بسم الله الرحمن الرحيم
- ڪانت لحظة غـَرق اكثر مـن كونها نظـٌره .🤍
قراءه ممتعه🤍.
_____________________________
مرام:مابقه شي الامتحانات نص السنه وخايفه ومتوتره لأن نص المواد اني ممسيطره عليهم عفت الكتاب ونزلت شفت ايات بالمطبخ تسوي عشا
وكفت وياها حضرنا العشا تعشينا وكملنا اسيل غسلت المواعين واني صعدت درست شويه ونمت الروايه تركتها لأن تلهيني عن الدراسه وتخلي بالي يمها ف اتركها افضل كعدت الصبح لكيت البنات نازلت شفت الساعه ب 10 واليوم خميس
كمت غسلت ونزلت لكيتهم كلهم ملتمين يتريكون
صبحت عليهم وكعدت اتريك وياهم
شويه وحجه محمد
محمد:يابه مروان عزمنا بلبصره ع غده واستحيت ارده فشله كتله اكل للأهل واردلك خبر
ابو محمد:اي يابه ان شاءلله نروح عيب ترده
ايان:بابا احنا عدنا امتحانات مبقالها شي
ابو محمد:ميخالف بابا يوم ماياثر عيب نفشله
محمد:هاي هيه يابه اني اخابره واكله
ايان:كمت غسلت صعدت فوك ادرس لازم اكمل ماده قبل نص السنه
راسلت ايان
ايون متجينه اشوفج لأن باجر نروح للبصره
ايان:ولج شعندج بالبصره
مرام:صديق محمد عازمنا ع غده
ايان:اي عفيه جيبيلي بصراوي
مرام:دنجبي هسه تجين
ايان:ماادري راح اكل الأمي وارجعلج خبر
نزلت الأمي
يمه اريد اروح المرام اشوفها لأن باجر تروح للبصره
ام ايان:شعدها بالبصره
ايان:صديق اخوها عازمهم
هسه شنو اروح
ام ايان:هسه اكل الابوج اذا قبل روحي وخلي واحد من الولد يوصلج
كالت البابا بلاول اعترض بعدين وافق
صعدت بدلت ونزلت منتضر وصلني لكيت سيف واكف بالباب دخلت شفت ايات وأم مرام بلمطبخ
السلام عليكم
ايات:وعليكم السلام هلا ايون
ام محمد:هلا بنيتي شلونج
ايان:الحمدالله خاله انت شلونج
ام محمد:ع الله يمه روحي تلكين ايان فوك تدرس
ايان:تمام
صعدت فوك دكيت الباب سلمت ع بنات
اسيل:هلا هلا من اجانه
زهراء:هلا بايون
ايان:هلا بيجن حبيباتي
مرام:اسيل حبابه نزلي جيبي مي
ايان:لا مااريد اجيت اشوفكم
مرام:والله مشتاقتلج شلونج بلدراسه
ايان:اهو مرام سكتي لتسئلين ع دراسه
مرام:اي ختولي
ابقي اتعشي يمنا
ايان:لا ولج ماكدر خاف اتأخر
مرام:لا نجبي هوه عشا متتاخرين
صدك ايان تعالي ويانه للبصره
ايان:يا ولج وين اجي
زهراء:صدك ايون كلي الاهلج وتعالي ويانه
ايان:لا والله ماكدر
مرام:لعد ابقي اتعشي خل نشوفج
ايان:تمام بس اراسل امي اكلها
مرام:نزلت كلت الايات ايان حتتعشه يمنا حجه ياسر
ياسر:لحد يسوي اكل راح اجيب جاهز
ايان:منك من الشيطان
ايات:اي عفيه جيب كباب ودجاج شوي
ياسر:ان شاءلله
قبل لااطلع دزيت رساله الايان
_ايان نزلي اشوفج قبل لترحين البيتكم طاك كلبي عليج
ايان:فتحت رسالته ولزمتني رجفه
اسيل:شبيج ايون اطفي السبلت
ايان:لا حبيبي مو بارده
طفيت التلفون ونت وضليت احجي ويه البنات شويه واجتي مرام وياها العشا تعشينا وكملنا وغسلت
سولفنا شويه وكتلهن لأزم اروح تاخرت
مرام:اكل الواحد من اخواني يوصلج
ايان:لا هسه اخابر منتضر
خابرته كلي عندي شغل هسه ادزلج عبدالله
ضليت بلنص ساعه انتضر خابرتني امي كلتلي محد موجود طالعين
مرام:اوكفي انزل اشوفلج واحد من الولد
نزلت شفت ابويه وياسر وسيف ومحمد يشوفون اخبار
بابا خل واحد من الولد يوصل ايان اخوانها مشغولين وتأخرت
ياسر:خل تنزل اني اوصلها
مرام:تمام صعدت كلتلها
ايان:سمعت ياسر يوصلني ضليت صافنه وماكدرت اكول لا لأن محد يوصلني
سلمت ع بنات ونزلت شفته واكف باب المطبخ بس شافني طلع
لبست الحذاء سلمت ع مرام وطلعت
شفته بلسياره صعدت
ياسر:هلا بايان
ايان:هلا بيك
ياسر:اي ست ايان ليش اراسلج ماتردين
ايان:لا رد
ياسر:مو جاي احجي وياج
ايان:باوعتله ودرت وجهي
شو وكف السياره ضليت جامده
شبيك ياسر المن وكفت السياره
ياسر:من احجي وياج ردي
ايان:شتريد
ياسر:ليش ماتردين عليه متجاهلتني
ايان:جنت كاعده يم خواتك
ياسر:مشتاقلج
ايان:شكرا هسه ممكن توصلني اتأخر الوقت
ياسر:باجر رايح للبصره ماتودعيني
ايان:توصل بسلامه
ياسر:ايان احبج ليش تعذبيني هيج
ايان:ياسر اتأخرت
ياسر:تمام
ايان:اكو شي بداخلي يكلي حاجي بس ماادري ضجت وانقهرت ونزلت دمعه من عيني ماحسيت الا ايد فوك ايدي
ياسر:شفتها تبجي عرفتها ضاجت خليت ايدي ع ايدها
تعب كلبي شبيج اني ضوجتج اسف حبيبتي
ايان:وخرت ايدي لا مو منك
ياسر:مسحي دموعج لا تغسليني بيهن
ايان:مسحت دموعي شويه وصلت للبيت ردت انزل وحجه
ياسر:ديربالج ع روحج حبيبتي احبج
ايان:نزلت بدون ماارد
اول مره هيج انقهر دخلت للبيت ودعيت كون مالكه شخص كدامي لأن انفجر من البجي
صعدت فوك للغرفه وبجيت ع شنو ماادري بس انقهرت علي
قررت ادزله رساله
_اسفه من تصرفي ياسر ترجع بسلامه يارب ديربالك ع نفسك
ياسر:وصلتني رساله واني بالطريق شفتها من عدها قريتها وكتلها
_حبيبتي الله يسلمج
ايان:قريتها وابتسمت
بدلت وكعدت اقره شويه ونمت
مرام:حضرنا نفسنا ونمنا باجر الفجر نطلع للبصره نمت وكعدتني امي كمت غسلت طلعت طلعت شعري كبه وخليت تنت ومسكارا وايلاينر وكحل اول مره أبرز عيوني
شفت البنات كملن ونزلنا تقسمنا اني وامي وابويه واسيل ويه ياسر
زهراء وايات وجهالها وسيف ويه محمد
انطلقنا للبصره الطريق طويل ومتنا جوع كال محمد ننزل نتريك وفعلا نزلنا تريكنا بمطعم ورجعنا كملنا للطريق تعبت واتكسرت ممتعوده هيج
وصلنا يم بيت لالا مو بيت قصر ضليت صافنه كدامه حديقه حلوه نزلنا لكينه عشيره منتضرتنا كلها لابسه عكال ودشاديش أتقدم بابا واخواني سلمو عليهم تقدم رجال جبير سلم ع امي وعلينا اني مدري شكول ضليت ساكته
شويه ودخلونا دخلت لكيت كومه نسوان عليمن اسلم هسه اني
تقدمت امي سلمت والبنات سلمن واني ضاله استحي اسلم
صاحتني مره جبيره
جده مروان:تعالي حبيبه تعالي احبنج
مرام:رحت تقدمت باستني
جده مروان:فدوه الكلبج حبيبه شنو اسمج
مرام:اسمي مرام
جده مروان:اسم ع مسمى حبيبتي الله يحفضج من كل عين
ام محمد:تسلمين بعد روحي
مرام:نقذتني امي من ردت كمت رحت يم البنات ضلينا كاعدين تعرفت ع وحده اسمها رياحين حلوه حبيتها
رياحين:اسمي رياحين وانتن
مرام:اني اسمي مرام واختي اسيل واختي الثانيه زهراء ومرت اخويه ايات واطفال اخويه عباس وزينب
رياحين:تشرفت بيكم اني اسمي رياحين اخت مروان
مرام:تشرفت حبيبتي
ضلينا نسولف صار الغده تغدينا اني مااكلت استحي كدام الناس
جده مروان:ليش ماتكلين جده الاكل ماعجبج
مرام:لا خاله الحمدالله شبعت
جده مروان:يمه جا انت شكلتي وشبعتي
مرام:ضليت ساكته
انتضرت البنات يكملن علمود نغسل سوه كملن وكمنا هنا غسلن واني وراهن بقيت واكفه اغسل عبالي البنات وراي ادور واشوف شخص طويل وضخم وراي تفاجئت....يبتع
_____________________________
اهم شي تعليقات وتصويتات شجعوني اكمل لأن ماكو واهس
احبكم🤍
#ملاذي
#الكاتبه زهراء العلي🤍
