رُفات الهوي✨♥️ (قيد الكتابة)

البارت الثاني من رواية رُفات الهوي

ڤوت قبل القراءة.
شيماء لفت عشان تمشي خبطت في حد.
شيماء :آسفة مقصدتش.
الشخص :لا ولا يهمك يا باشمهندسة.
شيماء :وليد بيه ايه الصدفة الغريبة دي؟
وليد :مين قال إنها صدفة دي مترتبة.
شيماء :مش مهم مترتبة ولا لا، المهم أنت جاي هنا ليه قدام بيتي؟
وليد:حبيت اشوفه، أصل دلوقتي بيقولوا عليه أجمل بيت في مرسي مطروح كلها ده حتي أحلي من القصر بتاعي وقصر الهندواي.
شيماء :مش مهم إنه أحلي المهم انه عاجبني.
وليد :تصدقي عاجبني أنا كمان.
شيماء :تصبح على خير يا وليد بيه وياريت تبطل الحركات دي مش لايقة عليك، اه وياريت لما تجيب شوية عيال عشان يضايقوني إبقي دربهم كويس عشان دول فافي خالص،ومشيت.
وليد فضل قاعد شوية وبعدها مشي
شيماء روحت ونامت.
عدي كذا يوم وكل واحدة من البنات شغلها ماشي تمام وبيتحمعوا باليل يتكلموا.
يوم شيماء قاعدة في المكتب وحد خبط عليه
شيماء : أدخل.
سليم :آسف إني جيت من غير ميعاد بس كنت عايز استفسر عن شوية حاجات.
شيماء :تمام اتفضل أسأل براحتك.
سليم :كنت عايز اعرف امتي هنكتب العقود ونبدأ نشتغل.
شيماء :والله حالياً مش هينفع أحدد ميعاد عشان نعمل اجتماع، أنا مرتبطة باتفاقات ومشاريع لازم أخلصها الأول قبل ما أبدأ شغل كتير بس لو حضرتك مستعجل وعايز تبدأ علطول فمفيش مشكلة لو تتعامل مع شركة تانية وهعتبر إن المقابلة اللى عملناها محصلتش، ولو عايز ارشحلك شركة كويسة مفيش مشكلة.
سليم :لا مفيش داعي لده كله طالما حضرتك عارفة إيه اللي مفروض يحصل فأنا كده مطمن، آسف لو ضايقتك بسؤالي بس كان لازم اعرف الدنيا ماشية ازاي.
شيماء :لا مفيش حاجة ده حقك إنك تعرف كل حاجة خاصة بالاتفاق اللي هيحصل.
سليم :فرصة سعيدة يا بشمهندسة.
شيماء :أنا أسعد.
شيماء خلصت شغلها وروحت وعدي كام يوم من غير ما أي حاجة تحصل.
يوم الخميس بالليل.
أروي :ايه يا شوشو مش بتروحي يعني تتمشي باليل ولا عقلتي خلاص.
شيماء :لا بس هنام بدري انتي عارفة بكرة عندي سباق ولازم اكسب.
أمنية :بنتنا ماتخسرش أبدا.
شيماء :مش ناوين تدخلوا مرة ما انتوا بتسوقوا حلو.
أروي :بنسوق زي الناس الطبيعيين مش الجنان بتاع حضرتك.
شيماء :ماشي يا ستي هتيجوا بكرة ولو كسبت ليكم عندي خروجة جامدة في اي مكان تختاروه.
أمنية :لا انا عايزاها سفر زهقت.
شيماء :خلاص نسافر مفيش مشكله بس مش الشهر ده خالص.
أمنية واروي :اشطا.
شيماء :علي فكرة الجمعة الجاية مسابقة الفروسية.
أروي : ارحمي نفسك شوية.
أمنية :معروفة شوشو مابتسمعش كلام حد.
شيماء :اتفقتوا عليا يعني خلاص اخلص المسابقات دي واخد راحة شوية.
أروي :ماشي يالا ننام عشان بكرة هنصحي بدري عشان الأخت.
أمنية :منك لله يا شوشو حتي في يوم الاجازة هنصحي بدري بسببك.
شيماء :ولازمة شوشو ايه في الدعوة يا اختي قولي شيماء.
أمنية :انا اقدر ادعي بردو علي حبيبة قلبي ده انا بقول ربنا يوفقك.
شيماء :ماشي يالا تصبحوا على خير وناموا.
في قصر عيلة الهنداوي سليم وآدم وحمزة قاعدين مع بعض.
سليم:ايه يا شباب حد هيدخل السباق معايا بكرة.
آدم :لا مليش مزاج المرة دي.
أدهم :وانا بردو انا هروح اتفرج بس.
سليم:طيب بس طبعا هنروح الصبح بدري.
آدم :اه طبعا.
أدهم سرحان في حاجه.
سليم:ايه يا عم سرحت في إيه.
أدهم :لا ولا حاجه.
سليم:مين اللي واخدة عقلك كده.
أدهم :مفيش حاجه هو الواحد مش من حقه يسرح يعني
سليم:لا من حقك يالا تصبحوا علي خير وناموا.
تاني يوم في الفيلا عند البنات
شيماء لابسة بنطلون اسود واسع وتيشرت ابيض حطاه في البنطلون وجاكيت جينز وطرحة موڤ وكوتشي أبيض.
أمنية لابسة جيب لونها نبيتي وبلوزة لونها ابيض وطرحة نبيتي وكوتشي ابيض.
أروي لابسة فستان لونه ازرق بلون البحر وطرحه سماوي وكوتشي ابيض.
شيماء:يالا عشان منتأخرش.
أمنية واروي :يالا واخدوا عربيتين واحدة هيركبوها وواحدة سبورت للسباق وعربيتين حراسة وراهم.
في قصر الهنداوي.
سليم لابس بنطلون جينز اسود وتيشرت ابيض وكوتشي ابيض ونضارة شمس.
آدم لابس بنطلون جينز ازرق وتيشرت سماوي وكوتشي ابيض.
أدهم لابس بنطلون اسود وتيشرت زيتي وكوتشي اسود.
سليم:يالا
أدهم وآدم :تمام واخدوا عربيتين بردو بس ما اخدوش حراسة معاهم.
في العربية عند البنات.
أمنية :كان لازم حراسة يعني يا شيماء.
شيماء :اه انتي عارفة وليد الحديدي ممكن يعمل اي حاجه.
أروي :انتي هتخلصي الموضوع بتاعه امتي.
شيماء :قريب اوي
كله وصل السباق وسليم اتفاجأ ان شيماء بردو موجوده في السباق
سليم راح عندها:اي المفاجأة الحلوة دي، عمري ما اتوقعت إني أشوفك هنا.
شيماء :كلامك مش منطقي بصراحة لأني باجي هنا علطول ومفيش مسابقة واحدة دخلتها وخسرت، بس الغريب إني مكنتش بشوفك هنا.
سليم :تعرفي إنك أنتي البنت الوحيدة اللي في السباق النهاردة.
شيماء : كل مرة كده مش أول مرة .
سليم:يعني انتي البنت اللي محدش قدر يكسبها ولا مرة.
شيماء :اه انا البنت دي في مانع؟.
سليم:لا خالص بس هنشوف انهارده مين اللي هيكسب.
شيماء :مبروك مقدماً وسبته ومشيت.
عند أمنية واقفة مستنية أروي عشان يروحوا يقعدوا شخص جه عليها.
الشخص:واقفة كده ليه لوحدك.
أمنية خلعت نضارة الشمس:افندم في حاجه ايه ده هو انت.
الشخص:اه انا في حاجة.
أمنية : أنت جاي هنا ليه.
الشخص :ابن عمي في السباق ده.
أمنية :وانا مالي وماله انا قصدي جي تقف هنا ليه.
الشخص: عشان محدش يضايقك علي العموم انا اسف علي اللي حصل قبل كده انا أدهم الهنداوي.
أمنية :تمام حصل خير وانا أمنية.
أدهم : تمام أنتى جاية هنا هتدخلي السباق.
أمنية :لا صاحبتي هي اللي داخلة وانا جاية معاها.
أدهم :اه بالتوفيق.
عند أروي كانت بتركن العربية وهي رايحة عند أمنية افتكرت انها نسيت تليفونها في العربية وراحت تجيبه وهي راجعة شافت ولد بيعاكس بنت وهي مش عارفه تعمل ايه راحت عند الولد ووقفته عن حده وخدت البنت وهما ماشيين البنت شافت حد من قرايبها.
البنت :آدم.
آدم :تالة مالك يا حبيبتي في إيه.
تالة:ولد عاكسني ومكنش راضي يسبني بس لولا أروي هي خلصتني منه.
آدم :انا مش عارف اشكرك ازاي، شكرا ليكي.
أروي :مفيش حاجه ده اللي مفروض يحصل.
تالة:ازاي يا أروي يعني لولاكي مكنتش عرفت اتصرف.
أروي :ايه يا تالة هو احنا لسه هنعرف بعض النهاردة الكلام ده ميتقالش تاني.
آدم :يعني انتوا تعرفوا بعض.
أروي :اه طبعا احنا صحاب وتالة بتيجي علطول عندنا وبتقعد معايا انا والبنات.
آدم :متشكر جدا.
أروي :مفيش شكر ولا حاجة ،يلا ندخل عشان السباق هيبدأ .
ودخلوا واتعرفوا علي بعض.
عند شيماء وسليم واقفين شخص جاي عليهم وقال......
#يتبع.
لـِ شيماء أسامة "ملاك القلم"
#رُفات_الهوي
#shaymaa_osama