بسم الله الرحمن الرحيم
لتنسون التصويت+التعليقات❤.
قراءه ممتعه❤.
_____________________________
مرام:كعدت الفجر متكسره من النوم لكيت البنات نايمات باوعت للساعه ب 4
كمت غسلت ونزلت البيت هدوء كلها نايمه شفت مخليلي كباب سويت لفه وطلعت بيبسي وكعدت اكل
كملت وكمت غسلت عدلت المطبخ وصعدت للغرفه اخذت كتبي وتلفوني وطلعت برا الجو حلو بي نسمه هوه بارده
خليت كتبي فتحت نت واجني هوايه اشعارات منهن من ايان ورقم غريب
كاتبلي هلو شلونج
رديت علي كتبت منو
رديت ع ايان كتلها رجعت
قريت لأن الفجر اكثر وقت افهم بي
درست هوايه محسيت بالوقت فتحت تلفوني لكيتها ب 7 لكيت الرقم دازلي رساله اني رياحين تذكرتها اخت هذا المغرور
رديت عليها كتبتلها هلا حبيبي كمت شلت كتبي ودخلت صعدت فوك خليت الكتب ودخلت سبحت وبدلت خليت تنت ومسكارا ونزلت كلت اسوي ريوك سويت جاي بلاول وطلعت الاجبان سويت البابا بيض وطماطه لأن ميحب الاجبان حضرت الريوك صارت ب 8 كعد بابا
ابو محمد:يابه شهل صباح والريحه الطيبه
مرام:صباح الورد بابا سويتلك بيض وطماطه حبيبي
ام محمد:شنو هذا النشاط اليوم
مرام:كاعده من الفجر حبيبتي درست وسويت ريوك مو زين
ام محمد:لا يمه زين الله يوفقج حبيبتي
مرام:يلا حبايبي كعدو خل اجيبلكم الريوك
خليت البيض والطماطه بصحونه والاجبان هم حميت الصمون لأن بارد صبيت الجاي خليتهن ع طاوله
رحت للاستقبال صحتهم
كعدو حبيبيني راح اصعد اكعد البنات وانزل
ام محمد:اي يمه كعديهن
مرام:صعدت فوك
يلا بناااااااتتتتت اسيلللل زهراءءء اكعدن كافييييي تنبل نوممم
اسيل:وسم طفي الضوه خلينا نايمين تعبانين
مرام:دكومن سويت ريوك يجنن
زهراء:مرام مالنا خلكج طفي الضوه
مرام:اوي طبجن مرض ضلن مطمورات
نزلت لكيت ياسر وسيف كاعدين صبحت عليهم وكعدنا نتريك شويه ونزلو ايات ومحمد اتريكوا
ام محمد:مرام صعدي كعدي خواتج كافي نوم
مرام:ماما ميكعدن موتني
ام محمد:كعديهن راح تصير ب 10
مرام:صعدت كعدتهن مكعدن اجت بالي فكره
شغلت تلفون وطلعت صوت إسعاف وعليت الصوت وخليته ع ميز
ولجنننننننن كومنننننننن احتركناااااااا اسيلللللل
اسيل:طفرت اريد اعرف منين اطلع وزهراء طفرت وياي شو مانشوف اله مرام تضحك واكعه من ضحك
مرام:متتتتتتتتتت يمهه الحكيني ههههههههههههههههههههههههههههههههههههههههههههههههههههههههههههههههہ
زهراء:يا نذله يا حقيره
مرام:يركضن وراي ردت اوكع من الدرج رحت ورا بابا
ابو محمد:شبيجن شنو جهال
اسيل:بابا جنا نايمات وكعدتنا ع صوت إسعاف واحتركنا
ابو محمد:ليش هيج مرام
مرام:بابا ميكعدن والله موتني
ياسر:مرام ماتبطلين سوالفج
مرام:اوي مو صوجكم روحن انطمرن
زهراء:من وراج ماتخلينا انام بسيطه مرام اني اعلمج
مرام:صعدن وياسر طكها بضحكه
ياسر:ولج شمسويه بيهن
مرام:جا مايكعدن فكلت اكعدهن بهاي الطريقه
سيف:انت كل ماتكبرين تتخبلين اكثر
محمد:عوفوها شتردون من عدها
مرام:اوي فوديتك اخويه حبيبي
ياسر:عوجتي حلكي احجي عدل
مرام:عفتهم وصعدت فوك لكيت البنات كاعدات رحت طلعت كتبي فتحت النت شفت ايان دازتلي اليوم اجيج كتلها هلا بيج ولكيت رياحين كايلتلي مشتاقتلج والله امس تونسنه كتلها اني الاشوق انتِ هم تعالي علينا ع يوم وطفيت النت قريت ل 12
نزلت ساعدت ايات خطيه وحدها بالمطبخ غسلت المواعين وزهراء نضفت الاستقبال واسيل غسلت الحديقه
كملت وحضرنا الغده اتغدينا وغسل المواعين ايات واني خدرت الجاي
خلصت صعدت سبحت لأن بيه ريحه طبخ وتنظيف
مشطت شعري المتعب الي صاير جوه خصري وخليت تنت اكثر شي احبه هوه التنت
فتحت تلفوني لكيت ايون دازتلي راح اجي
شفت الساعه ب 4 العصر نزلت كلت اسوي كيك بارد طلعت بسكت صعدت الايات أكلها تسوي الكريمه
دكيت الباب ودخلت
ايوته اذا كاعده نزلي سوي الكريمه اريد اسوي كيكه بارده لأن ايان حتجي
ايات:اي عمري هسه انزل بس انوم عباس
مرام:تمام
نزلت حضرت البسكت وكعدت اراسل رياحين ع ما تنزل ايات
نزلت ايات سوت الكريمه كملتها
سويت الكيكه وخليتها بالثلاجه تبرد ع ما تجي ايان
صعدت فوك رتبت الغرفه وعطرتها
_______________________
ايان:اليوم اروح المرام هم اشوفها لأن مشتاقتلها فتحت نت اريد اراسلها ولكيت رسائل من ياسر
_وينج ايونتي
_مشتاقلج حبيبتي
_ماتجينه اريد اشوفج
_تعب كلبي انتِ
وهوايه رسائل قريتهن وابتسمت
راسلت ايان وحضرت نفسي وصلني منتضر وصلنا يم بابهم شفت سيف وياسر واكفين بالباب شافني ياسر وابتسم نزلت ونزل منتضر ويايه سلم عليهم واني دخلت لكيت ابو مرام وامها بلاستقبال سلمت عليهم وصعدت المرام دكيت الباب ودخلت لكيت البنات كلهن متجمعات سلمت عليهن وكعدنا سوالف وضحك وشقه
كامت ايات ابنها ضل يبجي واسيل راحت تدرس شويه وصلتني رساله
_ايان اريد اشوفج انزلي احسن ما اني اصعد
خفت من كلامه طفيت التلفون وأريد ادولي حجه علمود انزل بيها بس كلشي طار من بالي من الخوف
رادت تنزل مرام
مرام:اني راح انزل اجيب مي
ايان:اوكفي انزل وياج ع واهس
زهراء:جا المن مخلياتني يلا انزل وياجن
ايان:نزلنا وكتلهن حروح للحمام
مادري الي داسوي صح لو غلط بس خفت منه
دزيتله رساله يجي شويه واجه
ياسر:صايره تسمعين الكلام حبيبتي
ايان:لا مااسمع بس خفت تصعد
ياسر:ها يعني متسمعين
ايان:اي مااسمع
بده يتقرب عليه واني ارجع ليورا
ياسر:ماتسمعين مو
ايان:م م ما ا اسمع
لزكت بلحايط ولزك عليه
ياسر:حبيبتي حليانه
ايان:ياسر وخر لا يجي احد
ياسر:ميخالف مرتي وحاصرها
ايان:قبل لا احجي خله شفته ع شفتي
عضاني من شفتي الفوك ادفع بي وماكو من شافني اختنكت سحب شالي ونزل ع ركبتي يبوس بيها
اني كمت ماادفع مدري شصار بيه
بأس ركبتي حسيته عضها
نزل التيشيرت من يم صدري وخله راسه ويطبع بوسات خفيفه رجع ع شفتي خلص وخله راسه ع راسي
ياسر (بهمس):احبج
ايان:دفعته سحبت شالي وعدلت تيشيرت مالتي ورحت من يمه
ماادري شصار بيه ليش هيج ضعفت يمه
رحت المرام كتلها راح اروح كلتلي اتعشي يمنا ماقبلت
عدلت نفسي وطلعت لكيت ياسر منتضرتني
مرام:روحي ياسر يوصلج
ايان:لا هسه اخابر ع منتضر
مرام:ولج عليمن ياسر عنده شغل يوصلج بطريقه
ايان:مكدرت أرفض اكدر خاف تشك بشي سلمت عليها وطلعت شفته واكف صعدت بالسياره واجه وراي صعد
ياسر:ايان اسف مادري شصار وشلون سويت هيج
ايان:لا رد
ياسر:ايان والله ماتحملت مادري شصار بيه
ايان:لا تحجي كافي
ياسر:ايان ولعباس فقدت ماادري هيج راح يصير
ايان:اي تمام
ياسر:خليت ايدي ع ايدها اسف حبيبتي ماتنعاد
ايان:سحبت ايدي
لا تكول حبيبتي
ياسر:لا تكبرينها ايان ماادري
ايان:شنو مااكبرها ياسر شنو لو باقين شويه جا صار شي اكبر
ياسر:لا حبيبتي والله مو قصدي
ايان:هاي هيه تمام
ياسر:ايان اذا اجي اخطبج توافقين
ايان:صراحه نصدمت من كلامه
اكيد للا ياسر
ياسر:ليش
ايان:ياسر اني طالبه والسنه جايه سادس ماريد التهي عن دراستي
ياسر:بس عقد اخليج ع ذمتي
ايان:ضليت ساكته لأن ماادري شجاوبه وهوه هم سكت
وصلت البيتنا نزلت صعدت للغرفه ضليت افكر شسوينا وكلامه ويايه لا إرادي ابتسمت نزلت جوه ساعدت بنين بالعشا وغسلت المواعين وصعدت نمت
_______________________
مرام:الاحد اول امتحان النه واليوم جمعه خايفه ومتوتره بس يارب اطلع بنتيجه زينه لأن صدك تعبت نمت وكعدت ثاني يوم الفجر كمت غسلت وسويت كهوه علمود اصحصح وطلعت برا درست اسلاميه وفهمتها كلش صارت ب 8 دخلت جوه كلت انام شويه بين ميكعدون اهلي نمت وكعدت لكيت البنات نازلات شفت الساعه ب 11 راجعت الاسلاميه ونزلت صبحت عليهم وتريكت غسلت المواعين
صعدت راسلت ايان كتلها تجينا ورفضت راسلت شويه بالكروب مال العائله صارت ب 1نزلت احضر الغده ويه ايات لأن زهراء بالجامعه واسيل تدرس حضرنا الغده تغدينا واسيل غسلت المواعين وايات حضرت الجاي وهيج مر اليوم عادي مابي اي شي
صار الليل واني كلي توتر وخوف كمت صليت وقريت دعاء لتسهيل الأمر ونمت كعدت ثاني يوم الفجر راجعت وخلصت واني احاول اتغلب ع خوفي نزلت سويت لفه جبن وجاي تريكت وصعدت بدلت وكعدت اسيل كملت تبديل نزلت لكيت ياسر كاعد هم عنده امتحانات هوه وسيف شويه واجي السايق صعدت شفت ايان
ايان:لجج خايفه
مرام:اسكتي لا تخوفيني بالزايد
وصلنا للمدرسه واتفرقنا اني وايان كل وحده بقاعه لأن ع أحرف قريت سوره الفاتحه والحمدالله شويه الاسئله سهله جاوبت وطلعت شفت ايان هم مجاوبه طلعنا شفت السايق جاي صعدت وصلنا للبيت سلمت وسئلوني شلونج بلامتحان وكتلهم الحمدالله
صعدت للغرفه بدلت وغسلت وقتت تلفون ونمت......يتبع
_________________________________
شنو رأيكم بالبارت اكتبولي بالتعليقات
تصويتكم اهم شي مياخذ منكم وقت
احبكم نلتقي في وقتا اخر بإذن الله❤.
#ملاذي
#الكاتبه زهراء العلي
