بسم الله الرحمن الرحيم
ڪِلـمِا اغغـمُض الـعَعـين
طَـيفـكِ يـجَجـيني
مَـدري انـت رمَـش الـعِعـين
مَـدري انـت عِعـينـي .
قراءه ممتعه+لتنسون التصويت+التعليقات♥️
**********************************
مرام:
اليوم اخر يوم بامتحانات نص السنه احس متحمسه وخايفه وايان ويايه
كملت دراسه وخلصت وحتى مليت من كد ماراجعته كمت غسلت وجهي ونزلت سويت كهوه لكيت الساعه ب 6 المغرب لكيت امي تصلي وبابا طالع وياسر وسيف كاعدين بالصاله عبرت من يمهم وصعدت دخلت للغرفه لكيت البنات يدرسن شربت الكهوه وراسلت ايان
ايان:شبيج مرام تخوفين بيه
مرام:يعني الفيزياء صعبه ليش اخر يوم
ايان:ميخالف حبي كافي لتراجعين كومي نامي
مرام:شربت كهوه شينومني
ايان:لعد سوي شي التهي بي
مرام:تمام
ختمت الرساله ويه ايان وقررت اسوي العشا والتهي نزلت لكيتهم مجتمعين بالصاله
رحت للمطبخ سويت حميسه لحم وبتيته وصاج دجاج عدنا بيبسي طلعته وحضرتهم رحت للصاله
صحتهم
ياسر:اويلي شهل ريحه الطيبه
مرام:طبعا غير اني سويتها
ياسر:اهو ام عطوب سوتها عبالي ايات
ايات:لا اني اليوم كاعده مريوم سوت العشا
سيف:عاشت ايدج ايات
مرام:انتو مو صوجكم
ابو محمد:انجبو ولكم شبيكم وياها عاشت ايدج بابا
مرام:حبيبي باباتي
ياسر:ديلا كافي خل ناكل
مرام:كعدو اكلو وكملو اسيل سوت الجاي وايات غسلت المواعين
اني صعدت غسلت وحضرت ملابس المدرسه وقتت التلفون ونمت
_______________________
مروان:من راحت مرام وبالي يمها عيونها بالي
اتعوذت الشيطان ونزلت
جدت مروان:ها ولك مروان شو هل ايام ماعاجبني جنك عاشك
مروان:لا جده يا عاشك بس شغل
ام مروان:الله يساعدك وليدي
مروان:ويساعدج يمه
اجت رياحين كعدت يمنا وضلت تراسل بالتلفون مادري ليش ردت اعرف ويامن تحجي
رياحين بعد اخوج بله نطيني تلفونج شويه
رياحين:هاك خويه
مروان:نطتنيا ودخلت ع واتساب لكيت اول اسم "مرام"عرفتها اخت محمد اخذت رقمها ورجعت التلفون
استأذنت من الأهل وصعدت للغرفه
شفت الساعه ب 9 باليل عيب اراسلها هيج وكت
ضليت اشتغل الحد ماصارت ب 12 خليت ونمت
______________________
مرام:فزيت ع صوت المنبه شفت الساعه ب 4 الفجر
كمت غسلت نزلت سويت كهوه صعدت اخذت كتابي وتلفوني والهيتفون ونزلت
كعدت اراجع وكل ساعه ارجع خاف محافضته صارت ب 6 وسديت الكتاب فتحت تلفوني وصلتني رساله من رقم غريب مكتوب بيها "صباح الخير"
جاوبته منو وجاوبت ع ايان
وكمت دخلت سويت ريوك لفه جبن وجاي
كعدو ياسر وسيف واسيل وزهراء واني تريكت وكملت وصعدت احضر نفسي بدلت وقريت دعاء لتسهيل الأمر
خليت تلفوني ع شحن ونزلت شويه واجاني السايق
وصلت للمدرسه راجعنا شويه اني وايان ودخلنا للقاعه امتحنه وجانت الاسئله بيها صعوبه جاوبت ع الاكدر علي وطلعت ضايجه
شفت ايان هم ضايجه ف عرفت ممجاوبه ما سئلتها
حجينا شويه ودعتها وطلعت
وصلت للبيت وجان هدوء امي نايمه وبابا بالشغل اخواني بالدوام وايات نايمه
صعدت غسلت وبدلت فتحت تلفوني لكيت الرقم راد عليه
"ع اقل ردي ع الصباح الخير"
جاوبته
"اذا متكول منو احضرك"
جاوبني بنفس الدقيقه
"بويه مو اله تعرفين منو"
مرام:ونبي اذا مكلت هسه منو احضرك
مروان:تدرين عيونج مايطلعن من بالي
مرام:استفزني بكلامه ردت احضره وكتبلي
مروان:ولا طعم شفتج
مرام:ضلت ايدي ترجف
تذكرته هذا المغرور بس منين جاب رقمي معقوله اخته انطته اله
"شتريد المن مراسل منين جبت رقمي"
مروان:مو مهم منين جبته المهم احجي وياج
مرام:شكرا واني ماريد يلا باي
حضرته ونمت
____________________
مروان:راسلتها ومن عرفتني حضرتني
بنفس الوكت خابرني محمد
مروان:لك هلا بالضلع
محمد:هلا بيك حبيبي
مروان:شلونك حمودي الاهل شلونهم
محمد:والله بخير الحمدالله انت شلونك الاهل
مروان:يسلمون عليك
محمد:الله يسلمك
مروان عازمك ع عشا يمنا انت وحسن لأن راح نلتحق كلت خل نكعد سوه قبل لا نلتحق
مروان:ان شاءلله اذا معندي شغل اجي
محمد:ان شاءلله حبيبي يلا اخذ راحتك
مروان:بلاول مردت اروح بس بعدين تذكرت وكلت يجوز اشوفها واشوف عيونها
كمت اشتغلت ونزلت تغديت وقررت اروح البغداد باجر
جده مروان:شعندك ولك بغداد خاف عاشكلك بغداديه
مروان:يمكن والله يجده
رياحين:شو ما نسمع اله امي هلهلت
جده مروان:منيه ولك اعرفها اني
مروان:لا جده ماتعرفينها
ام مروان:يمه خل نخطبها الك
مروان:لا يمه ماريد اتسرع
ابو مروان:مروان عدنا كعده اليوم
مروان:يابه ماحضر شي اليوم عندي شغل بالمركز
اترخصت وطلعت كملت شغلي بالمركز وأخذت عشا جاهز
اتعشيت وكملت وصعدت للغرفه دخلت ع واتس شفتها ما فاتحه الحضر خليت ونمت
_____________________
مرام:كعدت متكسره لكيت محد بالغرفه
شفت الساعه ب 9 باليل
كمت غسلت وشلت شعري ونزلت لكيت جوان عدنا
سلمت عليها ورحت تعشيت
كملت وغسلت المواعين وطلعت كعدت يم اهلي بالصاله جانو ملتمين
لعبت شويه ويه بنات جوان كبرانات صايرات حلوات
شويه وحجه محمد
محمد:يابه عزمت مروان وحسن باجر ع الغده نلتم قبل لا نلتحق
ابو محمد:اي يابه ميخالف
مرام:من سمعت باسمه ضليت ارجف وتذكرت راسلني قبل لا انام طفرت فوك فتحت تلفوني وحذفت رقمه من الواتساب
لكيت ايان مراسلتني وكلتلي راح اجيج باجر
"ها ايون جنت نايمه"
ردت عليه بنفس الدقيقه
ايان:اي ادري بيج حب اكلج باجر اذا معندج شي اجي يمج
مرام:باجر لتجين راح يجون اصدقاء محمد
ايان:ها تمام لعد خليها ع جمعه
مرام:تمام حب اني نازله يم اهلي هنا جوان مشايفتها
ودعت ايان ونزلت
ضليت كاعده يم اهلي سولفنا وبعدين كلمن راح الغرفته
رحت للمطبخ سويتلي قهوه وصعدت اخذت روايتي والهيتفون والتلفون
طلعت اغنيه "شمسين"ضليت برا الحد مصارت ب 2 باليل دخلت
صعدت للغرفه لكيت جوان تراسل زوجها
ضليت اكلب بالتلفون شويه وغفيت
فزيت ع صوت هوسه الصبح شفت الساعه ب 10
غسلت ونزلت شفت اهلي يتريكون تريكت وياهم شويه واتصل تلفون محمد اصدقاءه وصلو كمت اني نضفت المطبخ
شويه واجه محمد كال لحد يطبخ راح اجيب جاهز
اني صعدت سبحت وبدلت وخليت تنت ومسكارا ونزلت ساعدت ايات بلمقبلات صارت ب 11 محمد جاب سمج شوي وتمن احمر وطرشي وخبز حار
حضرنا ورتبنا صارت ب 12 واجه محمد ينقل بلاكل
ورا نص ساعه اجه كال وحده منجن طلع الخاوليات برا يردون يغسلون
صعدت الغرفه ياسر جبت خاولين
وطلعت اريد اخليهن وصار بوجهي مروان....يتبع
**********************************
اليوم البارت قصير ادري بس محبيت اطول بيها اكثر ووقت فراغي جاي اكتب+عندي كومه امتحانات وتحاضير والله ما الحك بس ماريد اقطع بالقصه واوقفها
اليوم البارت عن مروان ومرام
كتبولي شنو رأيكم بالتعليقات+وأهم شي التصويت♥️
البارت1000 كلمه وان شاءلله اعوضكم هلايام
احبكم♥️
#ملاذي
#زهراء العلي
