بسم الله الرحمن الرحيم
لگيتَك بالدرب صدفة
ونسيت الرايد امشيله❤️ .
قراءه ممتعه حبيباتي♥️.
__________________________
كاعده بره الجو حلو غيم ومطر خفيف نهايه شهر ال 12 كل عاده احب اطلع بهيج أجواء بره ويه روايتي المفضله وكوب القهوه كاعده بالحديقه مالتنه واقره مندمجه مر الوقت محسيت بي شفت الساعه ب 12 بليل وعندي باجر دوام كمت دخلت جوه حضرت ملابس المدرسه والجنطه ونمت فزيت ع اكثر صوت اكرها صوت المنبه يزعجني الصبح بحيث اريد اكثر تلفوني من ورا خليت غفوه ورجعت نمت فزيت ع صوت امي
ماما:كومي راح تتأخرين ع مدرسه هسه يجي السايق وتضلين ياهو يوصلج
كمت غصبا عني والنوم بعيوني دائما ياخذني الوكت ع الروايه وكوه اكعد الصبح للمدرسه اروح مطفيه رحت غسلت وطلعت بدلت وسويت شعري ضفيره صفح ونزلت توني اريد اتريك واجه السايق لفيت لفه جبن وأخذتها ويايه تريكت بلطريق لأن إذا ما اتريك ادوخ واني بيه فقر دم وصلنا للمدرسه وشفت صديقتي اقرب صديقه الي صارلنه سوه 4 سنوات حبابه كلش كل أسراري عدها احب اسولفلها دائما احب اكعد وياها احسها تفهمني
ايان:ها ولج وين صرتي راح يدك الجرس
مرام:منايمه ونعسانه ماما اجتني كعدتني
ايان:اكيد سهرانه ع روايتج الي متقبل تخلص
مرام:اي والله بعدهي ممخلصه وامس محسيت بلوقت يلا امشي ندخل لا نترزل وننطرد
ايان:اي يلا
دخلنا والحمدالله بعدهي مجايه المدرسه كعدنا وهيه اجت كملنه بقيه الدروس وانتضرت سايق يجيني وايان راحت ويه اخوها كلتلي تعالي ويايه بس اني استحي والسايق يجي عيب منه انتضرت عشر دقايق واجه وصلت للبيت شفت امي كاعده بلحديقه حسيتها ضايجه رحت يمها
مرام:ها ماما شلونج
ام مرام:هلا يمه الحمدالله ليش تأخرتي
مرام:يمه السايق اتأخر عليه وضليت انتضره
ام مرام:يلا يمه روحي بدلي وحمي الاكل واتغدي
مرام:تمام حبيبتي
دخلت جوه لكيت البيت هدوء صعدت للغرفه بدلت وغسلت ونزلت حميت الاكل وتغديت كمت غسلت المواعين الموجودات وعدلت المطبخ ورحت للغرفه قريت شويه روايه ونمت كعدتني امي وقت الاذان المغرب كمت صليت ونزلت حضرت العشا ويه ماما ولكيت بابا واخواني كاعدين ع التلفزيون كملنا العشا واتعشينا واسيل غسلت المواعين اني طلعت برا جان الجو حلو وهدوء طلعت كتبي ودرست وبعدها قريت روايه وسويت قهوتي المفضله وكعدت اقره وكل عام مر الوقت واني محسيت بي لازم اروح ثاني يوم للدوام مطفيه بسبب هل روايه هاي كمت دخلت لكيت اهلي نايمين دخلت صعدت فوك لكيت زهراء كاعده
زهراء:مرام تعالي شوفي هذن الملابس حلوات اريد اطلبهم
مرام:اي حلوات طلبيلي وياج
زهراء:ولي من يمي كل ماطلب تردين ويايه خل اطلب مره وحدي
مرام:شكد خبيثه
كمت نمت لأن حتصير ب 1 ودوامي الصبح خليت منبه ونمت ثاني يوم هم كعدت ع صوت المنبه بس هلمره كمت خاف اترزل من امي وايان لأن مالحك ابدل واتريك بدلت وشلت شعري ونزلت اتريكت خلصت واجه السايق وصلت للمدرسه شفت ايان واكفه بلباب
ايان:لكك هلاا هاي منو جاي من وقت
مرام:اي غير نمت من وكت امس
ايان:لتجذبين متنامين من وقت انتِ
مرام:اي والله صحيح بس خليت منبه وكعدت علي
ايان:يعني مااخذتي رزاله من امج
مرام:لا الحمدالله يلا امشي ندخل
دخلنا ونفس الروتين خلصنا ورجعنا للبيت تغديت وغسلت المواعين نمت وكعدت درست وقريت روايتي
هسه تعالو اعرفكم علينا
اني اسمي مرام من بغداد عمري 17 خامس علمي ما راسبه ولا سنه كلش احب دراستي وأريد اصير دكتوره أسنان بابا دائما يكلي احب اشوفج بملابس الدكتوره مواصفاتي عيوني لون جوزي ع بابا شعري طويل لونه اسود مثل ماما لا سمينه ولا ضعيفه وسط اخواني ع ماما عيونهم عسلي بس اسيل علينا اني وبابا عائلتنا متكونه من أب وأم 3 اخوان و 4 خوات محمد اخويه الجبير عمره 30 متزوج حبيبته تعرف عليها بالنت وعنده زينب وعباس محمد ضابط يعني منشوفه هلكد بالبيت واخويه الثاني ياسر طالب هندسه مرحله ثالثه عمره 22 مامتزوج بس مرتبط والثالث سيف طالب قانون عمره 20 مرحله أولى وخواتي جوان الجبيره عمرها 25 متزوجه ابن خالتي وعدها ثنين بنات تؤام رؤيا وروجين وزهراء عمرها 19 طالبه سادس علمي تطبيقي واني وراها واسيل عمرها 16 رابع ادبي بس هيه وسيف ادبي بيتنا وماما عمرها 50 وبابا 55 حياتنا هادئه الحمدالله بابا يشتغل بمحل مال سيارات يعني يصلح سيارات وهاي سوالف ماما ربة بيت وبعدين اعرفكم ع اهل ابويه وأهل امي
مرام:اليوم خميس مداومت كلت ارتاح بس اخذت رزاله من امي اكيد لأن متقبل نغيب نزلت جوه لكيت البيت مابي احد بابا بلشغل والبقيه بلدوام بس لكيت مره اخويه ايات تسوي ريوك
مرام:صباح الخير
ايات:صباح النور حب
مرام:كعدت تريكت وشلت المواعين غسلت ونضفت البيت اليوم يجون بيت خالتي احبها اني خالتي بناتها حبابات وهيه هم حبابه واحب جيتها اجتي امي من السوك اني كملت تنضيف وصعدت سبحت وخليت عطر ومسكاره وتنت ونزلت لكيت ايات دتساعد ماما
ايات:فدوه مرام شوفي زنوبه شتريد
مرام:تمام هسه اشوفها رحت شفت زنوبه انطيتها تلفوني ورجعت للمطبخ ساعدتهم بلغده لكيت ماما مسويه برياني دجاج ودولمه نزلن البنات
زهراء:اويلي شهل ريحه الطيبه
اسيل:عفيه بنات اني مااتحمل انتضر جوعانه
ايات:ولجن عيب اصبرن يجون الناس
مرام:اي صح كلام ايات
زهراء:اي خوب انت تكيفين خبيثه
مرام:لا صدك ترا عيب شبيج
اجه بابا وسيف وياسر ورا بس محمد بلدوام
مرام:الله يساعدك بابا
ابو محمد:هلا بيج بنيتي شنو اجت خالتج
مرام:لا بابا بعدهي شويه وتجي
شويه واندك الباب دخلت خالتي وبناتهاا سلمنه عليهم اسماء بنت خالتي قريبه عليه كلش ماما عدها 3 خوات خاله رشا متزوجه بالبصره وعدها 5 ثنين بنات و 3 ولد وخاله هدى عدها ولد واحد وثنين بنات اسماء ونورا وابنها احمد والثالثه خاله مروه مامزوجه مكمله كليه هندسه وعندي 3 خوال حيدر ورضا وكرار حيدر متزوج وعنده ثنين بنات فاطمه ودانه ورضا متزوج وعنده ولد وبنيه مقتدى وشيماء وكرار مامتزوج
مرام:هلاا لج عوبه حتى متسئلين عليه
اسماء:لج ونبي ملتهيه الأدبي صعب
مرام:هه لعد شتكولين ع العلمي الاحيائي
اسماء:انت فاهيه محد كلج صيري دكتوره
مرام:خايبه اسكتي هيه حلاتها مااصير دكتوره
اسماء:لا ان شاءلله تصيرين
ايات:بنات كومن خل نصب الغده
مرام:اي يلا
صبينا وكملنا ونقلنه الاكل واتغدينه الحمدالله راحت زهراء تغسل المواعين واسيل صعدت تنام واني وأسماء ونورا شلنا الاكل وايات تسوي جاي خلصنا وكلمن راح الغرفته بس خالتي وماما بقن بالاستقبال واني وأسماء ونورا صعدنا بلغرفه وايات راح تنوم جهالها دخلت سبحت وكعدنا نسولف اني والبنات شويه وطفيت نعاس نمت وكعدت لكيت البنات نازلات جوه كمت غسلت وشلت شعري وخليت تنت ومسكارا ونزلت شفتهم متجمعين بلصاله رحت للمطبخ كلت اسوي كيكه وخليه نحل بس خل اصيح ايات ويايه
مرام:ايات تعالي شويه ويايه للمطبخ
ايات:هسه جايه بس اصعد عبوسي انومه
مرام:رحت قبلها للمطبخ طلعت الشغلات الاحتاجهم بس ملكيت عدنا نوتيلا خل ادز ياسر يجيب من الأسواق صعدت الغرفته؛ياسر حباب كوم جيب نوتيلا وجبن
ياسر:ولي مرام مالي خلك نعسان
مرام:لا حباب اريد اسوي خليه نحل
ياسر:يلا ماطول بيها اكل رايح
مرام:شكد خبيث ابو بطن
نزلت رحت شفت ايات تخابر محمد طبعا محمد منشوفه هوه ضابط واغلب الوقت بلشغل مرات يتأخر شهر أو أكثر اجه ياسر جايبهم عجنت الخليه وخليتها ع صفحه وحضرت مواد الكيك سويتها ودخلتها للفرن وكلت الايات تسوي الكريمه مااضبطها هلكد اني شفت العجينه اختمرت سويتها وحشيتها جبن ونوتيلا لأن اهلي مو كلهم يحبون الكاكو كملتها دخلتها للفرن وكلت الايات تنتبه عليهن ع ما اسبح صعدت فوك لكيت البنات متجمعات؛ادبسززيات متجمعات بدوني
اسماء:جا غير انت صايره منال العالم براسنا
مرام:مو صوجج عود خل تصير وتعالي اكلي
اسيل:عفيه مرام من تصير صعديلي مابيه حيل انزل
مرام:دولي اشتغل عندج
نورا:بنات ماكلتلكم
زهراء:الله يستر احجي
نورا:اكو واحد
البنات:شبي
نورا:صار ثنين
مرام:والله عرفتج ماعندج سالفه بيها حظ ولن خل اروح اسبح؛رحت سبحت ونزلت شفت الخليه والكيك كاملات فتحت الثلاجه شفت الكريمه مسويتها ايات خليت الكريمه عليهت ودخلتها للثلاجة تبرد سويت جاي وخليت الخليه مال نحل وطلعت للحديقة وصحت البنات
زهراء:شهل أجواء الحلوه
مرام:اي فديتني غير فكرتي هاي
اسيل:اي انجبي لتذلينا ترا ايات سوت وياج
مرام:دنجبي ايات سوت بس الكريمه
نورا:شنو تضلن تتعاركن ترا جعت ولن
مرام:كعدنا ناكل شويه واجه سيف
سيف:دشوفف الكعده من وراي واكل دوخرن كافي هوايه اكلتن
مرام:طبعا غير ملتهي ويه حبيبت الكلب بيش الكيلو احنا
سيف:انتو الاصل حبيبتي
مرام:اي عفيه علمود الاكل هاي
ياسر:مرام الادبسزز منو جابلج النوتيلا والجبن غير اني شو كايله السيف ومكايلتلي
مرام:ونبي توه اجه اسئل البنات
اسيل:اي صح توه اجه ولزك نفسه
سيف:انجبي اسيل
نورا:كلكم انجبوا خل ناكل
اسماء:اكلي ام بطن
مرام:يلا بنات اذا خلصتن وحده منجن تغسل المواعين
زهراء:اني حصعد انام تعبانه
اسيل:اني عندي امتحان
اسماء:واني امي تريدني
نورا:اني بطني تأذيني
مرام:سم ان شاءلله مو اكلتن
ياسر:شوفي هاي السويتليهن اكل
سيف:جا وين ايات شو ماكو
مرام:ايات تخابر محمد
زهراء:صدك شو هلمره محمد تأخر
مرام:عنده واجب
كامو كلهم نضفت المكان ودخلت غسلت وصعدت فوك نمت باجر عندي دوام ومبقه شي الامتحانات نص السنه نمت ساعتين وكعدت لكيت بيت خالتي رايحين ضجت لأن مشفتهم لكيت الساعه ب 5 العصر نزلت شفت ايات وماما كاعدين بلمطبخ رجعت صعدت طلعت كتبي ودرست باجر عندي امتحان شهري أحياء راسلت ايان هم سئلتها ع شكم موضوع طبعا اهلي واهل ايان مقربين يعني اصدقاء خلصت ونزلت جوه
______________________
لك انت شبيك غبي مو كتلك لا تسوون هجوم المكان خطررر ليش ماسمعت كلمتي
محمد:ماادري هيج المكان خطر والله عبالي تشاقه ويانه
مروان:دنجب هسه شلون ترجع الاهلك وانت متصوب
محمد:راح ابقه الحد مااصير زين لأن إذا نزلت يقلقون عليه
مروان:تروح وياي للبصره لو تبقى ويه حسن بغداد لأن قريب ع بيتكم
حسن:اي خل يجي وياي شيودي للبصره وهوه متصوب
محمد:اي خليني بغداد احسن
مروان:هاي هيه براحتكم اني باجر انزل كافي صارلنا هواي مانازلين
حسن:اني طاح حضي ولعباس شني هاي
مروان:نجب حسن
حسن:عمي انت ضال بس تغلط والله لو ما ابوك شيخ
مروان: اي شتسوي بلا
حسن: ابوسك شبيك
مروان:محمد صارت زينه ايدك لو ناخذك للمستشفى
محمد:لا شويه احسن بس اريد ارتاح
مروان:خوش اني طالع جا
طلعنا كلنا الحمدالله محمد ماصار علي شي الحمدالله ياربي محمد اقرب شخص الي مثل اخوي اموت إذا اخسره رحت خابرت ع امي لأن ضال بالها عليه لكيتها متصله عليه مرتين اتصلت بسرعه ردت
ام مروان:ولك يمه ليش هيج تشلع كلبي والله تعبت
مروان:يا بعد روحي يا يمه اعذريني والله جنت نازل واجب
ام مروان:الحمدالله انت بخير بعد امك شلونك يمه مشتاقيلك
مروان:بخير اني يالغاليه انت شلونج
ام مروان:زينين يمه
مروان:اني ان شاءلله باجر انزل
ام مروان:هلا بيك يمه تنور البيت
مروان:فدوه الروحج يمه يلا هسه خل اروح ارتاح سلميلي ع ابوي
ام مروان:الله يسلمك وليدي محروس بأهل البيت
مروان:سديت تلفون منها ونمت
توني غفيت وسمعت صوت حسن يصيح...يتبع
__________________________
شنو رأيكم؟
اهم شي التصويت والتعليقات اريد تحفيز علمود اكمل😔♥️.
البارت 2000 كلمه👍🏻.
اذا أكو اخطار غلسو كتبت وباجر عندي امتحان
احبكم نلتقي بلبارت الثاني♥️.
#ملاذي
#الكاتبه زهراء العلي🤍.
