بسم الله الرحمن الرحيم
لتنسون التصويت+التعليقات+احبكم❤
*****************************
مروان:
اليوم اروح البغداد عزمنا محمد اني وحسن قبل لا نلتحق لأن احنا هل ايام التحاقنا
طلعت توجهت للبصره بعد ما ودعت الاهل ورا طريق متعب يلا دخلت بغداد
دخلت الفرع بيت محمد خابرته طلعلي بالباب استقبلني ولكيت حسن واصل قبلي
ها لك كوا... يمتى اجيت
حسن:هلا ضلعي نورت بغداد والله قبل شويه وصلت
مروان:اي مبين قبل شوي وهوه متريك ومخلص
حسن:هسه انت حاسدني ع ريوك هيه جبن وبيض
محمد:جا شتريد اشويلك ابوك من صبح تتريك بي
حسن:انجب يلا
مروان:شلون يريدله كتله الوصخ
حسن:كلكم عليه لا هاي هيه اني زعلت
محمد:جنه مره بس تزعل
مروان:اي عوفنا هسه منه خيولي
شلونك الاهل شلونهم
محمد:والله بخير كلنا زينين انت شلونك شغل شلونه
مروان:زين
امس اجاني تهديد
حسن:اني هم وصلت رساله ع تلفوني تهديد
محمد:ها رجعو ذول الكواوي..
مروان:اني اربيهم معليك
حسن:مروان حذر اهلك لا يطلعون من البيت دائما
مروان:خايب شيردون يسون مخانيث
محمد:الحذر واجب مروان تدري بيهم يردون شي عليك
مروان:لا تخافون اني اعلمهم
صار وكت الغده تغدينا وطلعت اغسل وشفت مرام تخلي الخاولي تريد تروح وصرت بوجها
مرام:شسمه مادري بيك هنا جبت الخاولي
مروان:شلونج
مرام:الحمدالله يلا اترخص
مروان:اوكفي احجي وياج
اول شي ليش حضرتيني
مرام:عيب عليك تراسل اخت صديقك
مروان:بس اني مامسوي شي
مرام:شتريد تسوي بعد
مروان:افتحي الحضر عندج منا لليل اذا ما فتحتي تعرفين شسوي
مرام:شتريد تسوي سوي
وطفرت منه قبل لا يحجي
مروان:اني اعلمج
غسلت ودخلت لكيتهم توهم مخلين الجاي شربت وكعدنا نسولف وعجبني اروح للمول كلت للولد وطلعنا كلنا سوه
طلعنا واحنا بالطريق انتبهت أكو سياره ورانه مضلله ماهتميت الها ولا حجيت
وصلنا للمول باوعت ورانه مالكيتها
دخلنا اشترينا شكم شغله واتعشينا
صارت ب 8 طلعنا
لمحت نفس السياره ورانه عرفتها مراقبتنا توني اريد اطلع سلاحه وضلو يرمون ع سياره
شخطت ايدي طلقه كمت ماعرف اسوق
حسن:اوكف مروان شبيك راح تموت
مروان:لا تصير مطي بس نوكف نموت
محمد:مروان ايدك تنزف
مروان:مو مهم شباب بس خل نوصل بسلامه اسكتو لا تحجون
سكتو والسياره بعدهي ورانا وترمي بالف يا علي دخلنا للفرع ايدي تنزف وعيوني غوشن
وكفت سياره ماكدرت اكمل
محمد:حسن انزل أسند مروان من هذيج الجها بسرعه هواي خسر دم
مروان:سندوني نزلنا بيت محمد
ياسر:هاي شكو شصاير شبي مروان
محمد:مو وكتك ياسر بسرعه خابر ع دكتور خل يجي
ياسر:اي يلا
مروان:خلوني بلاستقبال
شوي واجه دكتور عقم ايدي وشدها وانطاني مهدء نمت كعدت الفجر لكيت الولد نايمين يمي خطيه
سندت روحي وكمت طلعت برا لكيت مرام تسمع اغنيه شمسين وتقره كتاب
___________________
مرام:دخلت جوه صعدت للغرفه سبحت وبدلت وكعدت اكلب بالتلفون وراسلت رياحين وايان وجوان شويه
صارت ب 3 نمت فزيت ب 5 الغرفه هدوء نزلت لكيت ايات واسيل وزهراء مجتمعات بالمطبخ سئلتهم ع الولد كالن راحو للمول
وامي بيت خالتي وبابا بالشغل
كعدت وياهن سولفنا شويه وكمنا نحضر العشا تعشينا اني وامي وبابا والبنات
صارت ب 8 دخل ياسر
ياسر:يابه مروان متصاوب بايده وهسه همه بلاستقبال
ايات:ياسر فدوه محمد مابي شي
ياسر:لا مابي شي
مرام:طلع ياسر وبابا
صراحه ميستاهل خطيه
صعدت لكيت رياحين متصله عليه هسه هاي شكللها
جاوبتها
رياحين:هلا مرام وينج صارلي ساعه اتصل
مرام:هلا بيج حبيبي اسفه جنت جوه اتعشه
رياحين:لا عادي بس ردت اسئلج ع مروان مارجع لأن اهلي ضال بالهم
مرام:لا أعتقد اليوم يبقه يمنا
رياحين:بس هوه كال اتغده واجي ماابقى
مرام:مو شسمه مادري يمكن محمد مجلب بي
رياحين:تمام عمري يلا اخذي راحتج
مرام:سديت الاتصال ونزلت كالو مروان مابي شي وعقمو ايده ونام
صارت ب 10 الكل راح الغرفته
اني رحت للمطبخ سويت كهوه صعدت اخذت كتابي وتلفوني والهيتون ونزلت
طلعت للحديقه شغلت اغنيه "شمسين"وكعدت اقره بالكتاب مامنتبه حسيت شخص كعد يمي
شفته مروان نزيت
مرام:شبيك فززتني
مروان:شعندج كاعده ب 3
مرام:شعليك بيه
مروان:مرام احجي عدل لا اشك حلكج
مرام:لا تغلط ويلا كوم لا يكعد أحد من اهلي
مروان:واذا ماكمت شسوين
مرام:عادي اني اكوم
ردت اكوم ولزم ايدي
بسرعه وخرت بس هوه مجلب بايدي
مروان:ماكو الحمدالله ع سلامه
مرام:الحمدالله ع سلامتك عوف ايدي لا يكعد احد
مروان:مرام باوعيلي
مرام:ماريد اباوع
مروان:رفعي راسج مرام
مرام:رفعت راسي اجت عيني بعينه كبل نزلتها
مروان:احب عيونج
مرام:سحبت ايدي منه وكمت دخلت
ضلت كلمته بالي صعدت للغرفه كلبت بلانستا شويه ونمت
كعدت ساعه ب 12 الضهر متكسره
نزلت عبالي اصدقاء محمد رايحين
صباح الخير
ام محمد:صباحيش يمه ب 12
مرام:ها مو شسمه مادري المهم صباح الخير
رحت للمطبخ لكيت ايات تطبخ سويت لفه جبن وجاي وتريكت
اكلج ايات اصدقاء محمد يمتى يرحون
ايات:مروان مايروح كل الاهله ملتحق
لأن ماير يروح وهوه متصاوب الاهله
مرام:اهو يعني الغثه راح يبقى هنا
ها تمام
صعدت فتحت نت لكيت ايان مراسلتني وكايلتلي راح اجيج اليوم
كمت سبحت وبدلت خليت تنت ومسكارا
نزلت كلت الياسر يجيب حلويات جاهزه وحضرت البيبسي
_____________________
ايان:اليوم ردت اروح المرام وكلتلي اصدقاء محمد هناك
راسلني ياسر
"مشتاقلج بنت كلبي"
ايان:هلا ياسر
ياسر:هلا بيج حبيبتي ليش كطعتي عنا
ايان:ردت اجي اليوم وماكدرت
ياسر:تعالي باجر
ايان:ان شاءلله
ياسر:احبج
ايان:شفتها ومارديت
ويه كل كلمه احبج كلبي يدك سريع
نمت كعدت الصبح راسلت مرام كتلها اجيج اليوم
ماردت عرفتها نايمه نزلت تريكت ويه اهلي وساعدت بنين بالغده
كلت الاهلي اروح الايان ماعترضو
صعدت لكيتها مجاوبتني بدلت وكملت نزلت منتضر وصلني لكيت محمد وسيف بالباب استغربت ماكو ياسر سلمو ع منتضر اني دخلت سلمت ع ام مرام ومرت اخوها وخواتها
صعدت الها فوكك سلمت عليها وكعدنا نسولف نزلت جابت انواع الحلويات عرفت ياسر جايب
اكلت بس مو هوايه اجتني رساله ع تلفون من ياسر
"نزلي اشوفج"
كلت الايان ننزل يم ايات بالمطبخ فعلا نزلنا سولفنا شويه مرام صعدت فوك تجيب تلفونها واني طلعت بالحديقه لكيت ياسر سحبني من ايدي ورا البيت
ايان:ياسر شبيك وخر لحد يجي
ياسر:محد يجي لتخافين امان
شلونج حبيبتي مشتاقلج
ايان:زينه بس وخر عني اختنكت
ياسر:ايان راح اجي اخطبج الاسبوع الجاي
ايان:ياسر انت صدك تحجي الخامس بعدني مامكملته مااقبل
ياسر:بس خطوبه حبيبتي بس ع ذمتي اخليج
ايان:ضليت ساكته ماادري شحجي
ياسر:الاسبوع الجاي ادز اهلي
ايان:عفته ورحت دخلت للبيت
مرام:وين جنتي صارلي ساعه ادور عليج
ايان:ها جنت بالحمام
مرام:امشي نصعد فوك لا يجي صديق محمد هنا
ايان:تمام
صعدنا فوك ضلينا نسولف صارت ب 6 كتلها اروح
مرام:ابقي تعشي
ايان:لا مرام اتأخرت
مرام:تمام حب
اكل الياسر يوصلج
ايان:لا اخويه حيجي
فعلا شويه واجه منتضر نزلت لبست حذائي ودعت مرام وطلعت
وصلت للبيت صعدت للغرفه بدلت نزلت نضفت المطبخ وتعشينا
صعدت توه اريد انام وصلتني رساله من ياسر
"احبج تعب كلبي"
قريتها وابتسمت طفيت تلفون ونمت....يتبع
*******************************
شنو رأيكم بالبارت؟
شنو تتوقعون راح يصير بمروان؟
راح تقبل ايات بياسر؟
اكتبولي بالتعليقات
اهم شي تصويت احبكم❤
#ملاذي
