رُفات الهوي✨♥️ (قيد الكتابة)

الفصل الخامس عشر

ڤوت يا سكر♥️
كل عام وأنتم بخير♥️
شيماء:مين،محدش رد شيماء لبست ازدال وفتحت الباب.
شيماء:نعم عايز إيه.
سليم:عايزك في موضوع مهم تحت في الجنينة الورانية.
شيماء:مش جاية ومش عايزة اتكلم معاك ولسه هتقفل الباب سليم دخل.
سليم:لو سمحتي انزلي ربع ساعة والموضوع هيخلص.
شيماء وهي بتمسح علي وشها بغيظ ومتعصبة منه:طيب اتفضل انزل.
سليم:طب ياريت تعدلي طرحتك محدش يشوف شعرك وقرب منها وبطلي تتعصبي وشك بيحمر كده وممكن حد يفهمنا غلط وغمزلها.
شيماء:أنت مش قولت اللي أنت عايزه يلا اطلع.
سليم:حاضر بس ماتأخريش.
سليم نزل وبعد 10 دقايق شيماء نزلت واتجمعوا وري.
آدم:اي يا بنتي ده كله.
شيماء:معلش يا آدم بس في حد حارق دمي ومكنتش عايزة أشوف وشه.
سليم كاتم ضحكته وباصصلها.
أدهم عشان يغير الموضوع:طب بصوا إحنا هنضطر نعمل تعديل في الأوض بتاعتكم عشان اكتشفنا إن في حد ممكن يأذيكم بالليل فهنبدل الأوض بس من غير ما حد يعرف.
أروي:يعني ايه هنبدل الأوض من غير ما حد يعرف فهمنا.
آدم:يعني كل واحدة هتدخل اوضتها عادي بس مش هتنام فيها هتطلعوا من البلكونة علي الأوض بتاعتنا إحنا شيماء في اوضة سليم أول أوضة وأروي في الأوضة اللي جنبها اللي هي بتاعتي وأمنية في اوضة أدهم.
أمنية:طب وده كله ليه أصلا ما إحنا ممكن نقفل الأوض من جوه وخلاص.
سليم:لا مهو في حد معاه نسخ مفاتيح الأوض بتاعتكم وكمل بخبث حتي شوفت حد داخل أوضة شيماء وكان معاه علبة كبيرة كده تقريبا والله أعلم فيها تعبان.
شيماء بتوتر:ت.... تعبان حقيقي يعني اللي بيموت ده.
سليم بمكر:اه هو ده وممكن يكون معاه حاجه تانية عقرب مثلا أو....
شيماء:خلاص كفاية بلاعة زواحف طفحت في وشي.
آدم:معندكمش اختيار للأسف ولا إحنا بس هو كام يوم وخلاص.
كلهم طلعوا الأوض بتاعتهم وكل واحدة بتاخد الحاجات اللي محتاجاها.
في أوضة أمنية
أمنية:طب هو التعبان جه عندي هنا لا لا ان شاء الله مايكونش في حاجه أصلا ويكون التعبان اللعبة ده اللي مش بيعمل حاجه.
أدهم:أنتى بتكلمي نفسك أنا كده هقلق عليكي.
أمنية: هو فعلا في تعبان في أوضه شيماء طب كبير مثلا ولا ايه...
أدهم بمقاطعة:هششش اهدى خدي اللي محتاجاه وروحي اوضتي نامي ومتقلقيش من حاجة طول ما أنا موجود.
أمنية:احم طيب تصبح على خير.
أدهم في سره وأنتي من أهلي يا أمنيتي.
في أوضة أروي..
أروي:يارب يعني أنا ماصدقت أبدأ اهدي من ناحية المكان هنا يطلع في زواحف سامة.
آدم:لا متقلقيش مش ساميين دول كيوت خالص.
أروي:ليه أقاربك يعني، احم أنا آسفة.
آدم بضحك:لا يا ستي مش قاريبي وعشان أقولك إحنا عيلة قمر ولو بقيتي مننا هتعرفي فعلا.
أروي:لا يا عم مش عايزة تصبح على خير.
آدم بيضحك عليها:وأنتي من أهله يا جميل.
في أوضة شيماء دخلت غرفة الملابس.
شيماء:طب هو ممكن يكون اتحط فين ولا ممكن يكون مستخبي في الهدوم، اقول فيك إيه يا سليم على اللي عملته النهاردة.
سليم من وراها:وأنا مالي يا لمبي.
شيماء اتخضت وكانت هتصرخ بس سليم حط إيده علي بوقها:اهدي مالك في ايه.
شيماء بعدت إيده:حرام عليك والله بجد وقعت قلبي اي ده.
سليم:سلامة قلبك يا جميل بس قوليلي تعبان يعمل فيكي ده كله.
شيماء:عندى فوبيا من الزواحف وبعدين أصلا أنا بتكلم معاك ليه أنت حتي قليل الذوق ومش حابة اتعامل معاك.
سليم تعابير وشه اتغيرت:صدقيني مكنتش أعرف واندفعت في الكلام لما عرفت ان جدي عارف الموضوع وقولت يمكن قولتيله.
شيماء:حد قالك إني عيلة عندها 6سنين تروح تشتكي لما حاجه تحصل معاها أنا كبيرة وعارفة بعمل ايه ولو كنت عايزة اقول اي حاجه هقولها ومش هخاف منك ولا من أي حد.
سليم:أنا آسف حقك عليا.
شيماء سكتت وكانت بتدور علي حاجه جت تمشي لقيت سليم قدامها.
شيماء:عايزة اعدي.
سليم بيقرب أكتر لحد مابقاش فيه غير مسافة صغيرة بينهم وباصص في عنيها:لونها إيه.
شيماء:اي هي
سليم:القناصة، احترت في الشمس بيبقي لونها زي لون العسل الأبيض ودلوقتي خليط مش عارف ليها لون، وبعدها اتنهد حيرتني زي صاحبتها.
شيماء:طب ابعد يا سليم أنا مش زي اي حد.
سليم:محدش يقدر يقول إنك زي اي حد.
شيماء:يبقي تبعد.
سليم بعد عنها:طب ممكن نتكلم شوية.
شيماء:مش هنا أكيد.
سليم:نتكلم تحت ايه رأيك.
شيماء ساكتة وسليم حس إنه بيضغط عليها:خلاص مش لازم النهاردة.
شيماء وهي رايحة البلكونة:بالمناسبة الملف بتاع صفقة الأدوية فى الدرج اللي جنب السرير والملف بتاعي في اوضتك ابقي شوف مين اللي عمل كده.
سليم:حاضر.
شيماء:ثانية ازاي هتنام هنا وفي تعبان مش بتخاف.
سليم:لا أنا قولت تقريباً في علبة فيها تعبان، قرب منها ايه خايفة عليا.
شيماء:لا أظن إنك تقدر تحمي نفسك، عن إذنك.
سليم:تصبحي على خير يا ملاكي.
شيماء كانت مشيت.
آدم:اقسم بالله أنا لو مكانها كان زماني طفشت.
سليم بغضب:اتلم أحسنلك.
آدم:طب يا سولي يا حبيبي شكلك مجنون دلوقتي تصبح علي خير.
سليم مسكه من قفاه:طلما طريقتي مش عجباك ما تتلحلح أنت وخد خطوة بدل ما أنت مابتعملش حاجه.
آدم:ده أنت هتنبهر قريب أصبر.
أدهم طلع:مالكم صوتكم عالي ليه.
آدم لسليم:قوله بقي كلمتين خليه يحس علي دمه وياخد خطوة.
سليم:لما تاخدها أنت الأول.
أدهم:علي فكرة بقي مسمحلكمش أنا اخدت خطوة.
سليم:طب يالا يا حبيبي منك ليه وريني جمال خطواتكم وادخلوا ناموا.
آدم:طب يالا يا دومي عشان سولي 5دقايق كمان وممكن يقتلنا ومحدش هيعرفلنا طريق.
أدهم انكجه:بقولك يا آدم تفتكر إحنا أشكال تتحب.
آدم:إحنا عايزين حد يظبطنا وهنبقي زي الفل يالا تصبح على خير.
أدهم:وأنت من أهله يا قلبي ابقي اتغطي كويس عشان البرد.
آدم:اقسم بالله أنت اللى دخلك شرطة ظلمك،غور يالا.
أدهم:اخس عليك يا آدم تعمل فيا كده.
آدم:شكلك والله أعلم مش ناوي تجيبها لبرة.
أدهم:طب سلام بقي.
كلهم دخلوا يناموا.
الساعة 6ونص الصبح آدم وادهم وسليم بيخبطوا علي البلكونات عشان كل واحد يرجع مكانه.
أدهم:صباح الخير نمتي كويس.
أمنية:صباح النور، اه تمام اتفضل ادخل ومشيت.
آدم:صباح النور اخبار الأوضة عجبتك.
أروي:اه كويسة عن إذنك.
سليم:صباح النور.
شيماء:صباح الخير.
أمنية:ملاكي هتنامي تاني ولا هتنزلي.
شيماء:نعسانة اوي مانمتش بالليل كويس مش عارفه ،ممكن أنام شوية.
أمنية:ماشي يا حبيبتي نامي أنا شوية وهنزل.
البنات دخلوا الأوض بتاعتهم.
الساعة 8كله متجمع علي الفطار.
الجد:فضة خلي حد يطلع ينادي البنات عشان نفطر.
فضة:حاضر يا فخر.
أمنية وأروى نزلوا.
أمنية:صباح الخير يا جدي.
الجد:صباح النور يا قلب جدك.
أروي:صباح النور.
الجد:صباح الفل يا دكتورة اومال فين ملاك.
أمنية:كانت بتقول أنها نعسانة فاحتمال ماتنزلش.
أمنية خلصت كلامها ولقيت شيماء قعدت:والله ماكنتش ناوية انزل وأنام بس شميت ريحة فطير مشلتت ماقدرتش اقاومه وأنا نقطة ضعفي الأكل اللي ريحته حلوة كده
فضة:بالهنا والشفا يا حبيبتي، علي فكرة معمول بالسمن البلدي هتأكلي صوابعك وراه.
شيماء:تسلم ايديك يا تيتي والله ريحته أصلا تفتح النفس.
أدهم:على كده أنتي سهل الواحد يرشيكي يعني الواحد يجبلك فطرتين وتمشي الدنيا.
شيماء:لا طبعا أنا مابحبش أكل غير الحاجة اللى معمولة بروح حلوة غير كده يبقي طعمها مش حلو، ولو أنت عايز حاجه قولي ماتتكسفش أنا أختك ومتقلقش مابخدش مقابل كبير.
أدهم:أخيراً ده أنا كنت مستني العرض ده من زمان.
شيماء:العرض متاح من بكرة يا حضرة الظابط مش من النهاردة.
أدهم:اللي عمل جميل يتمه طيب خليه من النهاردة.
شيماء:مش عجبك خلاص براحتك.
أدهم:أنتي كان حقك تدخلي شرطة علي إنك بتمشي كلامك علي أي حد كده.
شيماء:أنا عاجبني كده.
خلصوا الفطار وطلعوا قعدوا في الجنينة.
آدم:القعدة دي عايزلها كوباية شاي بالنعناع.
أمنية:اعمل حسابنا كلنا بقي.
آدم:اشطا يكون في علمك أنا احسن واحد يعمل شاي بالنعناع.
أمنية:ده أنت متواضع جدا يا آدم.
آدم:أنا مفيش حد زيي أصلا.
أمنية:قولتلك متواضع.
أمنية لشيماء بصوت واطي:أنتي كويسة النهاردة.
شيماء:بحاول بجد بس مش هبقي كده كتير.
أمنية ربطت علي ايديها:متضغطيش علي نفسك.
شيماء:النهاردة بالذات ماينفعش اي انهيار فلازم أكون عادي.
أمنية:مش ناوية تقولي رايحة فين.
شيماء:هتعرفي بكرة يا حبيبتي.
سليم:كان في ورق خاص بالشغل مفروض يتمضي.
شيماء:تمام أنا فاضية لحد الساعة 1 ممكن نبقي نشوفه.
درة:ليه اي اللي هيحصل بعد الساعة 1.
شيماء:اي يا دودو بتسألي ليه خايفة عليا.
درة:لا طبعآ ده أنا حتي عايزة اقولك مع السلامة وماترجعيش تاني.
شيماء:يبقي مايخصش أهلك فمتسأليش تاني.
درة:اسلوبك مش حلو.
شيماء:شبهك بالظبط.
الجد:أخواتك هيجوا أمتي يا أدهم.
أدهم:علي الظهر ان شاء الله يا جدي.
الجد:بإذن الله.
شيماء:جدو لو سمحت ممكن اتكلم مع حضرتك شوية.
الجد:تعالي يا ملاك في المكتب.
آدم:طب والشاي يا جماعة.
الجد:هنرجع نشربه بس خلص أنت في الأول.
آدم:تشكر يا غالى.
في المكتب
شيماء:جدو لو سمحت أنا عايزة امشي من هنا النهاردة الساعة 3.
الجد:ليه ده كله عشان خناقة مع سليم.
شيماء:لا يا جدو الموضوع ملهوش علاقة بسليم أنا عندي شغل لازم يخلص النهاردة.
الجد:شغل ايه وهترجعي أمتي.
شيماء:.......
الجد:وأنا مش موافق إنك تطلعي من هنا.
تفتكروا شيماء قالت ايه وايه اللي ممكن يحصل انتظروني في البارت القادم من رواية رُفات الهوي.
لـِ شيماء أسامة "ملاك القلم"
#رُفات_الهوي
#shaymaa_osama