحم نفسها شوية.
شيماء :ينفع كده حضرتك تقومهم عليا، طب كنت عايزة اطلب من حضرتك حاجه.
الجد :خلي تالة عندك الأسبوع ده.
كلهم استغربوا ماعدا شيماء ضحكت.
سليم: اي اللى بيحصل ده.
الجد:هي فهمتني عشان كده مستغربتش زيكم ملاك قريبة مني جداً وتعرف حاجات احفادي نفسهم ميعرفوهاش عشان كده هي فهماني وأنا فهمها.
شيماء :صح يا جدو.
الجد :طيب نستأذن احنا وهنعدي عليكم يوم السبت الساعه 10 الصبح سلام يا بنات.
بعد ما الجد وآدم نزلوا سليم نده على شيماء
سليم: باشمهندسة شيماء هي ايه الحاجات اللي انتي تعرفيها عن جدي واحنا منعرفهاش.
شيماء :دي أسرار بينا لو عايز تعرف اسأله.
سليم :تمام عن إذنك.
شيماء :اتفضل.
شيماء يالا هروح المكتب اخد حاجتي ونروح.
أمنية :اه صح يا ملاكي انتي سايبة المكتب مفتوح ليه.
شيماء :ازاي انا قفلته ممكن ماخدتش بالي.
البنات راحوا المكتب دخلوا لقوا شخص قاعد حاطط رجل علي رجل وبيشرب سيجار.
شيماء :خير يا وليد بيه ايه جابك.
وليد:جاي اسلم عليكي واقولك ان الملف ده يلزمني مش ده الملف بتاع الشركة الالمانية ابقي وريني هتعملي ايه.
شيماء :انت مش اد اللي بتعمله يا وليد انت مش اد اللعب معايا ولا اد اللي ممكن يجرالك مني.
وليد: ابقي وريني هتعملي ايه اصل انا بحب القطط الشرسة اللي زيك كده وبيدخله دماغي اوي ومش برتاح إلا لما اكسرهم.
شيماء :طلبتها ونولتها يا وليد عايزاك تجيب سيجار كتير الفترة الجاية عشان مش هتلاقي غيره تطلع غضبك فيه اصل هخليك لا حول لك ولا قوة من اللي هيحصل.
وليد:هاتي اخرك يا ملاك مش فخر الدين الهنداوي بيقولك ملاك بردو.
شيماء :متجبش سيرته علي لسانك أبدا وانا هوريك مين هي ملاك بس شد حيلك عشان اللي هعمله انت مش قده وهتشوف يالا مع الف سلامه.
وليد اتغاظ منها ومشي.
أمنية :هتعملي ايه.
أروي :ده مجنون اقسم بالله اي القرف ده.
تالة :ده اخد ملف مهم عندك ومشي سيبتيه ليه.
شيماء :يالا نروح.
أمنية :مش هتردى علينا.
شيماء :تعالوا نروح اي مكان ونتغدي برة.
أروي :مش هناخد منها حق ولا باطل يالا نمشي احسن.
البنات مشيوا وشيماء مش راضية تتكلم في الموضوع ده نهائي.
في قصر عيلة الهنداوي.
سليم:جدي انا مش فاهم حاجة من اللي حصلت النهاردة.
الجد:عايز تفهم ايه.
سليم:اي الحاجات اللي احنا منعرفهاش عنك يا جدي.
الجد: كل حاجه هتعرفها في وقتها متستعجلش.
سليم:واشمعنا هي تبقي عارفه وانا لا يا جدي.
الجد:قولتلك هي أقرب حد ليا.
سليم:يعني احنا احفادك من صلبك ومنعرفش وهي اللي متقربلكش ولا ليها صلة بيكي وتبقي قريبة منك كده.
الجد: اه من ساعة ما عرفتها وهي معايا علطول في كل حاجه بنتقابل ولما انتوا بتعملوا حاجه مش عجباني واحكيلها بترد عليا بكل حكمة وتخفف عني مش زيكم بعاد عني بحجة الشغل طب ما هي بتشتغل ولوحدها كمان وبتاخد بالها من صحابها واختك كمان اللي انت بتنساها اصلا شوفت بتعمل ده كله لازم تكون أقرب حد ليا ومش انا لوحدي ده كل الناس.
سليم:طلعتها ملاك يا جدي.
الجد: ما هي ملاك فعلا هي كوكتيل غريب كده عاقلة ومجنونه بتضحك وتهزر بس فيها حزن بردو حاجه غريبة اوي بس حلوة تصدق بحسد اللي هيتجوزها.
آدم : طب ما تتجوزها انت يا جدو حتى انت لسه حلو وقمر زي ما انت.
الجد:لا أنا كبرت خلاص يلا روح انت وهو علي شغلك.
سليم :لا انا قاعد معاك النهاردة يا جدي.
الجد:اشمعنا النهاردة روح شوف شغلك يلا.
سليم:واشمعنا الست شيماء هي اللي تقعد معاك وتحكي واحنا لا.
الجد:ملاك اسمها ملاك وتقعد براحتها معايا طلما انتوا بتسيبوني ملكوش دعوة وسابهم ومشي.
سليم :عجبك كده اللي حصل.
آدم :جدك عنده حق احنا قصرنا معاه كتير طبيعي رد فعله يبقي كده.
سليم:ايوه بس انت شوفته بيتكلم عليها ازاي ده بيقول فيها شعر.
آدم :وانت مضايق ليه ما يقول اللي هو عايزه ولو انت عايز ترجع زي زمان مع جدي يبقي تقرب منه تاني.
سليم : عندك حق انا لازم ارجع زي زمان وابعدها عنه انا محدش ياخد مكاني أبدا عند جدي.
آدم :سليم انت مضايق منها كده ليه من ساعة ما عرفت انها أقرب حد لجدي وانت مش طايقها بس احب اقولك مش هتعرف تبعدها عنه أبدا فكر وياريت متأذيهاش ولا تيجي ناحيتها دي صاحبة اختك وجدك بيعتبرها حفيدته زينا ولو عملتلها حاجه جدك هو اللي هيقفلك سلام.
سليم قعد يفكر في الكلام اللي اتقال وراح يشوف شغله.
باليل شيماء قاعدة في اوضتها بتعمل شغل علي اللابتوب جلها إشعار ان حد دخل الفيلا من السور (موصلة الكاميرات بتليفونها عشان لو حد غريب دخل تعرف علطول) لبست حجابها ونزلت بالمسدس ونزلت بالراحة لقيت حد في الصالة وعايز يطلع فوق.
شيماء من وراه:انت مين وايه جابك عندي اوعي تعمل حركة غلط عشان متموتش فى ساعتها.
الشخص لف بكل هدوء :لو علي ايدك أنا موافق.
شيماء شافت الشخص واتصدمت.....
قولوا توقعاتكم للبارت الجاي
#يتبع.
لـِ شيماء أسامة "ملاك القلم".
#رُفات_الهوي.
#shaymaa_osama.