رُفات الهوي✨♥️ (قيد الكتابة)

الفصل السابع عشر

أتمني الفصل ينال إعجابكم
بعد ما شيماء مشيت وكلهم قاعدين في الصالة تليفون أدهم رن.
أدهم:ايوه يا فندم.
_عندك مأمورية يا سيادة النقيب........
أدهم:أوامر حضرتك يا فندم.
_تتحرك بعد ساعة يا سيادة النقيب.
أدهم:عُلِم ويُنفذ يا فندم، وبعدها قفل.
الجد:في حاجه يا أدهم.
أدهم:عندي مأمورية يا جدي هروح أجهز نفسي عشان هتحرك بعد ساعة.
الجد:ربنا يحافظ عليك يا ولدي.
أدهم:عن إذنكم.
ديمة:ما تيجوا يا جماعة نقعد برة شوية في الهوا.
الجد:لا معلش يا بنات أنا هدخل أرتاح شوية.
ديمة:ماشي يا جدو، وأنتو يا مكتئبين ايه هتفضلوا قاعدين كده.
أمنية:أنا هاجى معاكي.
أروي:وأنا.
ميرال:أنا رأيي إن كلنا نطلع، آدم وسليم خليهم عشان أنتو نكديين النهاردة.
آدم:أنا نكدي بردو ماشي يا كلبة البحر أنا هوريكي.
ميرال:دومي حبيبي مفيش احسن منه في الدنيا، ربنا يسامحني علي الكدب ده.
آدم رمي عليها المخدة بعصبية طفيفة:امشي من هنا احسنلك يا ميرا.
ميرال:هستناكم برة بقي يا جماعة.
سليم سابهم وطلع فوق.
سليم في أوضة أدهم بجمود:رايح فين؟
أدهم:مأمورية.
سليم باستنكار:مفاجأة كده.
أدهم بصوت عالي بعض الشيء:سليم مالك فوق أنا مقدم وبيجلنا شغل فجأة ولازم نلبي الطلب وبعدين شكلك نسيت الشغل وأتلهيت في البيزنس بس أحب افوقك واقولك متنساش أنت مين يا سيادة الرائد وان إحنا ظباط يعني لما يجيلنا شغل مانسألش ازاي نسأل فين وامتي.
سليم بهدوء:ماشي يا أدهم ومشي.
تحت البنات قاعدين في الجنينة.
آيلا في محاولة تلطيف الجو:اي يا جماعة هنفضل ساكتين كده تعالوا نرغي في أي حاجه أنا حاسة ان الجو كئيب أوي.
ميرال:بصراحه وأنا هو ايه حاصل لده كله هي مش صاحبتكم رايحة شغل عادي وهترجع ولا الموضوع ايه بالظبط.
أروي:هي قالت إنها رايحة تخلص صفقة بس المشكله ان في حد بيطاردها وإحنا قلقانين من كده عشان هي لوحدها.
ميرال:ان شاء الله هترجع بخير متقلقوش.
أمنية وأروى:يارب.
ديمة:فين تولين ماشوفتهاش خالص.
تالة:أدهم هيجيبها وهو جاي.
ديمة:يوصلوا بالسلامة.
أمنية:عن إذنكم أنا طالعة اوضتي ومشيت.
أمنية كانت طالعة الأوضة وأدهم كان نازل.
أدهم:أمنية.
أمنية:نعم يا أدهم.
أدهم طلع من جيبه سلسلة فيها فراشة رقيقة ولونها أزرق:دي عشانك ألبسيها وأتمنى ماتخلعيهاش من رقبتك.
أمنية بابتسامة:حاضر، شكرا يا ادهم.
أدهم:لا كفاية شكرا دي مش عايز اسمعها تاني، بصي بالليل أدخلي الأوضة بتاعتي هتلاقي.......... جنب الجيتار علي المكتب خوديها.
أمنية باستغراب:ليه ده كله.
أدهم:هتعرفي بعدين ولو هتنامي نامي في اوضتي دي أأمن مكان ليك اليومين دول.
أمنية:أنا مش فاهمه حاجه بس حاضر، أنت هتتأخر.
أدهم:الله أعلم ممكن اجي بكرة أو بعد يومين مش عارف المهم خلي بالك من نفسك.
أمنية:وأنت كمان، لا إله إلا الله.
أدهم بابتسامة:محمد رسول الله.
أمنية طلعت وادهم مشي والبيت هادي ومحدش بيتكلم.
الساعة 6 عند شيماء وصلت الفيلا.
فارس:حمد الله على السلامة.
شيماء:الله يسلمك يا فارس، أخبارك ايه.
فارس:الحمدلله، الرجالة جاهزين زي ما أمرتي.
شيماء:طب كويس هنتحرك لما نكمل.
فارس:مش ناوية تنسحبي.
شيماء:اللي بدأته من زمان مفيهوش تراجع دلوقتي.
فارس باطمئنان:أنتي عارفه معاكي للاخر.
شيماء:مراتك عاملة ايه.
فارس:كويسة هي قربت تولد وعلطول تقولي قلقانة عليك.
شيماء:هترجعلها بإذن الله، هنخلص اللي هنعمله النهاردة وننهي كل حاجه وتاخد اجازة مفتوحة لحد ما تيجي تقولي عايز أقطع اجازتي، وابقي سلملي عليها.
فاس بضحك:كرم اخلاقك ده جامد، اعتبري سلامك وصل وطبعاً هتشرفيني في العقيقة بتاعة أبني أو بنتي اللي هيتولدوا.
شيماء بابتسامة:أكيد طبعاً ربنا يقومها بالسلامة، هقعد جوا وقبل ما نتحرك بنص ساعه هبلغك.
فارس:ماشي بس عايز أسألك علي حاجة البنت اللي كانت في المخزن ودتيها فين عشان......... اخدها ومرضيش يتكلم
شيماء:هقولك...
Flash Back.
شيماء:نورتيني يا قلبي.
_بشمهندسة شيماء.
شيماء:مفاجأة صح يا ياسمين.
ياسمين:هو في إيه أنا عملت ايه.
شيماء:بصي وفري مجهودي ومجهودك وقوليلي عملتي كده ليه.
ياسمين ببكاء:أنا معملتش حاجة.
شيماء:طيب أنا لحد دلوقتي بتكلم بهدوء ومش راضية اخلي حد يعملك حاجه ولا حتي يخوفك فأنتي اتكلمي احسنلك.
ياسمين:طب أنتي مش مصدقاني ليه بجد....
شيماء بمقاطعة وصوت عالي:اخلصي أنا مش فاضيالك أنتي فاكرة إني مش عارفه إنك أنتى اللي عطيتي الملف الخاص بالوفد الألماني لوليد لا وكمان بتنقليله أخبار الموظفين بتوعي عشان تشوفي من ضميره رخيص زيك عشان يشغله عنده، ولا لما الموظفين يمشوا تروحي تعطلي الكاميرات عشان تقدري تتجسسي وتاخدي اللي أنتي عايزاه من الشركة عندي بس اللي ماتعرفيهوش إن في كاميرات تانية في الشركة صورت كل ده ايه رأيك بقي.
ياسمين بصدمة وبكاء:أنا آسفة بجد قوليلي أعمل إيه وأنا موافقة.
شيماء بضحكة سخرية:لا المرة دي أنا اللي هعمل.
شيماء لشخص:خودها سلمها للشرطة وده دليل إدانتها وعطته تسجيل.
Back.
فارس:الشيطان يتعلم من دماغك.
شيماء بضحك:مش اوي كده دي حاجات بسيطة.
فارس:اه طبعا بسيطة طب شوفي كنتي رايحة فين.
شيماء:سلام، دخلت صلت وعملت نسكافية وراحت الاسطبل.
شيماء:وحشتوني جدا عارفه أنكم زعلانين مني بس قريب هرجع واهتم بيكم تاني مش هسيبكم..
بعد شوية جالها تليفون.
_نص ساعه وتتحركي هنتقابل عند الفيلا بتاعة....... هناك.
شيماء:تمام
شيماء طلعت وبلغت فارس.
فارس:تفتكري هنرجع كلنا.
شيماء بتنهيدة:إن شاء الله، أنا من الصبح قلقانة من النقطة دي إحنا ممكن نموت كلنا هناك وممكن نطلع بدون خساير.
فارس بابستامة:اطمني أن شاء الله هنرجع بخير.
شيماء:يلا هنتحرك.
في السراية في أوضة درة.
درة:ايوه يا حبيبي.
رأفت ببرود:ايه يا درة في حاجه.
درة:دي طريقة تكلمني بيها.
رأفت:اه عشان مانفذتيش ولا عرفتي تعملي أي حاجه.
درة بترجي:حاولت بس محصلش حاجه ايه ذنبي بقي.
رأفت:أنتي بوظتي كل حاجه.
درة:حقك عليا بقي قولي عايزني اعمل ايه وأنا هنفذ "البت دي معندهاش كرامة والله خالص".
رأفت:طيب هقولك.
عند شيماء وفارس اتحركوا ووصلوا المكان المحدد ودخلوا.
رأفت بزعيق:أنتي ازاي تدخلي كده.
شيماء ببرود قعدت علي الكرسي وحاطة رجل على رجل وماسكة المسدس في ايديها:اي يا دودو وحشتيني اليوم اللي مشوفتكيش فيه.
رأفت بعصبية:أنتي ازاي ماتقوليش أنها جايالي أنا هموتك.
درة بزعيق:وأنا هعرف منين وبعدين أنت بتقول ايه يا رأفت تموت مين.
رأفت بهدوء مصتنع:أنا آسف يا حبيبتي اقفلي دلوقتي.
شيماء:شاطر خلي الكلام كده بينا دلوقتي.
رأفت:عايزة ايه وازاي تدخلي بالطريقة دي.
شيماء:بصراحة كان نفسي اخبط وبعدين قولت اعملهالك مفاجأة بس ايه رأيك حاجه ماجتش في بالك خالص.
رأفت طلع سلاحه:جيت لقضاكي.
فارس عَمر سلاحه هو والرجال.
شيماء لرأفت:طب اهدي بس كده واقعد أنا وأنت وكل اللي موجودين عارفين أنت عايز تموتني ليه بس مسألتنيش أنا جاية ليه هجاوبك قبل ما تسأل، أنا معايا حاجه تخصك وقولت ماينفعش طبعآ ابعتها كده وخلاص لازم اجي بنفسي اقولهالك.
رأفت بخوف:حاجه ايه.
شيماء:هقولك فاكر صفقة السلاح وصفقة الآثار اللي كانوا من شهر ونص دول اللي كنت مشارك وليد الحديدي فيهم.
رأفت:ايوه دول وقعوا في ايد الحكومة والرجالة كلهم ماتوا.
شيماء:لا ده اللي وليد قاله بس الحقيقة أن وليد اخد الصفقتين لحسابه ووزع جزء منهم علي الرجالة اللي كانوا موجودين وسافروا برة مصر.
رأفت بصدمة:اه يا وليد الكلب تعمل فيا كده.
شيماء بتشفي وابتسامة ساخرة:أنا عندي مفاجأة تانية بس خايفة يحصلك حاجه.
رأفت ساكت وباصصلها، شيماء كملت:صفقة المخدرات بتاعتك أنت وأخوك حد بلغ عنها وحاليا أنت متهم في القضية دي بالإضافة طبعاً لقضايا تانية كتير.
رأفت وهو قاعد علي السفرة شيماء راحت عنده ومسكت الشوكة وحطت لحمة فيها وصبت كأس خمرة وولعت سيجار.
شيماء:أنت يا دوبك تلحق تستمتع باللذات دي النهاردة عشان أنت من بكرة هتاكل عيش وحلاوة بس، سلام.
شيماء وفارس خرجوا من الفيلا.
فارس:تفتكري هيعمل ايه.
شيماء:إحنا ملناش دعوه إحنا بنفذ الأوامر بس.
فارس:يلا نلحق المشوار التاني.
شيماء وفارس وباقي العربيات وراهم ووصلوا فيلا وليد الحديدي "اعملوا نفسكم متفاجأيين🙈"
أدهم:الخطة ماشية مظبوط.
شيماء:لحد دلوقتي اه.
أدهم:طب هتدخلي أنتي وفارس و...... وإحنا هندخل لما يجيلنا أمر بكده.
شيماء:تمام.
وليد:اي المفاجأة دي يا باشمهندسة اصبلك كأس.
شيماء قعدت بردو وحطت رجل على رجل:لا الكأس خليه ليك تبلع بيه الكلام اللي هتسمعه مني.
وليد بقلق:في ايه.
شيماء:فاكر ياسمين اللي كانت شغالة عندي، اللي أنت خليتها شغالة جاسوسة عندك وقتلت جوزها اللي هو بردو كان من رجالتك اعترفت عليك في القسم بكل حاجه تعرفها عنك.
وليد ببرود مصتنع:تقول براحتها كلامها مفيش دليل عليه.
شيماء ببرود:مين قالك كده ده كل حاجه متسجلة صوت وصورة، عندي مفاجأة تانية ليك بس يارب تستحمل.
وليد مصدوم وشيماء كملت:رأفت ابن خالك عرف إنك سرقت صفقتين السلاح والآثار اللي كنتوا شركاء فيها، آسفة إني صدمتك.
وفجأة دوي صوت رصاص في المكان و......
تفتكروا ايه اللي هيحصل استنوني في البارت الجاي من رواية رُفات الهوى..
لـِ شيماء أسامة "ملاك القلم".
#رُفات_الهوي.
#shaymaa_osama